မြန်မာနိုင်ငံ၏ ရွေးကောက်ပွဲများသည် ဒီမိုကရေစီစံနှုန်းစံထားများ ပြည့်မီသည့် ရွေးကောက်ပွဲများမဟုတ်၊ အစိုးရဖွဲ့နိုင်ရန် ၂၅ ရာခိုင်နှုန်းအတားအဆီးကို ဖြတ်ကျော်ရမည်ဟု ဒေါ်အောင်ဆန်းစုကြည် ပြောကြား

မြန်မာနိုင်ငံ၏ ရွေးကောက်ပွဲများသည် ဒီမိုကရေစီစံနှုန်းစံထားများ ပြည့်မီသည့် ရွေးကောက်ပွဲများမဟုတ်‌ကြောင်းနှင့် အစိုးရဖွဲ့နိုင်ရန် ၂၅ ရာခိုင်နှုန်းအတားအဆီးကို ဖြတ်ကျော်ရမည်ဖြစ်‌ကြောင်း အမျိုးသားဒီမိုကရေစီအဖွဲ့ချုပ်(NLD)ဥက္ကဌဒေါ်အောင်ဆန်းစုကြည်က ပြောကြားသည်။ ယနေ့(စက်တင်ဘာ ၁၈) နံနက်ပိုင်းတွင် Chair NLDအမည်ဖြင့် ဖွင့်လှစ်ထားသည့် လူမှုကွန်ရက်စာမျက်နှာပေါ်မှ တစ်ဆင့် ယင်းသို့ ပြောကြားခဲ့ခြင်းဖြစ်သည်။

Image may contain: 1 person

“NLD က ရွေးကောက်ပွဲတွေမှာ ဝင်ရောက်ယှဉ်ပြိုင်ခြင်းဟာ ပြည်သူရဲ့ယုံကြည်မှုပေါ်မှာ အခြေခံတဲ့ စွန့်စားချက်တစ်ရပ် ဖြစ်ပါတယ်။ ကျွန်မ ဒီလိုပြောရတာက၊ လက်ရှိဖွဲ့စည်းပုံအခြေခံ ဥပဒေအရ၊ ကျွန်မတို့နိုင်ငံရဲ့ ရွေးကောက်ပွဲတွေဟာ ဒီမိုကရေစီ စံနှုန်းစံထားတွေ ပြည့်မီတဲ့ ရွေးကောက်ပွဲတွေ မဟုတ်ပါဘူး။ ပြည်ထောင်စုလွှတ်တော်နဲ့ တိုင်း၊ ပြည်နယ် လွှတ်တော် အသီးသီးမှာ ၇၅ ရာခိုင်နှုန်းသော ကိုယ်စားလှယ်များကိုသာ ပြည်သူက ရွေးချယ်တင်မြှောက်ခွင့်ရှိပြီး၊ ကျန် ၂၅ ရာခိုင်နှုန်း ကတော့ တပ်မတော်ကာကွယ်ရေးဦးစီးချုပ်က ခန့်အပ်သူများ ဖြစ်ပါတယ်။ ဒီတော့ အစိုးရတစ်ခု ဖွဲ့စည်းနိုင်ဖို့ ဒီ ၂၅ ရာခိုင်နှုန်း အတားအဆီးကို NLD က ဖြတ်ကျော်ရပါမယ်။ စတင်ထားတဲ့ တည်ဆောက်ရေး လုပ်ငန်းတွေ ဆက်လက်ဆောင်ရွက်နိုင်မဲ့ အစိုးရဖွဲ့စည်းဖို့ လွှတ်တော်အတွင်းမှာ နေရာအများစုရဖို့ လိုအပ်ပါတယ်။ သို့သော် ၇၅ ရာခိုင်နှုန်းသော နေရာများကိုသာ ယှဉ်ပြိုင်ခွင့်ရှိတော့၊ ယှဉ်ပြိုင်တဲ့ နေရာတွေရဲ့ အနည်းဆုံး ၆၇ ရာခိုင်နှုန်းမှာ အောင်နိုင်ဖို့ လိုအပ်ပါတယ်”ဟု ဒေါ်အောင်ဆန်းစုကြည်က ပြောကြားသည်။

Myanmar's 2020 Elections and Conflict Dynamics | United States Institute of  Peace

၂၀၁၅ ရွေးကောက်ပွဲတွင် ၇၉ ရာခိုင်နှုန်းခန့် အနိုင်ရရှိခဲ့ခြင်းကြောင့် အစိုးရဖွဲ့နိုင်ခဲ့ကြောင်းလည်း ပြောကြားသည်။ “ဒီလို လိုအပ်ရာ ရာခိုင်နှုန်းတွေ တွက်ချက်မနေရအောင် ကျွန်မက ပြည်သူတွေကို အကြံပြု မေတ္တာရပ်ခံချင်တာကတော့၊ NLD ယှဉ်ပြိုင်တဲ့နေရာတိုင်းမှာ အောင်နိုင်ရေးကိုသာ ဦးတည်ပြီး အင်တိုက်အားတိုက် ကျွန်မတို့ ပါတီကို မဲပေးကြပါ။ မဲတစ်ခုချင်းဟာ မဖြတ်နိုင်တဲ့ တန်ဖိုးရှိပါတယ်။ မဲတစ်ခု မှန်ကန်စွာပေးခြင်းဟာ နိုင်ငံသားတစ်ဦးရဲ့ တာဝန်ကျေမှုကို ပြသသလို၊ နိုင်ငံသားတစ်ဦးရဲ့ အခွင့်အရေးကို တန်ဖိုးထားခြင်း ကိုလည်း ထင်ရှားစေပါတယ်။ မဲပေးထောက်ခံဖို့ တောင်းခံတဲ့အခါ၊ NLD အစိုးရအနေနဲ့ ဘယ်လောက် နိုင်ငံ့အတွက် အကျိုးရှိအောင် လုပ်ပေးနိုင်ခဲ့လဲလို့ သိချင်တာတွေ ရှိမှာပါ။ ဒီကိစ္စကို ယခုလို အချိန်အကန့်အသတ်နဲ့ ပြောရတဲ့ မိန့်ခွန်းထဲမှာ ပြည့်စုံအောင် ပြောဖို့ဆိုတာ မဖြစ်နိုင်ပါဘူး။ အသေးစိတ်ကို Chair NLD Facebook Page ပေါ်မှာ ဖတ်ရှုနိုင်ပါတယ်။ ကျွန်မတို့ပါတီရဲ့ မူဝါဒ၊ ရည်ရွယ်ချက်တွေကိုတော့ အမျိုးသားဒီမိုကရေစီအဖွဲ့ချုပ် ရွေးကောက်ပွဲကြေညာစာတမ်း ၂၀၂၀ မှာ ဖတ်ရှုနိုင်ပါတယ်”ဟု ပြောကြားသည်။

Image may contain: 1 person

NLDအစိုးရသည် အမျိုသားပြန်လည်သင့်မြတ်ရေးနှင့် ငြိမ်းချမ်းရေးဗဟိုဌာနကို ထူထောင်ပြီး နှစ်ရှည်လပေါင်းများစွာ နိုင်ငံနှင့် နိုင်ငံသူနိုင်ငံသားများကို ဒုက္ခပေးခဲ့သည့် ပြည်တွင်းစစ်မီးများ ငြိမ်းအေးစေရေး၊ နိုင်ငံရေးပြဿနာများကို လက်နက်နည်း၊ အကြမ်းဖက်နည်းတို့နှင့် ဖြေရှင်းသည့် နိုင်ငံရေး ဓလေ့၊ ယဉ်ကျေးမှုများ ပပျောက်ရေးအတွက် အဆက်မပြတ် ဆောင်ရွက်ခဲ့ကြောင်းလည်း ပြောကြားသည်။

3 years later, US pressed to declare Rohingya crisis 'genocide,' hold  Myanmar accountable - ABC News

“ညီညွှတ်ရေးအတွက် ငြိမ်းချမ်းရေး လိုသလို၊ ငြိမ်းချမ်းရေးနဲ့ ညီညွှတ်ရေးအတွက် တရားဥပဒေစိုးမိုးရေး လိုအပ်ပါတယ်။ နိုင်ငံမှာ ကျင့်သုံးနေတဲ့ ဥပဒေတွေဟာ ကာလ၊ ဒေသနဲ့ ဆီလျော်ပြီး မှန်ကန်သင့်မြတ်ဖို့ အရေးကြီးပါတယ်။ ဒါကြောင့် ဥပဒေတွေထဲမှာ ဦးသျှောင်ဖြစ်တဲ့ နိုင်ငံ့ဖွဲ့စည်းပုံအခြေခံဥပဒေဟာ ကျွန်မတို့အားလုံး မျှော်မှန်းတဲ့ စစ်မှန်တဲ့ ဒီမိုကရေစီ စံနှုန်းများနဲ့ ကိုက်ညီစေဖို့ ကျွန်မတို့ လွှတ်တော်အတွင်းမှာ စပြီးကြိုးစားခဲ့ပါတယ်။ ဒီတစ်ကြိမ်မှာ ပြင်ဆင်နိုင်ရေးအထိ အောင်မြင်တဲ့အဆင့် မရောက်ခဲ့ပေမဲ့၊ ဒီဖွဲ့စည်းပုံအခြေခံဥပဒေ ပြင်ဆင်ဖို့ လိုအပ်တဲ့ အကြောင်းအရင်းတွေနဲ့ ပတ်သက်လို့ စိတ်ဝင်စားတဲ့ပြည်သူများ သိခွင့်ရနိုင်ခဲ့တာကို အောင်မြင်မှု တစ်ရပ်လို့ ကျွန်မတို့ ယူဆပါတယ်။ နိုင်ငံတော်ကို ကာကွယ်ရေးမှာ အတွင်းရန်သာမက၊ အပြင်ရန်ကိုလည်း ထည့်စဉ်းစားရပါတယ်။ ရုပ်ပိုင်းဆိုင်ရာအရ သိသာထင်ရှားတဲ့ အရာများလည်း ရှိပါတယ်။ ဥပမာ အနောက်ဘက်နယ်စပ်မှာ လိုအပ်နေတဲ့ ခြံစည်းရိုး တံတိုင်းကြီး လိုပါ”

” ဒါ့အတွက် ကျွန်မတို့ အစိုးရက ကျပ် ဘီလီယံ (၂၀) ချထား ပေးခဲ့ပါတယ်။ ဒီထက် ပိုမိုခက်ခဲနက်နဲတဲ့ လုပ်ငန်းကတော့ မမြင်နိုင်တဲ့၊ ရုပ်လုံးမပေါ်တဲ့၊ နိုင်ငံတကာရေးရာနယ်ပယ်မှာ ကျွန်မတို့ တိုင်းပြည်ကို ကာကွယ်ရေး လုပ်ငန်းတွေပဲ ဖြစ်ပါတယ်။ ပြည်သူအများ သိတဲ့အတိုင်းပါ၊ ဆယ်စုနှစ်ပေါင်းများစွာက စတင်ခဲ့တဲ့ ပြဿနာများကြောင့် ကျွန်မတို့ ရခိုင်ပြည်နယ်မှာ အခက်အခဲ၊ အကျပ်အတည်း၊ ဒုက္ခပေါင်းများစွာ ကြုံတွေ့နေရပါတယ်။ ဒီစိန်ခေါ်မှုတွေနဲ့ လုံးပန်းရာမှာ ကျွန်မတို့နိုင်ငံအပေါ် နားလည်မှု၊ စာနာမှုနဲ့ ကူညီတာတွေထက်၊ ဝေဖန် ဖိအားပေးမှုတွေသာ များပါတယ်။ ဘာ့ကြောင့် ဒီလိုဖြစ်ရတာလဲ။ အခြေခံအားဖြင့်တော့ ကျွန်မတို့နိုင်ငံအကြောင်း ဂဃနဏ သိသူများ၊ သိချင်သူများ နည်းပါးလို့ လို့ ယူဆနိုင်ပါတယ်။ ဒီလိုနည်းပါးရတဲ့ အကြောင်းခံကတော့ ကျွန်မတို့နိုင်ငံအကြောင်း တကယ် လေ့လာသိရှိချင်သူတွေ နည်းပါးလို့ပါပဲ။ တစ်နည်းပြောရရင် ကျွန်မတို့ နိုင်ငံဟာ ကမ္ဘာ့ဇာတ်စင်ပေါ်မှာ အရေးပါ၊ အရာရောက်တဲ့ အဆင့်မှာ မရှိလို့ပါပဲ။ အရေးပါအရာရောက်နိုင်လောက်အောင် အရင်းအမြစ်တွေ မရှိလို့ပါပဲ။

Image may contain: 1 person

“ငါတို့နိုင်ငံက သဘာဝဓါတ်ငွေ့တွေ၊ သစ်တောတွေ၊ သတ္တုတွေ၊ ရတနာတွေနဲ့ ပေါကြွယ်ဝနေပါတယ်။” လို့ အချို့က စောဒက တက်ကြပါ လိမ့်မယ်။ ဒီလို အရင်းအမြစ်ကို ဆိုလိုတာ မဟုတ်ပါဘူး။ နိုင်ငံတစ်နိုင်ငံအတွက် အမှန်တကယ် တန်ဖိုးရှိတဲ့ အရင်းအမြစ်တွေဆိုတာ၊ ငြိမ်းချမ်းတည်ငြိမ်မှု အရင်းအမြစ်၊ တရားဥပဒေကပေးတဲ့ လုံခြုံမှု အရင်းအမြစ်၊ ရေရှည်တည်တံ့တဲ့ ဖွံ့ဖြိုးတိုးတက်မှု အရင်းအမြစ်နဲ့ အရေးကြီးဆုံး ဖြစ်တဲ့ ပညာ၊ ကျန်းမာ၊ စိတ်ဓါတ် မြင့်မားတဲ့ ပြည်သူလူထု အရင်းအမြစ်တွေ ဖြစ်ပါတယ်။ ဒီအရင်းအမြစ်တွေ ခိုင်ခိုင်မြဲမြဲ တွယ်တဲ့အဆင့်ရောက်အောင် ပြည်သူရဲ့ ယုံကြည်ထောက်ခံမှုနဲ့ ကျွန်မတို့ NLD အစိုးရ ဆက်လက် တာဝန်ယူ ဆောင်ရွက်ချင်ပါတယ်”ဟု ၎င်းက ပြောကြားခဲ့သည်။

No photo description available.

News Watch

Facebook Comments

Burmese Online News