ဇော်ဝင်းထွဋ်ရဲ့မိခင် အဆိုတော် ထား covid-19 ကူးစက်ခံနေရသည်မှာ သတင်းအမှားသာဖြစ်

ဇော်ဝင်းထွဋ်ရဲ့ သွေး အဖြေကလည်း တိတိကျကျ မထွက်သေးဘူးလို့ သိရပါတယ်။ ဇော်ဝင်းထွဋ်၏ မိခင်ဖြစ်သူ အဆိုတော်ကြီး ထား ဟာ COVID-19 ကူးစက်ခံနေရတယ်ဆိုတာက သတင်းအမှားသာဖြစ်တယ်လို့ သိရပါတယ်။

ဧပြီလ (၁၉) ရက်နေ့က COVID-19 Positive လူနာများထဲမှာ အဆိုတော် ဇော်ဝင်းထွဋ်၏ မိခင် အဆိုတော်ကြီး ထား လည်းပါဝင်တယ်ဆိုတာ သတင်းအမှားသာဖြစ်ကြောင်း အစီအစဉ်တင်ဆက်သူ ကိုမောင်မောင်အေးက ပြောပါတယ်။ လက်ရှိမှာ Quarantine ဝင်နေတဲ့ အဆိုတော် ဇော်ဝင်းထွဋ်ရဲ့ အခြေအနေကိုလည်း အခုလို ပြောပြခဲ့ပြန်ပါသေးတယ်။

“ကိုညီထွဋ်မိခင် အန်တီထား သတင်းက ကောလဟလပါ။ သူ့အိမ်မှာ ကျန်းကျန်းမာမာရှိနေပါတယ်။ အစ်ကိုကိုယ်တိုင်လည်း မစစ်ရသေးပါ။ Negative ဆိုတာလည်း ဖွနေတာပါ။ မဟုတ်မမှန်သတင်းတွေဖြန့်တာမျိုး၊ ကိုယ်ချင်းမစာနာ ဂျောင်ကြိုဂျောင်ကြားကအတင်းအဖျင်းတွေကို နားစွန်နားဖျားတွေကြားပြီး ပြောဆိုနေကြတာဟာ ကာယကံရှင်မိသားစုနေရာကနေ ကိုယ်ချင်းစာစိတ်လေးတရွေးသားလောက်ထည့်စဉ်းစားပေးနိုင်ရင်ကို လူဆန်လွန်းလှပါပြီ။ တကယ်တောင်းပန်ပါတယ်။ မဟုတ်တာတွေပြောဆိုနေကြတော့ ဘယ်သူက ဘာများအကျိုးအမြတ်ထွက်မှာမို့လို့လဲဗျာ။ ကိုယ်ချင်းစာတရားလေး ထားပေးခြင်းဖြင့် လူပီသနိုင်ကြပါစေဗျာ” ဆိုပြီးတော့ဧပြီလ ၁၉ ရက်နေ့ ည ၁၀ နာရီကျော်က သူ့ရဲ့ ဖေ့စ်ဘွတ်စာမျက်နှာမှာရေးသားထားပါတယ်။ ဒီ စာသားကိုလည်း ဇော်ဝင်းထွဋ်ရဲ့ ဇနီးဖြစ်သူ ဒေါ်ခင်မေအုန်းကလည်း ပရိသတ်သိအောင် ပြန်လည်မျှဝေထားတာ တွေ့ ရပါတယ်။

အဆိုတော် ဇော်ဝင်းထွဋ်ဟာ ဧပြီလ (၁၇) ရက်နေ့က COVID-19 ရောဂါကာကွယ်ရေး စင်တာတစ်ခုဖြစ်တဲ့ အမရာဆောင်မှာ Quarantine ဝင်သွားခဲ့တယ်လို့ သိရပါတယ်။ သူ့ကို အားပေးချစ်ခင်ကြတဲ့ ပရိသတ်တွေကလည်း COVID-19 ရောဂါမရှိဖို့ မျှော်လင့်နေကြပါတယ်။ အခုဆိုရင်တော့ အဆိုတော် ဇော်ဝင်းထွဋ်ဟာ Quarantine ဝင်ခဲ့တာ ဧပြီလ ၂၀ ရက်နေ့မှာ (၃) ရက်မြောက်ရှိပြီဖြစ်ပါတယ်။ သူ့ရဲ့ ကျန်းမာရေးအခြေအနေကလည်း ကောင်းမွန်နေတယ်လို့ သူ့ရဲ့ အမာခံပရိသတ်တစ်ဦးက ဇော်ဝင်းထွဋ်ရဲ့ Facebook Page မှာ ရေးသားထားတာ တွေ့ရပါတယ်။

ကမ္ဘာတစ်ဝှမ်းမှာ ဖြစ်ပေါ်နေတဲ့ COVID-19 ရောဂါကြောင့် စားနပ်ရိက္ခာအတွက် အခက်အခဲ ဖြစ်နေသူတွေ အများကြီးပါပဲ။ ဒါကြောင့် အနုပညာရှင်များကလည်း စားနပ်ရိက္ခာတွေကို တစ်ဖက်တစ်လမ်းက တတ်နိုင်တဲ့ အင်အားနဲ့ လှူဒါန်းနေကြတာကိုလည်း တွေ့ရပါတယ်။ အခုဆိုရင်တော့ မြန်မာနိုင်ငံအတွင်းမှာ COVID-19 ကူးစက်ခံရသူ ဧပြီလ ၁၉ ရက်နေ့ ည(၁၁) နာရီ (၁၅) မိနစ်အထိ COVID-19 ကူးစက်ခံရသူ (၁၁၁ )ဦးရှိပြီဖြစ်ပြီး သေဆုံးသူ (၅) ဦး၊ ပြန်လည်ကောင်းမွန်လာသူ (၇)ဦးရှိခဲ့ပြီလို့ သိရပါတယ်။

Image may contain: 1 person, text that says 'Sniper of Photography'

အဆိုတော် ဇော်ဝင်းထွဋ်ကတော့ ဒီနေ့ အချိန်ထိ သီချင်းတွေ ဆိုနေတုန်းပါပဲ။ သူ့ကိုတော့ Rock ဘုရင် တစ်ဦးအဖြစ် တင်စားခေါ်ဝေါ်ကြပါတယ်။ သူ့ရဲ့ ဂီတသက်တမ်းသာ နှစ် ၄၀ ခန့်ရှိပြီဖြစ်ပါတယ်။ သူ့ရဲ့ သီချင်းတိုင်းကလည်း အောင်မြင်မှုတွေ ရရှိခဲ့ပါတယ်။ ဇော်ဝင်းထွဋ်ဟာ မြန်မာသံစဉ်ဝါရင့်အဆိုတော် ထား ရဲ့ သားတစ်ယောက်ပါ။ ဂီတမျိုးစက်နဲ့ ပတ်သက်ပြီး ဇော်ဝင်းထွဋ်ရဲ့ သား အီတိုးကလည်း ဂီတအလုပ်တွေ လုပ်နေတာ တွေ့ရပါတယ်။

Image may contain: 2 people

#ဆယ်လီရပ်ကွက်

Facebook Comments

Burmese Online News