Covid-19 ကာလမှာတောင် နာရေးကားကိုယ်တိုင်မောင်းပြီး အားဖြည့်ကူညီနေတဲ့ ရွှေပိုးအိမ်

ရွှေပိုးအိမ်ကတော့ မွန်မြတ်လှတဲ့ပရဟိတစိတ်တွေကြောင့် ပရိသတ်တွေအချစ်ပိုနေရသူတစ်ယောက်ပါ။ သရုပ်ဆောင်မင်းသားကြီး ဦးကျော်သူတည်ထောင်ထားတဲ့ နာရေးကူညီမှုအသင်းကြီးမှာလည်း အဖွဲ့ဝင်တစ်ယောက်အဖြစ် ပါဝင်ကူညီနေသူပါ။

သူတတ်ကျွမ်းတဲ့အနုပညာအလုပ်ကနေ ရရှိလာတဲ့ငွေကြေးတွေကိုလည်း ဝေပုံကျခွဲပြီး မကြာခဏဆိုသလို လိုအပ်နေတဲ့နေရာတွေကို လှူဒါန်းလေ့ရှိသူပါ။ မနေ့က ဧပြီ(၂၉) ရက်နေ့မှာလည်း ရွှေပိုးအိမ်ကတော့ တနေ့တာလုပ်အားပေးကုသိုလ်အနေနဲ့ ရေဝေးသုဿန်မှာ သွားရောက်သဂြိုလ်မယ့် ရုပ်အလောင်းကို သေဆုံးသူနေအိမ်မှ ရေဝေးသုဿန်အထိ ကိုယ်တိုင်နိဗ္ဗာန်ယာဉ်ကိုမောင်းပြီး ပို့ဆောင်ပေးခဲ့ကြောင်း နာရေးကူညီမှုအသင်းကြီးက မျှဝေခဲ့ပါတယ်။

အခုလို Covid -19 ကာလမှာတော့ ရောဂါပိုးကူးစက်ခံရမှုအန္တရာယ်လည်း များလွန်းတာကြောင့် တော်ရုံပရဟိတသမားတွေ အပြင်ထွက်မကူနိုင်တဲ့ ကာလလည်း ဖြစ်ပါတယ်။ ဒါပေမယ့် ရွှေပိုးအိမ်ကတော့ Covid-19 ကာလမှာတောင် နာရေးကားကို သွားရောက်ကူညီမောင်းနှင်ပေးပြီး တစ်နေ့တာကုသိုလ်ယူခဲ့ကြောင်း မျှဝေပေးလိုက်ပါတယ်နော်။

Facebook Comments

Burmese Online News