WFP ရိက္ခာထောက်ပံ့ရေးယာဉ်တန်း ဆမီးမြို့အနီး ပစ်ခတ်ခံရ

ချင်းပြည်နယ်၊ ပလက်ဝမြို့နယ်မှာ စားနပ်ရိက္ခာထောက်ပံ့ရေးပစ္စည်း တင်ဆောင်လာတဲ့ ကမ္ဘာ့စားနပ်ရိက္ခာအစီအစဉ် WFP မော်တော်ယာဉ်နဲ့ တပ်မတော်ယာဉ်တန်း တိုက်ခိုက်ခံရတဲ့အကြောင်းကို ဗွီအိုအေမြန်မာပိုင်း သတင်းထောက် ကိုနိုင်ကွန်းအိန်က တင်ဆက်ပေးပါမယ်။ မြန်မာစစ်တပ်နဲ့ ရခိုင်လက်နက်ကိုင် AA အဖွဲ့တို့တိုက်ပွဲကြောင့် ကုန်သွယ်ပို့ဆောင်ရေးလမ်းကြောင်းပြတ်တောက်ပြီး စားနပ်ရိက္ခာအခက်ခဲရှိနေတဲ့ ပလက်ဝမြို့နယ်အတွက် ရိက္ခာတင်ဆောင်လာတဲ့ WFP မှ မော်တော်ယာဉ်တန်း ဧပြီလ ၂၉ ရက်နေ့က တိုက်ခိုက်ခံရတာဟာ ရခိုင်လက်နက်ကိုင် AA အဖွဲ့ လက်ချက်ဖြစ်တယ်လို့ တပ်မတော်သတင်းမှန်ပြန်ကြားရေးအဖွဲ့ အတွင်းရေးမှူး ဗိုလ်မှူးချုပ်ဇော်မင်းထွန်းက ဗွီအိုအေကို ပြောပါတယ်။

“ပလက်ဝမှာ AA က ပိတ်ဆို့ထားတဲ့အတွက်ကြောင့်မို့လို့ အဲဒီ စားနပ်ရိက္ခာအခက်ခဲဖြစ်တဲ့အတွက်ကြောင့်မို့လို့ တပ်မတော်အနေနဲ့က မတူပီ ပလက်ဝလမ်း အဲဒီလမ်းဖွင့်ဖို့အတွက် ကျနော်တို့ မတ်လလောက်ကတည်းက ဆောင်ရွက်ခဲ့တယ်။ တိုက်ပွဲတွေ အကြိမ်ကြိမ်ဖြစ်ခဲ့တယ်။ ကျနော်တို့ စတင်ပြီးဖွင့်လှစ်နိုင်ခဲ့တယ်။ ခုဖြစ်တဲ့ဟာတော့ ၂၉ လောက်မှာ ကျနော်တို့က WFP လုပ်ငန်းယာဉ် ကျနော်တို့ဆီက လုပ်ငန်းယာဉ်ကလည်း အစင်း ၃၀ ကျော်ပါတယ်။ အဲဒီမှာကျနော်တို့လမ်း လုံခြုံရေးဆောင်ရွက်ထားတယ်။ WFP က ကား ၅ စီးပါတယ်။ အဲဒီ WFP က ကား ၅ စီးကိုတော့ ကျနော်တို့က နောက်ဆုံးကနေထားတယ်။ လုံခြုံမှုပိုရှိတာပေါ့လေ။ ဆမီးကနေ ကျနော်တို့ စထွက်လာတဲ့ အချိန်မှာ ညနေပိုင်းမှာ AA နဲ့က အဲဒီWFPကား ၅ စီးကိုပဲ တမင်သက်သက်ရွေးပြီး တိုက်တဲ့သဘောဖြစ်တယ်။ ဖြစ် တာလဲ လက်နက်ကြီး၊ လက်နက်ငယ်နဲ့ ပစ်ခတ်တာပေါ့။ သိပ်ဝေးဝေးလံလံလည်း မဟုတ်ဘူး။ အနီးကပ်ခြုံခိုဆောင်ရွက်တဲ့ သဘောမျိုးဖြစ်ပါတယ်။ WFP ကား ၅ စီးမှာ ထိခိုက်တာတွေရှိတယ်။”

လူမှုဝန်ထမ်း၊ ကယ်ဆယ်ရေးနဲ့ ပြန်လည်နေရာချထားရေးဝန်ကြီးဌာန၊ ချင်းပြည်နယ်အစိုးရအဖွဲ့နှင့် NGO အဖွဲ့အ စည်းတွေက ဆန်၊ စားဆီ၊ ဆား၊ ကုလားပဲ၊ အခြေခံစားသောက်ကုန်နဲ့ တခြားအသုံးဆောင်ပစ္စည်း တင်ဆောင် လာတဲ့ ကားတန်းကို ဆမီးမြို့ကအထွက် ရပ်ဒိန် ကျေးရွာအနီးမှာ AA အဖွဲ့ကနေ ပစ်ခတ်တာလို့ ချင်းပြည်နယ် အစိုးရအဖွဲ့ စည်ပင်ဝန်ကြီးဦးစိုးထက်ကဆိုပါတယ်။

#VOA

Facebook Comments

Burmese Online News