ကြက်ကင်နှင့် မြူဆွယ်၍ လမ်းဘေးခွေများကို ဖမ်းဆီး အသားလုပ် ရောင်းနေသည့် စုံတွဲ မိပြီ

ရှမ်းပြည်နယ်တောင်ပိုင်း၊ ညောင်ရွှေမြို့တွင် လမ်းဘေးခွေးသတ်ဖြတ်သူများအား မေ ၁ ရက်နေ့ ည ၆နာရီခန့်ကဖမ်းမိခဲ့သဖြင့် ရဲစခန်းသို့အပ်နှံကာ အမှုဖွင့်နိုင်ရေး ဆောင်ရွက်နေကြောင်း ညောင်ရွှေမြို့နယ် ခွေးချစ်သူများအဖွဲ့မှ သိရသည်။အဆိုပါ ဖမ်းမိသူ ၂ ဦးကို မသင်္ကာသဖြင့် စုံစမ်းနေသည်မှာ ရက်ပိုင်းကြာခဲ့ပြီဖြစ်ပြီး မေလ ၁ရက် ညတွင်မူ သက်သေခံခွေးသေနှင့်အတူ လက်ရဖမ်းမိခဲ့ခြင်းဖြစ်သည်ဟု ခွေးချစ်သူများ (Dog Shelter-DHT) အဖွဲ့ဥက္ကဌ ဦးသန်းလှိုင်က ပြောသည်။

“အသားကင်ဆိုင်မှာ စောင့်ကြည့်နေတာ။ မကင်ဘဲ အစိမ်းလိုက် ၁၅၀၀ ဖိုး ၀ယ်သွားတယ်ဆိုတော့ သေချာပြီဆိုပြီးလိုက်တာမှာ ခွေးအသေကောင်နဲ့အတူ ဖမ်းမိလို့ ရဲစခန်းကို အပ်ခဲ့ပါတယ်။ လတ်တလော ရဲစခန်းက ခံဝန်ပေးထားကြောင်းသိရပါတယ်။ တရားလိုအနေနဲ့ အမှုဖွင့်ပြီး ဒီခွေးတွေကို ဘာလုပ်ဖို့သတ်တယ်။ ပြီးတော့ ဘယ်သူ့ကိုရောင်းတယ်ဆိုတာတွေ၊ ဆိတ်သားခြောက် ဆတ်သားခြောက်ဆိုပြီး အသားတုလုပ်တာတွေ၊ တိရိစ္ဆာန်ညှဉ်းပန်းနှိပ်စက်မှုတွေ၊ ကျန်းမာရေးနဲ့မညီမညွတ်လုပ်ပြီး လိမ်ရောင်းတာတွေကို သက်ဆိုင်ရာစစ်ဆေးပြီး ပေါ်လွင်စေချင်တယ်။ ဒါကို လူထုသိစေချင်ပါတယ်” ဟု ဦးသန်းလှိုင်က ပြောသည်။

မေလ ၁ရက် ညေန ၆ နာရီခန့်တွင် တွန်းလှည်းအကင်ဆိုင်မှ ကြက်သားကင် ၁၅၀၀ ဖိုးဝယ်ယူသည့် စုံတွဲတစ်တွဲကို မသင်္ကာ၍ နောက်ယောင်ခံစောင့်ကြည့်ပြီးနောက် ညောင်ရွှေမြို့၏၀င်ပေါက် မြို့ဦးစေတီအနီးတွင် ခွေး(အသေကောင်အမဲရောင်)တစ်ကောင်နှင့်အတူ လက်ပူးလက်ကြပ်တွေ့ရှိရပြီး ရဲစခန်းသို့အကြောင်းကြားကာ ဖမ်းဆီးခဲ့ခြင်းဖြစ်သည်ဟု ၎င်းက ရှင်းပြသည်။

ခွေးအသေကောင်နှင့်အတူ တွေ့ရှိရသည့် စုံတွဲမှာ ညောင်ရွှေမြို့မှ ၇ မိုင်အကွာတွင် တည်ရှိသည့် ရွှေညောင်မြို့၊ အောင်မင်္ဂလာရပ်ကွက်တွင် နေတိုင်သူများဖြစ်ကြောင်းသိရသည်။၎င်းတို့၏ ပြောကြားချက်အရ ၀ယ်ယူသူရှိ၍ ဖမ်းဆီးသတ်ဖြတ်ရခြင်းဖြစ်ကြောင်းနှင့် ဆက်လက်၍ ဘာလုပ်သည်ကိုမသိရကြောင်း ပြောကြားသည်။ ၎င်းတို့မှ ၀ယ်ယူလာသည့် ကြက်သားများနှင့်ခွေးကို မြူဆွယ်ဖမ်းဆီးကာ အိတ်အတွင်းထည့်၍ ခွေး၏လည်ပင်းကို သံနန်းကြိုးဖြင့် ရစ်ပတ်သတ်ဖြတ်ခဲ့ခြင်းဖြစ်ကြောင်း တွေ့ရှိရသည်ဟု ဆိုသည်။

“မနေ့ညက စခန်းမှူးလည်းတင်ပြထားပါတယ်။ တရားလိုအနေနဲ့ခွေးချစ်သူများအဖွဲ့က လုပ်မယ်ဆိုရင် လာမယ့်ရုံးဖွင့်ရက်မှာ အမှုဖွင့်ဆောင်ရွက်သွားဖို့ရှိပါ့မယ်” ဟု ညောင်ရွှေမြို့မရဲစခန်းမှ နယ်ထိန်းခေါင်းဆောင် ရဲအုပ်မြင့်ဇော်ဦး ကပြောသည်။ (ဦးပေါက်)

Facebook Comments

Burmese Online News