မြန်မာနှင့်အတူ စတင်တွေ့ရှိခဲ့သည့် လာအိုနိုင်ငံတွင် ၂၁ ရက်ကြာ ကိုဗစ်လူနာသစ် မတွေ့ရှိတော့

လာအိုနိုင်ငံမှာ ပြီးခဲ့သည့်ဧပြီ ၁၂ ရက်က ကိုရိုနာဗိုင်းရပ်စ်ကူးစက်ခံသူ ၁၉ ယောက်မြောက်လူနာကို နောက်ဆုံးတွေ့ရှိပြီးနောက် ယမန်နေ့ (မေလ ၃ရက်) ညနောက်ဆုံးရ အချက်အလက်များအရ မူလကိန်းဂဏန်းအတိုင်း ဆက်လက်တည်ရှိနေပြီး လူနာသစ်ထပ်မံမတွေ့သည်မှာ ရက်ပေါင်း ၂၁ ရှိလာပြီဖြစ်သည်။ မြန်မာနိုင်ငံ၌ မတ် ၂၃ ရက်တွင် ကိုရိုနာဗိုင်းရပ်စ်ကူးစက်မှုစတင်တွေ့ရှိပြီးနောက် အာဆီယံဒေသတွင်းနိုင်ငံ လာအို၌ ဗိုင်းရပ်စ်ကူးစက်ခံရသူ နှစ်ဦးကို မတ် ၂၄ ရက်ကရှေ့ဆင့်နောက်ဆင့်စတင်တွေ့ရှိခဲ့ခြင်းဖြစ်သည်။ မြန်မာနှင့် လာအိုမှာ အာဆီယံဒေသတွင်းနိုင်ငံများအနက် ကိုရိုနာဗိုင်းရပ်စ်ကူးစက်မှုကို နောက်ဆုံးမှတွေ့ရှိသည့် နိုင်ငံများလည်းဖြစ်သည်။

လာအိုနိုင်ငံ၌ စတင်တွေ့ရှိချိန်မှစ၍ ကိုရိုနာဗိုင်းရပ်စ်ကူးစက်ခံရသူ ၁၉ ဦးရှိခဲ့ပြီး ၎င်းတို့အနက် ၉ ဦးမှာပြန်လည် ကောင်းမွန်သွားခဲ့ကာ လက်ရှိတွင် ကုသနေသော အတည်ပြုလူနာ ၁၀ ဦးသာကျန်ရှိသည်။

နိုင်ငံတွင်း၌ အကြမ်းအဖျဉ်းအားဖြင့် မေ ၄ ရက်မှ ၁၇ ရက်အတွင်း တင်းကျပ်သော အစီအမံများချမှတ်ကာအသွားအလာ ကန့်သတ်မှု များအားလျှော့ချရန်စီစဉ်နေကြောင်းဝန်ကြီးချုပ်ရုံးက ယမန်နေ့ကထုတ်ပြန်သည်။

သာမန်အားဖြင့် ပုဂ္ဂလိကစီးပွားရေးလုပ်ငန်းများကိုပြန်လည်လုပ်ကိုင်ခွင့်ပြုမည်ဖြစ်သော်လည်း အများပြည်သူဆိုင်ရာနှင့် ပုဂ္ဂလိကလုပ်ငန်းများမှ ဝန်ထမ်းအားလုံးသည် အလှည့်ကျစနစ်ဖြင့် အလုပ်ဆင်းရမည်ဖြစ်ပြီး လုပ်ခန်းခွင်တွင် ရောဂါကာကွယ်ရေးအစီအမံများကို တင်းကျပ်စွာလုပ်ဆောင်ရမည်ဟု အစိုးရအဖွဲ့ကညွှန်ကြားထားသည်။

Facebook Comments

Burmese Online News