ဝန်ကြီးကိုယ်တိုင် ပြောပြခဲ့တဲ့ မြန်မာပြည်မှာ ကိုဗစ်အတည်ပြု လူနာသစ် နည်းပါးလာရခြင်းအကြောင်း

မြန်မာပြည်မှာ ကိုဗစ်အတည်ပြု လူနာသစ် နည်းပါးလာရခြင်းအကြောင်း ဝန်ကြီး ပြောပြီ…

ပြည်သူလူထုအတွင်း ရောဂါပိုးကူးစက်ခံထားရသော်လည်း ရောဂါလက္ခဏာမပြသသူများ (သို့မဟုတ်) သာမာန်ရောဂါလက္ခဏာများသာရှိသူများက ဆေးရုံ/ ဆေးခန်း၊ ကျန်းမာရေးဌာနများသို့ လာရောက်ပြသမှုမရှိခြင်းများ ရှိနေနိုင်ခြင်း၊ လူနာများကို စောင့်ကြည့်လူနာနှင့် သံသယလူနာများအဖြစ် သတ်မှတ်၍ ဓာတ်ခွဲစစ်ဆေးမှု မပြုလုပ်နိုင်ခြင်းနှင့် ဓာတ်ခွဲစစ်ဆေးမှုအရေအတွက် နည်းပါးနေသေးခြင်းတို့ကြောင့် ကိုဗစ်-၁၉ ဓာတ်ခွဲအတည်ပြုလူနာသစ်တွေ့ရှိရမှု လတ်တလောနည်းပါးနေခြင်းဖြစ်နိုင်ကြောင်း ပြည်ထောင်စုဝန်ကြီး ဒေါက်တာမြင့်ထွေးကဆိုသည်။

မြန်မာနိုင်ငံတွင် ကိုဗစ် – ၁၉ ရောဂါဖြစ်ပွားမှုကို ယခုအခါ အတိုင်းအတာတစ်ခုအထိ ကာကွယ်ထိန်းချုပ်နိုင်ပြီဖြစ်သော်လည်း ပြည်သူလူထုအတွင်း ရောဂါကူးစက် ဖြစ်ပွားမှု ရှိနေဆဲဖြစ်နိုင်ပြီး ယနေ့အထိတွေ့ရှိထားသော ဓာတ်ခွဲ အတည်ပြုလူနာ ၁၅၅ ဦး၏ ၅၇% ခန့်တွင် ရောဂါလက္ခဏာပြသခြင်းမရှိဘဲ ရောဂါပိုး ရှိနေခြင်းကို တွေ့ရှိရကြောင်း ကျန်းမာရေးနှင့်အားကစားဝန်ကြီးဌာန ပြည်ထောင်စုဝန်ကြီး၏ ပြောဆိုချက်တွင် ဖော်ပြထားသည်။

ဆက်လက်ပြီး ယခုအခါ၌ ရောဂါဖြစ်ပွားမှုများပြားနေသည့် နိုင်ငံများဖြစ်သည့် စင်ကာပူ၊ ဂျပန်နှင့် ကိုရီးယားသမ္မတနိုင်ငံ စသည့် နိုင်ငံများမှ မြန်မာနိုင်ငံသားများ ပြည်တွင်းသို့ ပြန်လည်ဝင်ရောက်လာမည်ဖြစ်ခြင်း၊ ထိုင်းနိုင်ငံတွင် အလုပ်လုပ်ကိုင်နေသော မြန်မာနိုင်ငံသားများ ပြည်တွင်းသို့ အစုလိုက် ပြန်လည် ဝင်ရောက်လာမည်ဖြစ်ခြင်း၊ ယခင်ပိတ်ထားသော စက်ရုံ၊ အလုပ်ရုံများ ပြန်လည်ဖွင့်လှစ်တော့မည်ဖြစ်ခြင်း တို့ကြောင့် ရောဂါကူးစက်ပြန့်ပွားမှုများ များပြားလာနိုင်ကြောင်း ၎င်းကပြောသည်။

သို့ဖြစ်ပါ၍ ကျန်းမာရေးနှင့်အားကစားဝန်ကြီးဌာနအနေဖြင့် ကိုဗစ်-၁၉ ဓာတ်ခွဲစစ်ဆေးမှု ပိုမိုပြုလုပ်နိုင်ရန် ဓာတ်ခွဲခန်းများကို အဆင့်မြှင့်တင်ခြင်းနှင့် ဓာတ်ခွဲနမူနာများ ပိုမိုရယူ စစ်ဆေးခြင်းများကို ဆောင်ရွက်လျက်ရှိကြောင်း ၎င်းကဆိုသည်။ လက်ရှိမြန်မာနိုင်ငံတွင် ကိုဗစ်-၁၉ ရောဂါဖြစ်ပွားသူ ၁၅၅ ဦးရှိနေပြီး ၆ ဦးသေဆုံးကာ ရောဂါပိုးကင်းစင်သူ ၄၃ ဦးအထိရှိနေပြီဖြစ်သည်။

#Blacker

Facebook Comments

Burmese Online News