ရောဂါလက္ခဏာ မပြသော ကိုဗစ်လူနာများကြောင့် ထိတွေ့မှု ရာဇဝင်ကို အဆင့်ဆင့် ဖော်ထုတ်နေရ

ကိုဗစ်-၁၉ ဓာတ်ခွဲအတည်ပြု လူနာများ၏ ထိတွေ့မှု ရာဇဝင်များကို စုံစမ်းဖော်ထုတ်ရာတွင် ရောဂါလက္ခဏာမပြဘဲ ပိုးရှိနေသူများကြောင့် ထိတွေ့မှု ရာဇဝင်ကို အဆင့်ဆင့် ဖော်ထုတ်ရကြောင်း ကျန်းမာရေးဝန်ကြီးဌာန ပြောရေးဆိုခွင့်ရ ဒေါက်တာသန်းနိုင်စိုးက ပြောသည်။ ကိုဗစ် -၁၉ ဓာတ်ခွဲအတည်ပြုလူနာနှင့် ပထမတိုက်ရိုက်ထိတွေ့သူ (Primary Contact) မှ ၊ တစ်ဆင့်ခံထိတွေ့ခဲ့သူ (Secondary Contact) များကို ဆက်လက် ဖော်ထုတ်ပါက ထိတွေ့မှု ကွင်းဆက်ကို ချိတ်ဆက်နိုင်သည်ဟု ဒေါက်တာသန်းနိုင်စိုးက ပြောသည်။

“Contact ကတော့ စစချင်း မတွေ့သေးတာ။ နောက်လိုက်ရင်း လိုက်ရင်းကနေ Primary Contact ကို စလိုက်တာပေါ့နော်။ Primary Contact က ၁၀ ယောက်ရှိမယ်ဆိုရင် သူနဲ့ထိတွေ့ခဲ့တဲ့သူတွေ Secondary Contact ပေါ့နော်။ သူတို့ကနေ ထပ်ချိတ်ဆက်ပြီးလိုက်တဲ့အခါ တစ်ဖက်က link ကို သွားတွေ့တာပေါ့” ဟု ဒေါက်တာသန်းနိုင်စိုးက ဆိုသည်။

မြန်မာနိုင်ငံတွင် ၅၈ ရာခိုင်နှုန်းသော ရောဂါပိုးတွေ့ရှိသူများသည် ရောဂါလက္ခဏာများ ပြသမှုမရှိသူများဖြစ်ကြောင်း ကျန်းမာရေးနှင့်အားကစားဝန်ကြီးဌာန၊ ပြည်ထောင်စုဝန်ကြီး ဒေါက်တာမြင့်ထွေးကပြောကြားထားသည်။

ဤကဲ့သို့ ရာဂါပိုးတွေ့ရှိသူများအချို့သည် ရောဂါလက္ခဏာ ပြသမှုမရှိသည့်အတွက် အသွားအလာ ကန့်သတ်ကာ စောင့်ကြပ်ကြည့်ရှုခြင်း ခံရသူများနှင့် ပြည်သူများအနေဖြင့် ကျန်းမာရေးနှင့်အားကစားဝန်ကြီးဌာနမှ ထုတ်ပြန်ထားသည့် ဆောင်ရန် ရှောင်ရန်များကို သေချာစွာလိုက်နာမှသာလျှင် ရောဂါကူးစက် ပြန့်ပွားမှုကို ထိန်းချုပ်နိုင်မည်ဖြစ်ပါကြောင်း ကျန်းမာရေးနှင့် အားကစားဝန်ကြီးဌာနမှ ထုတ်ပြန်ထားသည်။

#Blacker

Facebook Comments

Burmese Online News