ရိုးမဘဏ်က ဘဏ်အချင်းချင်းငွေလွှဲဝန်ဆောင်ခ စတင်ကင်းလွတ်ခွင့်ပြု

COVID-19 ဂယက်ကြောင့် စိန်ခေါ်မှုများကြုံတွေ့နေရသည့် စီးပွားရေးလုပ်ငန်းများအား အထောက်အပံ့ပေးရန်နှင့် Customer များအတွက် လွယ်ကူသော ဘဏ်လုပ်ငန်း ဝန်ဆောင်မှု များဆက်လက်ပေးစွမ်းရန် မေ ၇ ရက်မှစ၍ ဘဏ်အချင်းချင်းငွေလွှဲဝန်ဆောင်ခကို ရိုးမဘဏ်က ကင်းလွတ်ခွင့်ပြုကြောင်း ကြေညာသည်။

ထိုသို့ ကင်းလွတ်ခွင့်ပြုခြင်းသည် ရိုးမဘဏ်အကောင့်သုံးစွဲသူများအတွက် ငွေလွှဲရာတွင် လွယ်ကူ စိတ်ချစွာ ဆောင်ရွက် နိုင်စေခြင်းအားဖြင့် လက်ရှိကြုံတွေ့နေရသောအခြေအနေ၏ ရိုက်ခတ်မှုကို သက်သာလျော့နည်းစေရန် နှင့် ငွေသားမဲ့စီးပွားရေးဆီသို့ ခြေလှမ်းသစ်တစ်ခုလှမ်းနိုင်စေရန် ရည်ရွယ်သည်ဟု ရိုးမဘဏ်က ဆိုသည်။

ရိုးမဘဏ် အကောင့်ပိုင်ဆိုင်သူ မည်သူမဆို ဘဏ်အချင်းချင်းငွေလွှဲဝန် ဆောင်မှု အတွက် ဝန်ဆောင်ခကင်းလွတ်ခွင့်ရမည်ဖြစ်သည်။ မြန်မာနိုင်ငံတော် ဗဟိုဘဏ်ကွန်ရက်အဖွဲ့ဝင် အခြားဘဏ်တစ်ခု၏ အကောင့်ထဲသို့ ရိုးမဘဏ်ငွေလွှဲကောင်တာမှတစ်ဆင့် ငွေလွှဲပါက ရိုးမဘဏ်အတွက် ဝန် ဆောင်ခနှင့် မြန်မာနိုင်ငံတော် ဗဟိုဘဏ်ကွန်ရက်အသုံးပြုကြေး (CBM Net Fee) များ အပါအဝင် ဝန် ဆောင်ခအားလုံးကို ကင်းလွတ်ခွင့်ပေးမည်ဖြစ်သည်။

အလားတူ အခြားဘဏ်အကောင့်မှ ရိုးမဘဏ်အကောင့်သို့ ငွေလွှဲလျှင်လည်း ရိုးမဘဏ်အတွက် ဝန်ဆောင်ကို ပေးဆောင်ရမည်မဟုတ်ပေ။ သို့သော် အခြားဘဏ်မှ ကောက်ခံသော ဝန်ဆောင်ခ များမှာမူ အဆိုပါဘဏ်များ၏ (CBM Net Fee) အသုံးပြုကြေးနှင့် ဘဏ်ဝန်ဆောင်ခအပါအဝင် ငွေလွှဲဝန်ဆောင်ခ နှုန်းထားများအတိုင်း ဆက်လက်ပေးဆောင်ရမည်ဖြစ်သည်။

”ယခုအခြေ အနေ မှာ လုံခြုံစိတ်ချမှု၊ အဆင်ပြေချောမွေ့မှုနဲ့၊ သက်သာချောင်ချိရေးတို့က အဓိက ဖြစ်တယ်ဆိုတာ ကျွန်တော်တို့ နားလည်သဘောပေါက်ပါတယ်။ ယခုလို ဝန်ဆောင်ခမကောက်ခံတော့တဲ့အတွက် ငွေပေးငွေချေမှုတွေကို လုံခြုံစိတ်ချစွာနဲ့ သက်သက်သာသာဆောင်ရွက်နိုင်မှာဖြစ်သလို ငွေသားမဲ့ စီးပွားရေး တစ်ခုဆီသို့ ခြေလှမ်းတစ်ခုအနေနဲ့လည်း အထောက်အကူပြုမှာဖြစ်ပါတယ်။ ခက်ခဲတဲ့ အချိန်မှာ ကျွန်တော်တို့ ရိုးမဘဏ် Customer တွေကို လိုအပ်သလို ကူညီထောက်ပံ့ပေးနိုင်ဖို့ ဆက်လက်ပြီး ကြိုးပမ်းအကောင်အထည် ဖော်သွားမှာဖြစ်ပါတယ်”ဟု ရိုးမဘဏ် အမှုဆောင် အရာရှိချုပ်Mr. Dean Cleland က ပြောသည်။

COVID-19 ဗိုင်းရပ်စ် ကပ်ရောဂါဖြစ်ပွားနေချိန်အတွင်း ရိုးမဘဏ်သည် ကပ်၏နောက်ဆက်တွဲ သက်ရောက်မှုနှင့် ကြုံတွေ့နေရသော ဃကျအသာနမ Customer များ၏ စိန်ခေါ်မှုများအား ကူညီဖြေရှင်း ပေးနိုင်ရန် ဆောင်ရွက်ချက်များ အကောင်အထည်ဖော်ခဲ့ပြီး ခက်ခဲသော အချိန်တွင် Customer များ၏ ငွေကြေးစီးဆင်းမှု အခက်အခဲကို ကူညီဖြေလျှော့ပေးရန် ၆ လအထိ ချေးငွေ အရင်းပြန်ဆပ်မှု ဆိုင်းငံ့ခဲ့ခြင်း ဖြစ်သည်ဟု ဆိုသည်။

မြန်မာတိုင်းမ်