COVID-19 ကူးစက်ခံရတဲ့ အမျိုးသားများရဲ့ သုက်ထဲမှာ ကိုရိုနာဗိုင်းရပ်စ်တွေ့ရဟု တရုတ်လေ့လာမှုကဆို

လိင်ဆက်ဆံမှုမှတစ်ဆင့် ကူးစက်ခြင်းရှိ မရှိ အတည်ပြုနိုင်ရန် နောက်ထပ် သုတေသနပြုလုပ်ရမှာပါ။တရုတ်သိပ္ပံပညာရှင်တွေက COVID-19 အတည်ပြုလူနာ အမျိုးသားတွေရဲ့ သုက်ထဲမှာ ကိုရိုနာဗိုင်းရပ်စ်ကို တွေ့ရှိခဲ့ရတယ်လို့ ဆိုပါတယ်။

သို့သော် ဗိုင်းရပ်စ်ဟာ လိင်ဆက်ဆံမှုမှတစ်ဆင့် ကူးစက်ခြင်းရှိ မရှိ စိစစ်အတည်ပြုနိုင်ရန်အတွက်ကိုတော့ နောက်ထပ် သုတေသနပြုရန် လိုအပ်မှာဖြစ်ပါတယ်။ တရုတ်ဆေးရုံတစ်ရုံမှာ တက်ရောက်ကုသနေတဲ့ COVID-19 လူနာများကို လေ့လာခဲ့မှုကနေ ထိုသို့တွေ့ရှိခဲ့ရကြောင်း JAMA Network Open ဆေးပညာဂျာနယ်မှာ မေ ၇ ရက်နေ့က ဖော်ပြခဲ့ပါတယ်။

COVID-19 ဟာ အသက်ရှူလမ်းကြောင်းတစ်လျှောက်မှ အမှုန်အမွှားနဲ့ အရည်အစက်လေးများ သို့မဟုတ် ထိတွေ့မှုမှတစ်ဆင့် ကူးစက်ပျံ့နှံ့တာ ဖြစ်ပါတယ်။ COVID-19 ဖြစ်စေတဲ့ ကိုရိုနာဗိုင်းရပ်စ် (SARS-CoV-2) ကို မစင်၊ တံတွေးနဲ့ ဆီးထဲမှာလည်း တွေ့ရှိထားကြောင်း သိရပါတယ်။


တရုတ်နိုင်ငံ Henan ပြည်နယ် Shangqiu Municipal ဆေးရုံမှ သုတေသီတွေက သုက်ထဲမှာ ဗိုင်းရပ်စ်ရှိ မရှိ လေ့လာမှုတစ်ခု ပြုလုပ်ခဲ့ကြကြောင်း AFP သတင်းမှာ ဖော်ပြပါတယ်။ သုတေသီတွေက အသက် ၁၅ နှစ်မှ ၅၀ နှစ်ကြားအရွယ် COVID-19 လူနာ ၃၅ ဦးရဲ့ သုက်ရည်ကို စစ်ဆေးခဲ့ကြတာ ဖြစ်ပါတယ်။

ထိုသို့ စစ်ဆေးကြည့်ရာမှာ လူနာခြောက်ဦးရဲ့ သုက်ထဲမှာ ကိုရိုနာဗိုင်းရပ်စ် မျိုးရိုဗီဇဆိုင်ရာပစ္စည်းတွေကို တွေ့ရှိခဲ့ရပါတယ်။ အဆိုပါ လူနာခြောက်ဦးအနက် လေးဦးဟာ COVID-19 အခြေအနေ စိုးရိမ်ရတဲ့အဆင့်ဖြစ်ပြီး နှစ်ဦးကတော့ ပြန်လည်သက်သာလာနေတဲ့ လူနာတွေဖြစ်ကြောင်း သိရပါတယ်။

China's Hubei, excluding Wuhan, reports no new coronavirus cases

ယခု လေ့လာမှုဟာ အကန့်အသတ်ရှိပြီး လူနာအနည်းငယ်ကိုသာ စစ်ဆေးခဲ့ခြင်းဖြစ်တယ်လို့ သုတေသီတွေက မှတ်ချက်ပြုထားပါတယ်။ ထို့ကြောင့် ဗိုင်းရပ်စ်ဟာ လိင်ဆက်ဆက်ခြင်းမှတစ်ဆင့် ကူးစက်ခြင်းရှိ မရှိ အတည်ပြုသိရှိနိုင်ရန် နောက်ထပ် သုတေသန လိုအပ်မယ်လို့ ဆိုပါတယ်။ “တစ်ကယ်လို့ SARS-CoV-2 ဗိုင်းရပ်စ်က လိင်ဆက်ဆံမှုကနေတစ်ဆင့် ကူးစက်နိုင်တယ်လို့ အနာဂတ် လေ့လာမှုတွေမှာ သက်သေပြနိုင်ခဲ့ရင် ဒါက ကူးစက်မှုကို ကာကွယ်တားဆီးနိုင်ဖို့ အလွန်အရေးပါတဲ့ အစိတ်အပိုင်း ဖြစ်နိုင်ပါလိမ့်မယ်” လို့ လေ့လာမှုက ပြောထားပါတယ်။

ဓူဝံ

Facebook Comments

Burmese Online News