တနင်္သာရီတိုင်းမှာ Mask မတပ်ဘဲအပြင်သွားရင် ဒဏ်ကြေးအဖြစ် Mask ၅၀၀ ဖိုးဝယ်ရမည်

ဒီနေ့ မေလ ၈ ရက်မှာ ပညာပေးအစီအစဉ်အနေနဲ့ Mask အခမဲ့ဝေပေးမှာပါ။ တနင်္သာရီတိုင်းအတွင်းမှာ ဒီနေ့ မေလ ၈ ရက်နေ့ကစပြီး Mask တပ်ပြီးမှ အပြင်သွားကြဖို့ တိုင်းကိုဗစ်ကော်မတီက ထုတ်ပြန်ထားပြီးပညာပေးအနေနဲ့ ဒီတစ်ရက်နှစ်ရက်အတွင်း Mask မတပ်ဘဲ သွားလာသူတွေကို Mask တွေ အခမဲ့ ဖြန့်ဝေပေးသွားမယ်လို့ မြိတ်မြို့နယ် လွှတ်တော်ကိုယ်စားလှယ် ဦးဇော်ဌေးပိုင်က ပြောပါတယ်။ မေလ ၁၀ ရက်နေ့ဆိုရင်တော့ Mask မတပ်ဘဲ အပြင်သွားလာသူတွေကို ဒဏ်ကြေးအဖြစ် Mask ၅၀၀၀ ဖိုးဝယ်ယူရမယ်လို့ ဆိုပါတယ်။

“ ခရိုင်ကနေ မနေ့က အမိန့်ထုတ်ပြန်ထားပြီးဖြစ်တယ်။ ဒီနေ့က Mask တွေကို နေရာအလိုက် အလကားဝယ်ပေးတယ်။ ဒီတစ်ရက်နှစ်ရက်အတွင်းတော့ အသိပညာပေးမယ်။ ၃ ရက်မြောက်နေ့လောက်ကျရင်တော့ ဒဏ်ငွေ ၅၀၀၀ ဖိုး Mask ဝယ်ရမယ်လို့ စီစဉ်ထားတာ” လို့ ဦးဇော်ဌေးပိုင်က Duwun ကိုပြောပါတယ်။

မနေ့က မေလ ၇ ရက်နေ့ရက်စွဲနဲ့ ထုတ်ပြန်ခဲ့ရာမှာ Mask တပ်ပြီး အပြင်သွားလာကြဖို့၊ Mask မတပ်ဘဲသွားလာခဲ့ရင် ဒဏ်ငွေ ကျပ် ၅၀၀၀ နဲ့ညီတဲ့ Mask ဝယ်ယူရမှာ ဖြစ်ပြီး လိုက်နာရန်ပျက်ကွက်ပါက ကူးစက်ကာကွယ်နှိမ်နင်းရေးဥပဒေနဲ့ အညီဆောင်ရွက်သွားမယ်လို့ အသိပေးကြေညာထားတာပါ။

ပြီးခဲတဲ့ သင်္ကြန်ကာလအတွင်းနဲ့ ဧပြီလ ၁၀ ရက် က ကြေညာခဲ့တဲ့ ပိုးတွေ့လူနာအမှတ် ၂၅ဟာ မြိတ်မြို့ကမင်္ဂလာဆောင်တစ်ခုကိုလာသွားခဲ့တာကြောင့် သူနဲ့နီးစပ်သူ လူအယောက် ၁၅၀ ကျော်ကို အသွားအလာကန့်သတ်စောင့်ကြည့်ခဲ့တဲ့ဖြစ်စဉ်တွေ ရှိခဲ့တုန်းက ပြည်သူတွေက စိုးရိမ်တကြီးနဲ့ စည်းကမ်းလိုက်နာမှုတွေ ရှိခဲ့ပေမယ့် အခုနောက်ပိုင်းမှာတော့ လိုက်နာမှု အားနည်းခဲ့တယ်လို့လည်း သိရပါတယ်။

“ ဒီတစ်ပတ်အတွင်းမှာ တော်တော်များများ Mask မတပ်တာ များလာတယ်ပေါ့။ အဲဒါကြောင့် ကျွန်တော်တို့ အရှိန်မြင့်ပြီးလုပ်မှရမယ်ဆိုပြီး ဆုံးဖြတ်ပြီးတော့ ဒီလိုလုပ်တာပါ” လို့ ပြောပါတယ်။ လက်ရှိ မြန်မာနိုင်ငံရဲ့ ပိုးတွေ့ လူနာမရှိတဲ့ တိုင်းနဲ့ ပြည်နယ် (၅) ခုမှာ တနင်္သာရီတိုင်းလည်းပါဝင်နေတယ်လို့ ပြည်သူ့ကျန်းမာရေးဦးစီးဌာနရဲ့ အချက်အလက်တွေအရသိရပြီး အခုလို Mask မတပ်ရင် ဒဏ်ငွေကောက်ခံတာက တနင်္သာရီတိုင်းက ပထမဆုံးစတင်တာဖြစ်ပါတယ်။

ဓူဝံ