ရောဂါ ကူးစက်မှုပေါ် မူတည်၍ မန္တလေးတားမြစ်မိန့် သက်တမ်းတိုးမတိုး ဆုံးဖြတ်မည်

မန္တလေးတိုင်းဒေသကြီးတွင် လတ်တလော ကိုရိုနာဗိုင်းရပ်စ် ကူးစက်ပျံ့နှံ့မှု အခြေအနေများပေါ်မူတည်ကာထုတ်ပြန်ထားသည့် တားမြစ်မိန့်များကိုသက်တမ်းတိုးခြင်း မတိုးခြင်းအား ဆုံးဖြတ်မည် ဖြစ်ကြောင်း မန္တလေးတိုင်းဒေသကြီးယာယီဝန်ကြီးချူပ် ဦးဇာနည်အောင်ကပြောသည်။ “ ကျွန်တော်တို့ မေလ ၁၅ ရက်နေ့ထိအောင်တော့ ပိတ်ထားဆဲ ဖြစ်ပါတယ်။ အဲဒီနောက်ပိုင်း ဖွင့်မဖွင့် ကတော့အခြေအနေ အရပ်ရပ်ပေါ်မူတည်ပြီး အစိုးရအဖွဲ့က သုံးသပ်ရပါမယ်။ ဗိုင်းရပ်စ်ပိုး ကူးစက်မှုပေါ်လည်း မူတည်တာပေါ့ ” ဟု ၎င်းက ပြောသည်။

A new battle zone for the coronavirus looms: the developing world

ယင်းအပြင် ကိုရိုနာဗိုင်းရပ်စ် ရောဂါကာကွယ်တားဆီးရေး ဗဟိုကော်မတီ၏ ဆုံးဖြတ်ချက်များနှင့် အခြားတိုင်းနှင့် ပြည်နယ်များ၏ အခြေအနေများကို သုံးသပ်ဆုံးဖြတ်ရမည်ဖြစ်ကြောင်း ဦးဇာနည်အောင်က ပြောသည်။ တိုင်းဒေသကြီးအစိုးရအဖွဲ့က ဟိုတယ်၊ တည်းခိုခန်း လုပ်ငန်းများ၊ အဝတ်အထည်ဆိုင်များ၊ ခရီးသယ်ပို့ဆောင်ရေးလုပ်ငန်းများနှင့် ယာဉ်လိုင်းများကို ဧပြီလ ၃၀ ရက်နေ့မှ မေလ ၁၅ ရက်နေ့အထိ ယာယီရပ်ဆိုင်းထားရန်အတွက် တားမြစ်မိန့်ထုတ်ပြန်ထားသည်။

တိုင်းအတွင်း ကိုရိုနာဗိုင်းရပ်စ် ကူးစက်မှုအား ကြိုတင်ကာကွယ်နိုင်ရန်အတွက် တားမြစ်မိန့်အား ဧပြီလ ၇ ရက်နေ့က စတင်ထုတ်ပြန်ခဲ့ပြီး သက်တမ်းနှစ်ကြိမ်တိုးပြီးဖြစ်ကာ ယခုလ ၁၅ ရက်နေ့ သက်တမ်းကုန်မည်ဖြစ်သောကြောင့် ၅ ရက်ခန့်သာ ကျန်တော့မည်ဖြစ်သည်။ တိုင်းအစိုးရက လုပ်ငန်းအချို့အား ယာယီပိတ်ထားရန် တားမြစ်ထားသော်လည်း အများပြည်သူအတွက် မရှိမဖြစ်လိုအပ်သော အစားအသောက်နှင့် ပတ်သက်သည့် ဆိုင်များ၊ အလုပ်ရုံများအားလုံး၊ ဘဏ်လုပ်ငန်းများ၊ စက်သုံးဆီလုပ်ငန်းများနှင့် ဆေးဝါးနှင့် ပတ်သက်သည့် လုပ်ငန်းများအားလုံးကို ဖွင့်လှစ်ထားရန် ညွှန်ကြားထားခြင်းဖြစ်ကာ မလိုက်နာပါက တည်ဆဲဥပဒေများအရ အရေးယူမည်ဖြစ်ကြောင်းလည်း ထုတ်ပြန်ထားသည်။

မန်တလေးမွို့၌ Mask တပျ၍ သှားလာနကွေသူမြားအား တှရေ့စဉျ။ ဓာတ်ပုံ- အောင်သန့်ခိုင်/ မြန်မာတိုင်းမ်

ယင်းအပြင် ယာယီပိတ်ထားသည့် စက်ရုံများအနက် အများပြည်သူနှင့် ပတ်သက်သည့် စက်ရုံများ ပြန်လည်လုပ်ကိုင်နိုင်ရန် အတွက် ကျန်းမာရေးနှင့် အားကစားဝန်ကြီးဌာနက ထုတ်ပြန်ထားသည့် ရောဂါကြိုတင်ကာကွယ် သည့်နည်းလမ်းများဆောင်ရွက်ထားရှိမှုများကို စစ်ဆေး၍ ပြန်လည်လုပ်ကိုင်ခွင့်ပြုခဲ့သည်။ တိုင်းအစိုးရ ထုတ်ပြန်ချက်များအရ စက်ရုံ ၁၀၀၀ နီးပါး လုပ်ငန်း ပြန်လည် လုပ်ကိုင်လျက်ရှိကြောင်း သိရသည်။

ကျန်းမာရေးနှင့် အားကစားဝန်ကြီးဌာနက ထုတ်ပြန်ထားသည့် စာရင်းများအရ မန္တလေးတိုင်းတွင် ကိုရိုနာဗိုင်းရပ်စ်ကူးစက်ခံရသူ ၃ ဦးရှိခဲ့ပြီး ၃ ဦးလုံးတွင် ရောဂါပိုး မတွေ့ရှိတော့ဘဲ ကျန်းမာရေးပြန်လည် ကောင်းမွန်လျက်ရှိကြောင်း မန္တလေးအထွေထွေ ရောဂါကု ဆေးရုံကြီးမှ ဒုတိယဆေးရုံအုပ် ဒေါက်တာခင်ကျော်က ပြောသည်။ “ မတ္တရာမြို့နယ်က လူနာက Negative နှစ်ကြိမ်ပြနေတဲ့အတွက် ကန်တော်နဒီဆေးရုံမှာပဲ ဆက်လက်ပြီးတော့ Facility Quarantine အဖြစ် ဆက်လက်စောင့်ကြည့်နေတာပေါ့။ အဲဒီလိုပဲ ကျန်တစ်ယောက် (လူနာအမှတ် ၈၂ ) ကလည်း မနေ့က စစ်ဆေးချက်ရတယ်။သူလည်း Negative ဖြစ်နေတာပေါ့” ဟု ၎င်းကပြောသည်။

မြန်မာတိုင်းမ်

Facebook Comments

Burmese Online News