ရေးမြို့နယ် မိခင်နှင့်ကလေးစောင့်ရှောက်ရေးအသင်း ကိုယ်တိုင်ချုပ် Mask များ ဈေးများတွင် အခမဲ့ဖြန့်ဝေ

ရေးမြို့နယ်မိခင်နှင့်ကလေးစောင့်ရှောက်ရေးအသင်းက ဦးဆောင်ပြီး မြို့နယ်အတွင်းရှိ ဈေးတွေမှာ ကိုယ်တိုင်ချုပ် Mask တွေကို မေ ၁၁ ရက်နေ့ မနက်ပိုင်းက စတင်ကာ အခမဲ့ လိုက်လံဝေငှပေးနေပါတယ်။

95625993_2764686973653058_9072247810044198912_n

ကိုဗစ်-၁၉ ရောဂါကာကွယ်တားဆီးထိန်းချုပ်မှုတရပ်အနေနဲ့ ကိုယ်တိုင်ချုပ် Mask ခုရေ ၇၀၀ ကို ရေးမြို့၊ ရန်မျိုးအောင်ရပ်ကွက် ဘောလုံးအားကစားကွင်းမှာ ဖွင့်လှစ်ထားတဲ့ ယာယီဈေးတွေနဲ့ အောင်မင်္ဂလာရပ်ကွက်အတွင်းက အောင်သီတာဈေးတွေမှာ လိုက်လံပေးဝေခဲ့တာပါ။

95959260_2764682583653497_2251429067813289984_n

ဦးဆောင်ချုပ်လုပ်သူ ရေးမြို့နယ် မိခင်နှင့် ကလေးစောင့်ရှောက်ရေးအသင်းဥက္ကဋ္ဌ ဒေါ်သီတာမျိုးက ”ခုဝေတဲ့ Mask က လျှော်ပြီးပြန်သုံးလို့ရတယ်၊ ကျန်းမာရေးနဲ့ညီညွတ်ပြီးတော့ သတ်မှတ်ထားတဲ့အတိုင်း အဖွဲ့ဝင်တွေက စနစ်တကျချုပ်လုပ်ခဲ့ပါတယ်။ အမြဲတမ်းဝယ်မတတ်နိုင်တဲ့ ပြည်သူတွေအတွက် ရောဂါကာကွယ်ရေးမှာ အများကြီးအဆင်ပြေမှာပါ” လို့ ဒီဗွီဘီကို ပြောပါတယ်။

96237499_2764682780320144_7958227477799632896_n

ရေးမြို့နယ် မိခင်နဲ့ကလေးစောင့်ရှောက်ရေးအသင်းအနေနဲ့ လာမယ့်ရက်တွေမှာ ကျန်ရှိနေတဲ့ ဈေးတွေအပြင် ကျေးရွာတွေက မိခင်နဲ့ကလေးဒေသဖွံ့စီမံချက်ရွာတွေကိုလည်း ဆက်လက်ဖြန့်ဝေ ပေးသွားဖို့ရှိနေပြီး ရောဂါထိန်းချုပ်ကာကွယ်ရေးအတွက် လက်သန့်ဆေးရည်များပေးဝေခြင်းအပြင် အသိပညာပေးလုပ်ငန်းတွေကိုလည်း ဆောင်ရွက်ခဲ့ပြီးဖြစ်ကြောင်း သိရပါတယ်။

96375145_2764687086986380_2970148719032270848_n

ရန်မျိုးအောင်ရပ်ကွက်နေ ရပ်မိရပ်ဖတဦးဖြစ်သူ ဦးအောင်ခိုင်က ”နိုင်ငံတော်အတိုင်ပင်ခံ ပုဂ္ဂိုလ်ကလည်း ကိုယ်တိုင်ချုပ် Mask တွေတပ်ကြဖို့ နှိုးဆော်ပေးနေတယ်။ ကျန်းမာရေးဌာနက လည်း ချုပ်လုပ်ရာမှာ နည်းစနစ်တွေပေးနေတာပေါ့၊ စနစ်တကျစံချိန်စံညွှန်းမီဖို့ပဲ လိုပါတယ်။ အခြေခံလူတန်းစားအများစုက အမြဲတမ်းမတတ်နိုင်ကြဘူး၊ နည်းစနစ်ကျကျလျှော်ပြီး သုံးလို့ရအောင် ပညာပေးတွေနဲ့ပေးဝေမှုက တဖက်တလမ်းက အထောက်အကူပါပဲ”လို့ ဒီဗွီဘီကို မှတ်ချက်ပြု ပြောကြားပါတယ်။

96698171_2764682606986828_8594502388503543808_n

နိုင်ငံတော်အတိုင်ပင်ခံပုဂ္ဂိုလ်အနေနဲ့ သူ့မရဲ့ လူမှုကွန်ရက်စာမျက်နှာမှာ ရောဂါမကူးစက်စေဖို့ ထိရောက်တဲ့နည်းအဖြစ် Mask စနစ်တကျတပ်ဆင်တဲ့အလေ့အထကို အားပေးဖို့၊ ကျန်းမာရေး ဝန်ကြီးဌာနကထုတ်ပြန်ထားတဲ့ အဝတ်နဲ့ပြုလုပ်တဲ့ နှာခေါင်းစည်းနဲ့ပတ်သက်တဲ့ သိကောင်းစရာ များကို ကိုးကားကာ ပြည်သူတွေချုပ်လုပ်ထားတဲ့ ပိတ်စနှာခေါင်းစည်းချုပ်လုပ်မှု ပြိုင်ပွဲတရပ်ကို မေလ ၁၃ ရက်နေ့မှ ၁၅ ရက်နေ့အထိ ကျင်းပမယ်လို့ ပြောကြားထားပါတယ်။

96714009_2764682646986824_2539402424532074496_n

ပြိုင်ပွဲမှာ ပြည်သူတွေ အနှစ်သက်ဆုံးအဖြစ် Like အများဆုံးရရှိသူ ၃ ဦးကို ကျန်းမာရေးနဲ့ညီ၊ မညီ ထည့်သွင်းစဉ်းစားကာ ဆုချီးမြှင့်သွားဖို့လည်း ရှိနေပါတယ်။

ဒီဗွီဘီ

Facebook Comments

Burmese Online News