တရုတ် COVID-19 ကာကွယ်ဆေးကို ကနေဒါမှာ စမ်းသပ်မှုနဲ့ ထုပ်လုပ်မှု ဆောင်ရွက်နိုင်

CanSino က ထုတ်လုပ်ထားတဲ့ COVID-19 ကာကွယ်ဆေးကို ယခင်ကတည်းက လူတွေမှာ စမ်းသပ်မှုနေခဲ့ပါတယ်။တရုတ်အခြေစိုက် CanSino Biologics Inc. နဲ့ ကနေဒါနိုင်ငံမှ သုတေသနကောင်စီ (National Research Council – NRC) တို့ ပူးပေါင်းပြီး COVID-19 ကာကွယ်ဆေးတစ်မျိုးကို ကနေဒါမှာ လူတွေနဲ့ စမ်းသပ်မှုများ လုပ်ဆောင်သွားနိုင်ကြောင်း သိရပါတယ်။

CanSino က ထုတ်လုပ်ထားတဲ့ COVID-19 ကာကွယ်ဆေးကို ယခင်ကတည်းက လူတွေမှာ စမ်းသပ်မှုနေခဲ့တာလည်း ဖြစ်ပါတယ်။ ယခုအခါ ကနေဒါနိုင်ငံမှာလည်း အလားတူ စမ်းသပ်မှုတွေ လုပ်ဆောင်လာနိုင်မယ်လို့ NRC က ဆိုပါတယ်။ NRC က CanSino ရဲ့ ကာကွယ်ဆေးထုတ်လုပ်မှုကို မွန်ထရယ်မြို့ရှိ အစိုးရအဆောက်အအုံတစ်ခုမှာ လုပ်ဆောင်သွားမယ်လို့လည်း ပြောထားပါတယ်။

CanSino က ထုတ်လုပ်ထားတဲ့ COVID-19 ကာကွယ်ဆေးကို ကနေဒါမှာ လူတွေနဲ့ စမ်းသပ်ရန်အတွက် နိုင်ငံရဲ့ ဆေးဝါးကွပ်ကဲရေးအဖွဲ့အစည်း Health Canada ထံမှာ ခွင့်ပြုချက်တောင်းခံထားတယ်လို့ ဆိုပါတယ်။ အစောပိုင်းကတည်းက လူတွေမှာ စမ်းသပ်နေခဲ့တဲ့ CanSino ရဲ့ COVID-19 ကာကွယ်ဆေး အလုပ်ဖြစ် မဖြစ်ကိုတော့ မသိနိုင်သေးကြောင်း Reuters သတင်းက ဖော်ပြပါတယ်။


အကယ်၍ CanSino ရဲ့ ကာကွယ်ဆေးဟာ အလုပ်ဖြစ်ခဲ့ပါက CanSino နဲ့ NRC တို့ရဲ့ ပူးပေါင်းဆောင်ရွက်မှုက ကနေဒါပြည်သူတွေ အဆိုပါ ကာကွယ်ဆေးရရှိရန် သေချာစေမယ်လို့ ဆိုပါတယ်။ ပြည်တွင်းမှာ စမ်းသပ်ခြင်းဖြင့် Health Canada အနေနဲ့ ကာကွယ်ဆေးရဲ့ ဘေးကင်းစိတ်ချရမှုကို ပိုမို သေချာစွာသိနိုင်ပြီး ပြည်တွင်းမှာ ထုတ်လုပ်ခြင်းဖြင့်လည်း ကာကွယ်ဆေးရရှိရန် သေချာစေနိုင်တယ်လို့ NRC က သုံးသပ်ထားပါတယ်။

လူတွေကို ကိုရိုနာဗိုင်းရပ်စ်ကနေ ကာကွယ်နိုင်တဲ့ ကာကွယ်ဆေးတစ်ခုက လက်ရှိဖြစ်ပွားနေတဲ့ COVID-19 ကပ်ရောဂါကို အဆုံးသတ်နိုင်မယ်လို့ ကျွမ်းကျင်သူတွေက ယုံကြည်ထားပါတယ်။ သို့သော် ထိုသို့ ကာကွယ်နိုင်တဲ့ ကာကွယ်ဆေးတွေ့ရှိရေးနဲ့ လုံလောက်တဲ့ ဆေးအရေအတွက် ထုတ်လုပ်နိုင်ရေးဟာ ကြီးမားတဲ့ စိန်ခေါ်မှုတစ်ရပ် ဖြစ်နေပါတယ်။

Kaiser Washington launches coronavirus vaccine study in downtown ...

CanSino ရဲ့ COVID-19 ကာကွယ်ဆေးကို NRC မှာ ဖန်တီးထားတဲ့ ဆဲလ်တစ်မျိုးကို အသုံးပြုပြီး ထုတ်လုပ်ထားကြောင်း NRC က ပြောပါတယ်။ CanSino နဲ့ NRC တို့က ၂၀၁၃ ခုနှစ်ကတည်း ပူးပေါင်းဆောင်ရွက်မှုတွေ ရှိခဲ့ကြောင်းလည်း သိရပါတယ်။ CanSino က အီဘိုလာ (Ebola) ရောဂါကာကွယ်ဆေး ထုတ်လုပ်ရာမှာလည်း အဆိုပါ ဆဲလ်ကို အသုံးပြုခဲ့တယ်လို့ ဆိုပါတယ်။

ဓူဝံ

Facebook Comments

Burmese Online News