ပုံမှန်ထက်(၃) ဆ ပိုကျနေတဲ့ မီတာခကို တွက်ကြည့်တော့မှ အောင့်သက်သက် ဖြစ်ရတဲ့ အဖြစ်

အမေ့အိမ်မှာ ခိုနားနေတုန်း မီတာစာရွက်ရောက်လာတော့ “အမေ သားခဏပေးအုန်း တွက်ကြည့်ဦးမယ်” ဆိုပြီး တောင်းယူလိုက်တယ်။ အရင် မတ်လတုန်းက သုံးစွဲတဲ့ယူနစ်စုစုပေါင်းက ၁၂၀ ယူနစ်၊ အခုဧပြီလကျတော့ သုံးစွဲယူနစ်က ၃၄၉ ယူနစ်၊ ယူနစ်က ပိုများလာတော့ ဟုတ်မှဟုတ်ရဲ့လားဆိုပြီး မီတာစာရွက်မှာပါတဲ့ ယခုလဖတ်ချက်ကို ကြည့်လိုက်တယ်။ ၁၀၈၆ တဲ့။ ပြီးတော့ မီတာဆီ သွားကြည့်လိုက်တယ်။ ၁၁၀၀ တောင်ကျော်နေပြီ။ အင်း ဟုတ်ပြီ ဒါဆို ယူနစ်တွက်တာ မှန်တယ်ပေါ့။

ဒါနဲ့ဆောင်ရမယ့်ငွေပမာဏကိုကြည့်လိုက်တော့ သုံးသောင်းကျော်။ “အမေ သုံးသောင်းကျော်ကျတယ်ဗျ” လို့ လှမ်းပြောလိုက်တော့ “ဟဲ့ အရင်လတွေက တစ်သောင်းကျော်ပဲ ပေးရတာ၊ ဟုတ်ရဲ့လား စစ်စမ်းပါဦး” လို့ပြောတော့ မီတာစာရွက်ကြီးကိုင်ပြီး ဘောပင်နဲ့အေဖိုးစာရွက်ယူပြီး တွက်ချက်မှုကြီး စလိုက်တယ်။

သုံးစွဲယူနစ်က ၃၄၉ နိုင်ငံတော်က ကင်းလွတ်ခွင့်ပေးတာက ၁၅၀ ယူနစ်၊ အဲဒီတော့ ငါတို့ဆောင်ရမှာက ၁၉၉ ယူနစ်ဖိုးပဲ (ဒီအထိ ထုတ်ပြန်ချက်ကို သေချာမဖတ်ရသေးဘူး၊ ယူနစ် ၁၅၀ ကင်းလွတ်ခွင့်ရမယ်ဆိုပြီးတော့ပဲသိထားတာ)။ ၁၉၉ ယူနစ်ဖိုးဆိုရင် ဘယ်လောက်ကျမလဲဆိုပြီး ပုံတွေဘာတွေဆွဲပြီး တွက်ကြည့်တယ် (သင်္ချာကမကျွမ်းလို့)။

အ‌ဖြေထွက်လာတော့ ဆောင်ရမယ့်ငွေပမာဏက ၁၇၄၃၀ ကျပ်၊ မီတာစာရွက်မှာရေးထားတာက ၃၆၆၇၅ ကျပ်၊ ဟင် ဘာလို့ကွာနေတာပါလိမ့်ဆိုပြီး မီတာစာရွက်မှာပါတဲ့ တွက်ချက်မှုကို သေချာလိုက်ဖတ်ကြည့်လိုက်ရတယ်။

တွေ့ပါပြီဗျာ။ ယူနစ် ၁၅၀ ကင်းလွတ်ခွင့်ဆိုတာက ထည့်မတွက်တာမဟုတ်ဘူးဗျ။ အဲဒီ ၁၅၀ ကိုပါ ထည့်တွက်တာ။ ပြီးတော့မှ ကင်းလွတ်ခွင့်ဆိုပြီး ၁၁၅၀၀ ကျပ်ကို နုတ်ပေးတာ။ ပိုဆိုးစေတာက ယူနစ်၁၅၀ ကို တွက်ချက်မှုမှာ ထည့်သွင်းလိုက်တာကြောင့် ၁၅၀ ထက်ပိုသုံးမိတဲ့အိမ်တွေဟာ ပိုသုံးမိတဲ့ တစ်ယူနစ်တိုင်း ၁၂၀ ကျပ်နှုန်းနဲ့ ဆောင်ပေတော့ပဲ။

အမေက “ဟဲ့ တွက်တာပြီးပြီလား၊ ရုံးကတွက်တာမှန်ရဲ့လား” လို့ လှမ်းမေးတော့ “ဟုတ် မှန်တော့မှန်ပါတယ်အမေရေ…ဒါပေမယ့်ဗျာ” ဆိုပြီး အောင့်သက်သက်နဲ့ ဖြေလိုက်ရတယ်။ နောက်အခါဆိုရင် ကင်းလွတ်ခွင့်လို့များ ပြောလာရင် လူကြီးမင်းတို့ရဲ့ကင်းလွတ်ခွင့် အဓိပ္ပာယ်နဲ့ ပြည်သူတွေရဲ့ ကင်းလွတ်ခွင့်အဓိပ္ပာယ်အချင်းချင်း အရင်ဆုံးညှိနှိုင်းကြရအောင်လို့ ပြန်ပြောရမယ့်ကိန်းပဲ။ အခုတော့ အောင့်သက်သက်ဖြစ်ရတဲ့ ကင်းလွတ်ခွင့်ကြီးပေါ့ဗျာ။

Zaw Thurein Tun