ပင်နီဆူလာပလာဇာ တွင် တရားမဝင်ငွေလွှဲလုပ်ငန်း လုပ်ကိုင်မှုဖြင့် မြန်မာငွေလွှဲဆိုင် ၆ ဆိုင် ကို စင်ကာပူရဲတပ်ဖွဲ့ ဝင်ရောက်ဖမ်းဆီး

မြန်မာ ပလာဇာ ဟု လူသိများ သည့် စင်ကာပူနိုင်ငံ ၊ ပင်နီဆူလာ ပလာဇာ တွင် လိုင်စင်မရှိဘဲ ပြည်ပသို့ တရားမဝင် ငွေလွှဲလုပ်ငန်း လုပ်ကိုင်နေ သည့် မြန်မာဆိုင် ၆ ဆိုင်ကို ရဲတပ်ဖွဲ့ က ဝင်ရောက် ဖမ်းဆီးခဲ့ ကာ ဆက်လက် စုံစမ်း စစ်ဆေးနေကြောင်း စင်ကာပူရဲ က သတင်းထုတ်ပြန် လိုက် သည် ။

Sample Great Man: Peninsula Plaza

ထိုသို့ စုံစမ်းစစ်ဆေးခြင်း ကို စင်ကာပူ ရာဇဝတ်မှု စုံစမ်းရေးဌာန၊ ကူးသန်းရောင်းဝယ်ရေးဌာန၊ ဗဟို ရဲတပ်ဖွဲ့နှင့် အလုပ်သမား ဝန်ကြီးဌာနတို့ ပူးပေါင်းကာ ဇွန်လ ၂၈ ရက်နေ့တွင် ပင်နီဆူလာပလာဇာ ၌ စတင် လုပ်‌ဆောင်ခဲ့ခြင်းဖြစ်ကြောင်း သိရသည်။ ပူးပေါင်း အဖွဲ့သည် အဆိုပါ ဆိုင် ၆ ဆိုင်မှ ပြည်ပ သို့ တရားမဝင် ငွေလွှဲဆောင်ရွက်နေသည့် စင်ကာပူငွေ ဒေါ်လာ ၄၆၀,၀၀၀ ကိုလည်း ဖမ်းဆီးရမိခဲ့ပြီး ထိုဆိုင်များမှ ကွန်ပျူတာနှင့် အခြားဆက်စပ် ပစ္စည်းများ ကိုလည်း သိမ်းယူခဲ့ကြောင်း သတင်း ထုတ်ပြန်ချက်တွင် ပါရှိသည်။

ရဲတပ်ဖွဲ့၏ ထုတ်ပြန်ချက် တွင် စင်ကာပူနိုင်ငံတွင်း ဆောင်ရွက်သည့် မည်သည့်လုပ်ငန်းမဆို စင်ကာပူငွေကြေး အာဏာပိုင်အဖွဲ့ ၏ ခွင့်ပြုချက် လိုင်စင်မရှိဘဲ ပြည်ပသို့ငွေလွှဲ လုပ်ငန်းဆောင်ရွ က်ခြင်းသည် တည်ဆဲဥပဒေများ ကို ချိုးဖောက်ခြင်း ဖြစ်ကြောင်း ထုတ်ပြန် ထား သည် ။
အဆိုပါ ဥပဒေသည် ယခုနှစ် ဇန်နဝါရီလ ၂၈ ရက်နေ့မှသာ စတင်အသက်ဝင် ပြဋ္ဌာန်း လိုက်သည့် ဥပဒေတစ်ခုလည်း ဖြစ်ကြောင်း သိရသည်။ ထိုဥပဒေကို ချိုးဖောက်ပါက ကျူးလွန်သူသည် ဒဏ်ငွေ ၁၂၅,၀၀၀ သို့မဟုတ် ထောင်ဒဏ် ၃ နှစ် အထိ အပြစ်ပေးခံရနိုင်သလို ဒဏ်ငွေနှင့် ထောင်ဒဏ် နှစ်ရပ်လုံးကိုလည်း ကျခံနိုင်ရကြောင်း သိရသည်။

ရဲတပ်ဖွဲ့အနေဖြင့် မည်သည့် နယ်စပ်ဖြတ်ကျော် ငွေလွှဲလုပ်ငန်းဆောင်ရွက်နေသည့် တစ်သီးပုဂ္ဂလ သို့မဟုတ် အဖွဲ့ကိုမဆို အရေးယူရန် တွန့်ဆုတ်နေမည် မဟုတ်ကြောင်း၊ အထူးသဖြင့် ထိုသို့သော လုပ်ငန်းများမှ တစ်ဆင့် ငွေကြေး ခဝါချမှုနှင့် အကြမ်းဖက်မှုအတွက် ငွေကြေးထောက်ပံ့ခြင်း ကို ဆောင်ရွက်နိုင်ခြင်းကြောင့် ဖြစ်ကြောင်း စင်ကာပူရဲတပ်ဖွဲ့၏ သတင်း ထုတ်ပြန်ချက်တွင် ပါရှိသည်။

Credit

Facebook Comments

Burmese Online News