ဖားကန့်ကျောက်စိမ်းတွင်း မြေပြိုကျ သေဆုံးမှုများအတွက် စိတ်မကောင်းဖြစ်ဟု ကုလ အတွင်းရေးမှူးချုပ် ပြော

မြန်မာနိုင်ငံ၊ ကချင်ပြည်နယ် ၊ ဖားကန့်ဒေသ မှာ ကျောက်စိမ်းတွင်း ပြိုကျတာကြောင့် လူ ရာကျော် သေဆုံးခဲ့ ရတဲ့ အတွက် အလွန် စိတ်မကောင်း ဖြစ်မိကြောင်း ကုလသမဂ္ဂ အထွေထွေ အတွင်းရေးမှူးချုပ် Antonio Guterres က ဇူလိုင်လ ၂ ရက်နေ့ ရက်စွဲ နဲ့ ကြေညာချက် ထုတ်ပြန်ခဲ့ ပါတယ်။

ပြည်ထောင်စု မြန်မာနိုင်ငံ အစိုးရနဲ့ ပြည်သူတွေ နဲ့တကွ သေဆုံးသူတွေ ရဲ့ မိသားစုတွေနဲ့ ထပ်တူ ဝမ်းနည်း မိကြောင်းလည်း ကုလ အတွင်းရေးမှူးချုပ်က ပြောပါ တယ်။ မြေပြိုတဲ့ဒဏ်ခံစားရသူတွေအတွက် လုပ်ဆောင်နေတဲ့ ကယ်ဆယ်ရေးလုပ်ငန်းတွေကို အကူအညီ ပေးဖို့ ကုလသမဂ္ဂက အသင့် ရှိနေတယ်လို့ သူက ပြောပါတယ်။

UN Secretary-General's remarks on the appointment of António ...

ဇူလိုင်လ ၂ ရက်နေ့မှာ ပဲ မြန်မာနိုင်ငံအခြေစိုက် ကုလသမဂ္ဂ အဖွဲ့ရုံးကလည်း မြေပြိုမှုထဲ အသက်ဆုံးရှုံးရသူတွေ အတွက် စိတ်မကောင်း ဖြစ်မိကြောင်းနဲ့ ကယ်ဆယ်ရေးလုပ်ငန်းတွေမှာ ပါဝင်လုပ်ဆောင်နေသူတွေ ကို ချီးကျူး ဂုဏ်ပြုကြောင်း သီးခြား ကြေညာချက် ထုတ်ပြန်ထား ပါတယ်။

မြန်မာနိုင်ငံ မီးသတ်ဌာန ကတော့ ကြာသပတေးနေ့က ဖြစ်ပွားခဲ့တဲ့ ကျောက်စိမ်းတွင်း မြေပြိုမှုမှာ အနည်းဆုံး လူ ၁၆၀ သေဆုံးခဲ့ တယ်လို့ ပြောပါတယ်။ ကျောက်သမားတွေ ကျောက်တွေ ကောက်ယူနေချိန်မှာ မိုးရွာသွန်းလို့ရွှံ့မြေစေး နွံလှိုင်း ကျရောက် ခဲ့ပြီး သေဆုံးကြတာ လို့ ပြောပါတယ် ။ နောက်ထပ် တွင်းတတွင်းလည်း ပြိုကျနိုင်သေးတယ်လို့ မီးသတ်ဌာန တာဝန်ရှိသူ တစ်ဦးက သတိပေး ထားပါတယ်။

ဖားကန့်ဒေသ ကျောက်တွင်းတွေ မှာ မကြာသေးမှီနှစ်တွေထဲ မြိုပြိုလို့ အသက်သေဆုံးရမှုတွေ ဖြစ်ပွားနေခဲ့တာပါ။ ကမ္ဘာ့ ကျောက်စိမ်း အထွက်ဆုံး နိုင်ငံ တစ်နိုင်ငံဖြစ် တဲ့ မြန်မာနိုင်ငံက ကျောက်စိမ်းတွေ ကို တရုတ်နိုင်ငံက အများဆုံး ဝယ်ယူနေတာလည်း ဖြစ်ပါတယ် ။ လက်ရှိ မြန်မာ အစိုးရက ကျောက်မျက်တူးဖော်ရေး လုပ်ငန်းမှာ ပြုပြင်ပြောင်းလဲရေးတွေ လုပ်မယ်လို့ ပြောထားပေမဲ့ အခုအချိန် အထိ တော့ အကောင် အထည် ဖော်နိုင်ခြင်း မရှိသေးပါဘူး။

သဘာဝ ပ တ်ဝန်းကျင်စောင့်ကြည့်ရေး အဖွဲ့တစ်ခုဖြစ်တဲ့ Global Witness ကတော့ ကျောက်စိမ်းက ရတဲ့ ဝင်ငွေတွေက မြန်မာ အစိုးရတပ်နဲ့ ကချင် လက်နက်ကိုင်တပ်အကြားက တိုက်ပွဲတွေ ကို မီးလောင်ရာ လေပင့် ပေးသလို ဖြစ်နေတယ်လို့ ပြော ပါတယ်။

၂၀၁၆-၂၀၁၇ ဘဏ္ဍာရေးနှစ်မှာ ကျောက်စိမ်း က ရတဲ့ ဝင်ငွေ အမေရိကန် ဒေါ်လာ သန်း ၇၅၀ ရှိတယ်လို့ မြန်မာ အစိုးရကပြောေ ပမဲ့ အမှန်တကယ် ဝင်ငွေ နှစ်စဉ် ဒေါ်လာ ဘီလီယံနဲ့ချီ ရှိတယ်လို့ Global Witness က အစီ ရင်ခံထား ပါ တယ် ။

VOA

Facebook Comments

Burmese Online News