“ဖားကန့် မြေပြိုမှုဖြစ်စဉ်မှ ဒဏ်ရာရသူ တစ်ဦးလျှင် ၂ သိန်း၊ သေဆုံးသူ တစ်ဦးလျှင် ၅ သိန်း အစိုးရမှ ထောက်ပံ့ပါပြီ”

ကချင်ပြည်နယ်၊ ဖားကန့်မြေပြိုမှုဖြစ်စဉ်မှ ဒဏ်ရာရသူတစ်ဦးလျှင် ၂ သိန်း၊ သေဆုံးသူတစ်ဦးလျှင် ၅ သိန်းစီထောက်ပံ့ပေးအပ်ခဲ့ကြောင်း လူမှုဝန်ထမ်း၊ ကယ်ဆယ်ရေးနှယ့် ပြန်လည်နေရာ ချထားရေးဝန်ကြီးဌာန (လူကယ်ပြန်ဝန်ကြီးဌာန)၊ ပြည်ထောင်စုဝန်ကြီး ဒေါက်တာဝင်းမြတ်အေးက ယနေ့ (ဇူလိုင် ၅) မွန်းလွဲပိုင်းတွင် ၎င်း၏ လူမှုကွန်ရက် စာမျက်နှာပေါ်မှ ရေးသားဖော်ပြခဲ့သည်။“ဒဏ်ရာရသူ တစ်ဦးကို ငွေကျပ် ၂ သိန်း၊ သေဆုံးသူ တစ်ဦးအတွက် ငွေကျပ် ၅ သိန်း၊ စုစုပေါင်း စာရင်းအရ သေဆုံးသူ ၁၇၄ ဦး၊ ဒဏ်ရာရ ၅၄ဦး တို့အတွက် ထောက်ပံ့ငွေကျပ် ၉၇၈ သိန်း ဖြစ်ပါတယ်။

ကိုယ်တိုင်တွေ့ဆုံခွင့်ရပြီး ဒဏ်ရာရ ၃၄ ဦး၊ သေဆုံးသူများရဲ့ ကျန်မိသားစုဝင် ၁၆ ဦး တို့အား အားပေးထောက်ပံ့ခဲ့ပါတယ်။ ကယ်ဆယ်ရေးဆောင်ရွက် ပေးခဲ့သော လူမှုအဖွဲ့များကိုလည်း ကျပ်သိန်း ၁၁၀ ထောက်ပံ့ခဲ့ပါတယ်”ဟု ဒေါက်တာဝင်းမြတ်အေးက ရေးသားဖော်ပြခဲ့သည်။

ယင်းထောက်ပံ့ငွေများမှာ အမျိုးသားသဘာဝဘေးအ န္တရာယ်ဆိုင်ရာစီမံခန့်ခွဲမှုကော်မတီနှင့် လူကယ်ပြန်ဝန်ကြီးဌာနတို့က ထောက်ပံ့‌ပေးအပ်သည့်ွမျေားဖြစ်ကြောင်း ၎င်း၏ ရေးသားဖော်ပြချက်အရ သိရသည် ဒဏ်ရာရသူများတွင် အရိုးကျိုးကြေခြင်း၊ ရေမွန်းခြင်း၊ ကိုယ်ခန္ဓာ စုတ်ပြဲပွန်းပဲ့ထိခိုက်ခြင်း အများဆုံးဖြစ်သည်ကို တွေ့ရသည်ဟုလည်း ဆိုသည်။၎င်းကဆက်လက်၍”ကျွန်တော်တို့ ထောက်ပံ့ခဲ့တဲ့နိုင်ငံတော်ငွေဟာပြည်သူ့ငွေဖြစ်လို့ဒုက္ခခံစား နေရသောပြည်သူများအတွက် ပြည်သူမှပြည်သူသို့ ကူညီခြင်းဖြင့်ကုသိုလ်ရယူခဲ့ခြင်းဖြစ်ပါတယ်။

ဖြစ်စဉ်ကို လေ့လာခွင့်ရပြီး ဖြစ်ပွားရာနေရာကိုလည်းရောက်ရှိခဲ့လို့ လွန်စွာစိတ်မကောင်းခြင်း၊ ဝမ်းနည်းခြင်းနဲ့ စာနာခြင်းများခံစားရပါတယ်။ နောင်မဖြစ်ပွားစေဖို့ အားလုံး ကိုယ်ချင်းစာစိတ် မေတ္တာစိတ်တွေနဲ့ တရားဥပဒေစိုးမိုးရေးအတွက် ပူးပေါင်းဆောင်ရွက်ကြရပါမယ်”ဟု ရေးသားဖော်ပြခဲ့သည်။

လုံးခင်း၊ ဖားကန့် ရတနာနယ်မြေ အတွင်း မြေပြိုကျမှုဖြစ်စဉ်နှင့် စပ်လျဉ်း၍ စုံစမ်းစစ်ဆေးရေး အဖွဲ့ ကို သမ္မတရုံးက အမိန့်ကြော်ငြာစာအမှတ်၊ ၈၄/၂၀၂၀၊ ဇူလိုင် ၃ ရက်စွဲဖြင့် ဖွဲ့စည်းထားခဲ့သည်။ဖားကန့်တွင် မြေပြိုမှုများမှာ မကြာခဏဖြစ်ပွားလေ့ရှိပြီး ယခုတစ်ကြိမ် မြေပြိုမှုတွင် လူသေဆုံးမှုနှင့် ထိခိုက်ဒဏ်ရာရရှိမှု အများဆုံးဖြစ်ခဲ့ကြောင်း သိရသည်။

Facebook Comments

Burmese Online News