ကိုရိုနာဗီဇကို (၂၀၁၃)ခုနှစ်ကတည်း ကတရုတ်တို့သိရှိခဲ့ပေမယ့်၊ ကမ္ဘာကို အသိပေးခြင်းမရှိခဲ့

တရုတ်နိုင်ငံက သိပ္ပံပညာရှင်တွေဟာ ကိုရိုနာဗိုင်းရပ်ဗီဇကို (၂၀၁၃)ခုနှစ်ကတည်းက လျှို့ဝှက် တွေ့ရှိခဲ့ပေမယ့် ကမ္ဘာကိုတော့ အသိပေးခဲ့ခြင်း မရှိပါဘူး။ တရုတ်သိပ္ပံပညာရှင်တွေဟာကိုဗစ်-၁၉နဲ့ဆင်တူတဲ့ ဗိုင်းရပ်စ်ဗီဇတစ်ခုကို စွန့်ပစ်မိုင်းတွင်းတစ်ခုကနေ လျှိ့ဝှက်တွေ့ရှိခဲ့တာပါ။ ဒီဖော်ထုတ်ရေးသားမှုကို The Sunday Times သတင်းစာက ပြုလုပ်ခဲ့တာပါ။

တရုတ်သိပ္ပံပညာရှင်တွေဟာ အဲဒီဗိုင်းရပ်စ်ဗီဇကို ဝူဟန်ဓာတ်ခွဲခန်းဆီ ယူဆောင်ပြီး၊ မျိုးကွဲတွေ မြောက်များစွာပွားကာ လျှို့ဝှက်စမ်းသပ်မှုတွေ အကြိမ်ပေါင်းများစွာ ပြုလုပ်ခဲ့ပါတယ်။

အဆိုပါဗိုင်းရပ်စ်ဗီဇတွေကို မြင်းခွာပုံလင်းနို့တွေရဲ့ မစင်၊ သလိပ်နဲ့ တံတွေးစသည်တို့ကနေ တွေ့ရှိခဲ့တာလို့ ကနဦးသတင်းတွေက ဆိုပါတယ်။တရုတ်နိုင်ငံ အနောက်တောင်ပိုင်းက သတ္ထုမိုင်းတွင်းဟောင်းတွေမှာ ကိုရိုနာသယ်ဆောင်တဲ့ လင်းနို့တွေ မြောက်များစွာ ရှိနေတယ်လို့ ယူဆရပါတယ်။ တရုတ်တို့အနေနဲ့ ပြီးခဲ့တဲ့

(၇)နှစ်လောက်ကတည်းက ဒီဗိုင်းရပ်စ်ရဲ့ ဗီဇကို သိရှိနေခဲ့တာပါ။ ဒါပေမယ့် ကမ္ဘာကို ချပြဖို့ ပျက်ကွက်ခဲ့ပြီး၊ WHO ဆီကို ပို့ပေးတဲ့ အချက်အလက်တွေသည်ပင် အမှန်တွေလို့ယူဆလို့မရဘူးလို့ အနောက်သတင်းတွေက ဆိုနေပါတယ်။

WHO ရဲ့အဆိုအရ ဗိုင်းရပ်စ်ဗီဇကို သိတာနဲ့ ဆေးဖော်ဖို့အတွက် မခက်ခဲဘူးဆိုသော်လည်း ယနေ့အချိန်ထိ ဗိုင်းရပ်စ်အတွက် ဖော်ထုတ်နေတဲ့ ဆေးတွေဟာ စမ်းတဝါးဝါးထက်မပိုသေးပါဘူး။ သတင်းတစ်ရပ်မှာတော့ လူ(၆)ဦးဟာ (၂၀၁၂)ခုနှစ်က သုတေသနခရီးစဉ်အတွင်း ဂူအတွင်းပိတ်မိခဲ့ရာကနေ ဗိုင်းရပ်စ်ဗီဇကို သဲလွန်စရခဲ့တာပါ။

ထိုစဉ်ကတည်းက ကိုဗစ်-၁၉က ရှိနေခဲ့ပြီဖြစ်ပြီး၊ ဂူထဲမှာ ပိတ်မိခဲ့တဲ့သိပ္ပံပညာရှင်တွေအားလုံးဟာ ဖျားနာခြင်း၊ ချောင်းဆိုးခြင်း၊ အဆုပ်ရောင်ခြင်းတွေဖြစ်ခဲ့ပြီး၊ ဒီအထဲမှာ တစ်ဝက်တော့

သေဆုံးဖို့ လက်တစ်ကမ်းအလိုထိ ရောက်ခဲ့ပါတယ်။ ပိတ်မိခဲ့သူ (၆)ဦးဟာ သိပ္ပံပညာရှင်တွေကိုယ်တိုင်လား၊ ဒါမှမဟုတ် သာမန်အရပ်သားတွေလားဆိုတာတော့ တိတိကျကျမသိရပါဘူး။ (၄)ဦးကို ကယ်ဆယ်နိုင်ခဲ့ပြီး၊ နှစ်ဦးကတော့ ကောက်ကာငင်ကာ သေဆုံးသွားပါတယ်။သေချာတာကတော့ ဒီအဖြစ်အပျက်ကနေ တရုတ်အတွက် ဗိုင်းရပ်စ်ကို လေ့လာဖို့ အချိန်တွေ (၈)နှစ်နီးပါးအထိ ရရှိခဲ့ပါတယ်။ ကိုဗစ်ကပ်ဆိုးကြီး စဖြစ်တော့ တရုတ်အာဏာပိုင်တွေကမိမိတို့အနေနဲ့လည်း ကိုဗစ်-၁၉ရဲ့ မျိုးဗီဇကိုသိဖို့ ကြိုးစားနေပါတယ်လို့ ဆိုခဲ့တာဟာ လှိမ့်လုံးညာလုံး သက်သက်သာဖြစ်ပြီး၊ ဒီမတိုင်ခင် (၇)နှစ်လောက်ကတည်းက တရုတ်တို့ကသိပြီးသားလို့ Sunday Times သတင်းစာက ဖော်ပြထားပါတယ်။

လက်ရှိအချိန်ထိတော့ တရုတ်အာဏာပိုင်တွေက ကိုဗစ်အရေးမှာ ဖြစ်သင့်တဲ့ပွင့်လင်းမှုမျိုး မပြသသေးပါဘူး။ နောက်ပြီး ကိုဗစ်ဟာ သူတို့ဆီက စတင်ခဲ့တယ်ဆိုတဲ့အဆိုကိုလည်း ခါးခါးသီးသီး ပယ်ချနေဆဲပါ။ အခုဆိုရင် တရုတ်မီဒီယာတွေက ကိုဗစ်အစ စပိန်ကလို့ ဖော်ပြခဲ့ပါတယ်။ ဘာစီလိုနာမြို့ဟာ ကိုဗစ်စတင်ဖြန့်ဝေရာနေဆိုပြီး တိတိကျကျ စွပ်စွဲခဲ့တာပါ။

ဘာသာပြန်-လင်းသုတ