ကိုဗစ်နဲ့ ပတ်သက်သော တရုတ်အစိုးရ ၏လိမ်ညာ မူများ အကြောင်းကို ရေးသားခဲ့သော တရုတ်နိုင်ငံ ဥပဒေပညာ ပါမောက္ခတဦး အဖမ်းခံရ

တရုတ်နိုင်ငံက ဥပဒေပညာ ပါမောက္ခ တစ်ဦးဟာ သမ္မတ Xi Jinping အစိုးရအကြောင်း ပုတ်ခတ်တဲ့ စာတမ်းတွေ ရေးသားခဲ့တာကြောင့် ဘေဂျင်းမြို့မှာ အဖမ်းခံလိုက်ရပါတယ်။Xu Zhangrunကို တဒါဇင်ကျော်တဲ့ရဲတွေက တနင်္လာနေ့မနက်က သူ့အိမ်ကနေ ဖမ်းဆီး ခေါ်ဆောင်သွားကြတယ်လို့ သူ့မိတ်ဆွေတွေက ပြောပါတယ်။သူ့မိတ်ဆွေ Geng Xiaonan ရဲ့ပြောပြချက်အရ ကွန်ပြူတာတွေ နဲ့ စာရွက်စာတမ်းတွေကိုလည်း သိမ်းဆည်းသွားကြောင်း The New York Times သတင်းစာက ဖော်ပြပါတယ်။

Xu ဟာ Chengdu အနောက်တောင်ပိုင်း ကို လည်ပတ် သွားလာနေစဉ် ပြည့်တန်ဆာ မြှူဆွယ်မှုနဲ့ စွပ်စွဲခံထားရတာဖြစ်ကြောင်း ရဲတွေကပြောတယ်လို့ သူ့ဇနီးက ဆိုပါတယ်။Xu Zhangrun ကဘေဂျင်းမြို့ကနာမည်ကြီးတက္ကသိုလ်ဖြစ်တဲ့ Tsignhua တက္ကသိုလ်မှာ ၂၀၁၉ နှစ်အထိ နှစ်ပေါင်း များစွာပို့ချသင်ကြား လာခဲ့သူ ဖြစ်ပါတယ်။ ဒါပေမယ့်သူဟာ သမ္မတ Xi ရဲ့အာဏာချုပ်ကိုင်မှုတင်းကျပ်လာတဲ့အပေါ် ပုတ်ခတ်ရေးသားခဲ့ပြီးတဲ့နောက်စာသင်တာတွေနဲ့ သုတေသန ပြုတာတွေကို တားမြစ်ခံလိုက်ရပြီး နေအိမ်အကျယ်ချုပ်နဲ့ ဖမ်းဆီး ခံလိုက်ရပါတယ်။

ဖေဖော်ဝါရီလထဲမှာရေးသား ထုတ်ဝေခဲ့တဲ့သူ့ဆောင်းပါးထဲမှာ တရုတ်ရဲ့ ကိုရိုနာဗိုင်းရပ်စ်အကြောင်း လျှို့ဝှက်မှုနဲ့ လိမ်လည် လှည့်ဖျားမှုတွေအကြောင်း အပြစ်တင်ရေးသား ထားပြီး ဒီဗိုင်းရပ်စ်ကို ဝူဟန်မြို့မှာ စတင်တွေ့ရှိပြီးနောက် ကမ္ဘာ့ကပ်ရောဂါ အဖြစ်အသွင်ပြောင်းသွားပြီး ကမ္ဘာတဝှမ်းက လူပေါင်း ၁၁.၄ သန်း ကို ဖျားနာစေပြီး သေဆုံးသူဦးရေ ၅၃၄,၀၀၀ ကျော်ပြီဖြစ်ပါတယ်။

Facebook Comments

Burmese Online News