အမြင်ကတ်လို့ဆိုပြီး ခွေးလေးကိုအိတ်ထဲထည့်ပြီး ခေါင်းကွဲတဲ့အထိ ရိုက်နှက်နှိပ်စက်ခဲ့ကြတဲ့အဖြစ်

ယခုလက်ရှိကာလမှာ တိရစ္ဆာန်တွေကိုရိုက်နှက်နှိပ်စက်တဲ့အဖြစ်မျိုးဟာ များပြားလာလျက်ရှိနေပြီး ၊ အပြစ်မဲ့ပြီး ဆာလောင်မှုဒဏ် ခံစားနေရတဲ့တိရစ္ဆာန်လေးတွေဟာ နေ့စဉ်နဲ့အမျှ လူတွေရဲ့တိုက်ခိုက်ခြင်းကို ခံစားနေရလျက်ရှိပါတယ် ။ မကြာသေးခင်ကလည်း မလေးရှားနိုင်ငံ ၊ Kota Kinabalu မြို့ရှိလမ်းမဘေးတစ်နေရာမှာ ခွေးလေးဟာ ခေါင်းပေါက်ကွဲသည်အထိ ရက်စက်စွာရိုက်နှက်နှိပ်စက်ခံထားရတဲ့အပြင် ၊ အိတ်ထဲထည့်ပြီး စွန့်ပစ်ခြင်းခံခဲ့ရပါတယ် ။ သို့ပေမဲ့လည်း ကံကောင်းထောက်မစွာနဲ့ သွေးတွေရွဲစိုနေတဲ့ အိတ်ထဲမှ ခွေးလေးရဲ့ညည်းညူ သံကိုကြားခဲ့၍ ကယ်ဆယ်ရေးအသင်းက ခွေးလေးကို ကယ်တင်ပေးခဲ့ကြပါတယ် ။

ကယ်ဆယ်ရေးအဖွဲ့ရဲ့ခေါင်းဆောင်ဖြစ်သူ Roslee ရဲ့ပြောပြချက်အရ ခွေးလေးကိုတွေ့ရှိခဲ့တဲ့နေရာရဲ့အနီးမှာ ခွေးလေးခေါင်းပေါက်ပြဲပြီးသေဆုံးတော့မဲ့အထိ ရိုက်နှက်နှိပ်စက်ခဲ့တဲ့ လက်နက်များကိုပါတွေ့ရှိခဲ့ကြောင်း သိရှိရပါတယ် ။ ယခုအချိန်မှာတော့ ခွေးလေးကို Jimmy ဆိုပြီး ယာယီနာမည်ပေးထားပြီး ၊ ခွေးလေးရဲ့ အခြေအနေဟာ ဆိုးဝါးလွန်းတဲ့အတွက် ဆရာဝန်က နာကျင်မှုမရှိတော့အောင် ညင်သာစွာဇီဝန်ခြွေပေးဖို့ ပြင်ဆင်နေလျက်ရှိပေမဲ့လည်း ခွေးလေးကိုကယ်တင်ပေးခဲ့သူကတော့ ခွေးလေးကိုအသက်ဆက်ရှင်ခွင့်ပေးနိုင်ဖို့  ဆန္ဒရှိနေလျက်ရှိပါတယ် ။

ကိုယ့်ရဲ့ဒေါသစိတ်ကြောင့် ၊ မျက်စိနောက်လို့ဆိုပြီး အပြစ်မဲ့တဲ့တိရစ္ဆာန်တွေကို ယခုလိုမျိုး ရက်စက်စွာနှိပ်စက်တဲ့လုပ်ရပ်မျိုးကတော့ အောက်တန်းကျလွန်းပြီး ၊ ကိုယ်လည်းအသက်ရှင်နိုင်ဖို့ ကိုယ့်ဘဝကိုကိုယ်ချစ်သလို တိရစ္ဆာန်တွေလည်းသူတို့ရဲ့ဘဝနဲ့အသက်ကို သူတို့ချစ်တဲ့အတွက် စာနာစိတ်လေးမွေးပြီး တိရစ္ဆာန်တွေအပေါ်နားလည်ပေးဖို့ မျှော်လင့်မိပါတယ် ။

Mckzone Daily

Facebook Comments

Burmese Online News