ဒေါ်အောင်ဆန်းစုကြည်လမ်းညွှန်ပြနေတဲ့ကျန်းမာခြင်း နှင့် ဘဝနေထိုင်နည်း

ဦးဇင်းကျော်ဟိန်းဟာ အဆုတ်ရောဂါ၊ နှလုံးရောဂါ တွေနဲ့ ပျံလွန် တော်မူတယ်လို့ သူ့သမီးပြောတာ နားထောင်ရပါတယ်။ ငယ်ငယ်က ဆေးလိပ်အရမ်းသောက်လို့ သူ့အဆုတ်က ၂၀ ရာခိုင်နှုန်းပဲ အလုပ်လုပ်တော့တာမို့ အောက်ဆီဂျင်နဲ့ နေ နေရတာ၊ လေဖြတ်ထားလို့ ဘီးတပ်ကုလားထို င်နဲ့ နေရတာ သုံးနှစ်လောက် ရှိပြီ ဆိုတာလည်း သိရပါတယ်။

ဒီတစ်လနီးပါး အတွင်း အသက် ၇၀ ကျော် လူ သုံးယောက် ရဲ့ မတူညီတဲ့ ဘဝတွေ၊ သူတို့ ကျန်းမာရေးနဲ့ သက်တမ်းတွေကို မြင်ခွင့်ရခဲ့ပါတယ်။ ဇွန်လ ၁၉ ရက်နေ့က ဒေါ်အောင်ဆန်းစုကြည် အသက် ၇၅ နှစ် ပြည့်ပါတယ်။ သူ့အိမ်ထဲမှာ သွက်သွက်လက်လက် ဖျတ်ဖျတ်လတ်လတ် လှုပ်ရှားနေပုံကလေးတွေကို ရုပ်သံဖိုင်တွေကနေ မြင်ရပါတယ်။

ဇွန်လ ၂၈ ရက်နေ့က ရုပ်ရှင် နှစ်တစ်ရာပြည့် အတွက် ရိုက်ကူးရေး လုပ်နေတဲ့ ရုပ်ရှင် မင်းသမီးကြီး ဒေါ်ခင်သန်းနု ကို မြင်ရပါတယ်။ ၁၉၄၅ ခုဖွား ဒေါ်အောင်ဆန်းစုကြည်နဲ့ ရွယ်တူ (လပိုင်းပဲ ကွာတဲ့) ဒေါ်ခင်သန်းနုကို သွက်သွက်လက်လက် မရှိတာ၊ လှေကား နှစ်ထစ်လောက်ကို လူတွဲပြီး တက်ရတာ မြင်ရပါတယ်။

ဇူလိုင်လ ၁၁ ရက်မှာ အသက် ၇၃ နှစ်အရွယ် ဦးဇင်းကျော်ဟိန်း ပျံလွန်တော် မူတဲ့ အကြောင်းသိရပါတယ်။ လူတစ်ချို့ ပြောကြတာ ရှိတယ်။ သူက မင်းသား မင်းသမီးကိုး နုမှာပေါ့ သက်တောင့်သက်သာ နေရတာကိုး ကျန်းမာမှာပေါ့ ဆိုပြီး ပြောတတ်ကြပါတယ်။ဒေါ်အောင်ဆန်းစုကြည်ကတော့ စိတ်ဆန္ဒသာ ရှိရင် ဘယ်လူမဆို ကျန်းမာ အောင် နေနိုင်ကြောင်း ခနခန ပြောတတ်ပါတယ်။ ကြုံတုန်း ဒေါ်အောင်ဆန်းစုကြည် ပြောထားတာကို ပြန်ပြီး မျှဝေလိုက်ပါရစေ။

“ရောဂါမဖြစ်စေဖို့ ကိုယ်ခံအားကောင်းဖို့ လိုပါတယ်။ ကိုယ်ခံအားကောင်းခြင်း ဆိုတာ အခြေခံကျန်းမာရေးကောင်းခြင်းလို့ ပြောလို့ရမယ် ထင်ပါတယ်။ အခြေခံကျန်းမာရေးက မျိုးရိုးဗီဇနဲ့ စားသောက်နေထိုင်မှု ပုံစံတို့အပေါ် မူတည်ပါတယ်။ မျိုးရိုးဗီဇကတော့ ပြောင်းလို့မရပါဘူး။ (အချို့သိပ္ပံပညာရှင်တွေကတော့ လူ့သက်တမ်းတစ်ခု အတွင်းမှာပဲ DNA ကိုတောင် ပြောင်းနိုင်တယ်လို့ ဆိုပါတယ်။) အစားအသောက်၊ အနေအထိုင်တို့ကိုတော့ ပြောင်းချင်တဲ့ ဆန္ဒရှိရင် ပြောင်းဖို့ လွယ်ပါတယ်။

ကိုယ့်ကျန်းမာရေး ကို ကိုယ်တိုင်အများကြီး ထိန်းသိမ်းနိုင်ပါတယ်။ ဆေးလိပ်၊ အရက်၊ မူးယစ်ဆေးဝါး ရှောင်ရန်၊ ဟင်းသီးဟင်းရွက် များများစားရန်၊ ဆား၊ အဆီ၊ သကြားဓါတ် များများပါတဲ့ အစာများ ရှောင်ရန်၊ ကိုယ်လက်လှုပ်ရှားမှု ပုံမှန် လုပ်ရန်၊ စသဖြင့် လိုက်နာရန် မခက်ခဲတဲ့ ကျန်းမာရေး ကောင်းစေမဲ့ အလေ့အကျင့်လေး တွေကို လေ့လာကြပါ၊ လိုက်နာကြပါ။ကိုယ့်ရဲ့ရောဂါ ကာကွယ်နိုင် စွမ်းအား ကိုယ်သာ ပြုစုပျိုးထောင် နိုင်မှာပါ။ ”

Facebook Comments

Burmese Online News