“ဝေဋ္ဌုကျော်” ငါ့ကိုသတ်နေပြီ ဟု အော် သံကြား၍ ထကြည့်လိုက်တဲ့အခါ

ဝေဋ္ဌုကျော် ငါ့ကို သတ်နေပြီဟု အော်သံကြား၍ ထကြည့်ရာ သူခိုးတစ်ဦးဖြစ်နေ

မိုးညှင်းခရိုင်၊ အင်းတော်ကြီးဒေသ မမုန်ကိုင်ကျေးရွာတွင် နေအိမ်တစ်အိမ်တွင် ယမန်နေ့ညက သူခိုးတစ်ဦး ဝင်ရောက်ခဲ့ပြီး အိမ်ရှင်ဖြစ်သူ၏ လည်ပင်းအား ဓါးဖြင့် လှီးသည့် အမှုတစ်ခုဖြစ်ပွားခဲ့သည်။အဆိုပါဖြစ်စဉ်သည် ဇူလိုင်လ ၁၃ ရက် ညသန်ခေါင်ယံ ပိုင်းတွင် ဖြစ်ပွားခဲ့ကြောင်း သိရသည် အိမ်ရှင် ဦးသန်းအောင်က ၎င်း၏ မြင်တွေ့ခဲ့ရပုံကို ယခုကဲ့သို့ ပြောပြသည်။

“ ဝေဋ္ဌုကျော် ငါ့ကိုသတ်နေပြီ လို့ ဇနီးဖြစ်သူက အော်လို့ ထကြည့်တော့ လူတစ်ယောက် အိမ်နောက်ဖေး ခြံစည်းရိုးကို ကျော်ပြီး ထွက်ပြေး သွားတာကို တွေ့လိုက်တယ်” ဟု ၎င်းက ဆိုသည်။အဆိုပါ ထွက်ပြေးသွားသူမှာ မမုန်ကိုင်ကျေးရွာ နေထိုင်သူ ဝေသူကျော် (ခ) ဝေဋ္ဌုကျော် ဆိုသူဖြစ်ပြီး ၎င်းသည် ယင်းည သန်းခေါင်ယံ အချိန်ခန့် တွင် ဦးသန်းအောင်နှင့် ဒေါ်လှဝင်းတို့ နေအိမ်တို့ ဝင်ရောက်ကာ သေတ္တာ တစ်လုံးအား ဖွင့်နေစဉ် ဒေါ်လှဝင်းမှ မြင်တွေ့ခဲ့ပြီး

ဝေသူကျော် ဟု အော်ဟစ် ခေါ်စဉ် ဝေသူကျော်က ဒေါ်လှဝင်း၏ ရင်ဘတ်ကို ဒူးနှင့်ထောက်၊ ပါးစပ် ကို လက် နှင့် ပိတ်ကာ လည်ပင်းကို ဓါးနှင့်လှီးခဲ့ကြောင်း၊ ဒေါ်လှဝင်း၏ ခင်ပွန်းဖြစ်သူ ရောက်ရှိလာသဖြင့် အိမ်နောက်ဖေးခြံစည်းရိုးကို ကျော်ကာ ထွက်ပြေးသွားကြောင်း ယင်းဖြစ်စဉ်နှင့် ပတ်သက်ပြီး လုံးတုံ နယ်မြေ ရဲစခန်းသို့ အမှုဖွင့် တိုင်ကြား ထားကြောင်း သိရသည်။

လက်ရှိတွင် အဆိုပါ ဝေဋ္ဌုကျော်(ခ) ဝေသူကျော်၊ ၂၂ နှစ်၊ မမုန်ကိုင် ကျေးရွာ၊ အင်းတော်ကြီးဒေသ၊ မိုးညှင်းမြို့နယ် နေသူအား လုံးတုံနယ်မြေ ရဲစခန်းက (ပ)အမှတ် ၃၀ /၂၀၂၀ ရာဇသတ်ကြီး ဥပဒေပုဒ်မ ၄၅၂/ ၃၂၄ ဥပဒေအရ အမှုဖွင့် အရေးယူ ဆောင်ရွက်လျှက် ရှိကြောင်း သိရသည်။

Facebook Comments

Burmese Online News