မန္တလေးတိုင်းရှိ အိမ်ထောင်စု (၁၃)သိန်းကျော်အနက် ကိုးသိန်းကျော်ကို တစ်စုလျှင် ကျပ်နှစ်သောင်းနှုန်း ထောက်ပံ့

မန္တလေးတိုင်းရှိ အိမ်ထောင်စု (၁၃)သိန်းကျော်အနက် ကိုးသိန်းကျော်ကို တစ်စုလျှင် ကျပ်နှစ်သောင်းနှုန်း ထောက်ပံ့

မန္တလေးတိုင်းဒေသကြီး အတွင်းရှိ အိမ်ထောင်စု (၁၃)သိန်းကျော်အနက် ပုံမှန်ဝင်ငွေမရှိသော အခြေခံလူတန်းစား အိမ်ထောင်စု ကိုးသိန်းကျော်အား အိမ်ထောင်စု တစ်စုလျှင် ကျပ်နှစ်သောင်းနှုန်းဖြင့် အစိုးရက ဇူလိုင်(၂၂)ရက်မှ စတင်ကာ ထောက်ပံ့ပေးလျှက်ရှိသည်။

စားရင်းကောက်ယူထားမှုအရ မန္တလေးတိုင်းအတွင်း ပုံမှန်ဝင်ငွေမရှိသည့် အခြေခံလူတန်းစား အိမ်ထောင်စု (၉၃၈၀၀၀) ကျော်ရှိပြီး ၎င်းတို့အား အိမ်ထောင်စု တစ်စုလျှင် ကျပ်(၂၀၀၀၀)နှုန်းဖြင့် စုစုပေါင်း ငွေကျပ်သိန်း(၁၈၀၀၀၀) ကျော် ကူညီ ထောက်ပံ့ ပေးမည်ဖြစ်သည်ဟု မန္တလေးတိုင်း COVID-19 ရောဂါဆိုင်ရာ သတင်းမှန်ပြန်ကြားရေးနှင့် သတင်းမှား ဖြန့်ဝေသူများအား ရှာဖွေဖော်ထုတ်၍ သတင်းစောင့်ကြည့်ရေးအဖွဲ့ လုပ်ငန်းကော်မတီ ဥက္ကဌ၊ မန္တလေးတိုင်းအစိုးရအဖွဲ့ ရှမ်းတိုင်းရင်းသားရေးရာ ဝန်ကြီး ဦးစိုင်းပန်းဆိုင်က ပြောသည်။

“ငွေကတော့ ၂၂ရက်ထဲက သက်ဆိုင်ရာ ခရိုင်အလိုက် သူတို့ အကောင့်တွေထဲ ထည့်ပေးလိုက်ပြီ”ဟု ၎င်းက ပြောသည်။ ယခုကဲ့သို့ အခြေခံလူတန်းစား အိမ်ထောင်စုများအတွက် ငွေကြေးထောက်ပံ့ခြင်းများကို လာမည့် စက်တင်ဘာတွင်လည်း ဒုတိယအကြိမ်အဖြစ် ထပ်မံ ထောက်ပံ့ပေးရန် စီစဉ်ထားသည်ဟု ဝန်ကြီး ဦးစိုင်းပန်းဆိုင်းက ဆိုသည်။ “ဒုတိယအကြိမ် လာဦးမှာ။ နောက်တစ်လ ကျော်လောက်ဆို ဒုတိယတစ်ကြိမ် လာလိမ့်မယ်။ နှစ်ကြိမ်ကတော့ အစီစဉ်ချထားပြီးပြီ ပေးဖို့ရာတော့” ဟု ၎င်းက ပြောသည်။

ငွေကြေး ထောက်ပံ့ရန် အခြေခံလူတန်းစားများ စားရင်းကောက်ယူရာတွင် ယခင် အခြေခံစားသောက်ကုန်များ ထောက်ပံ့ဝေးပေးစဉ်က အချက်အလက်များအတိုင်း ကောက်ယူခဲ့ခြင်းဖြစ်ကြောင်း မန္တလေးတိုင်း အစိုးရက ပြောပြီး ယခုတစ်ကြိမ် ကောက်ယူခဲ့သော စာရင်းအရ ယခင်ထက် အိမ်ထောင်စု သုံးသိန်းနီးပါး တိုးလာသည်။ ငွေကြေးထောက်ပံ့ရန် ပုံမှန်ဝင်ငွေမရှိသည့် အခြေခံလူတန်းစား စာရင်းကောက်ယူထားသည့် ခရိုင်အလိုက် စာရင်းများအရ မန္တလေးခရိုင်တွင် အိမ်ထောင်စု (၂၂၇၆၈၃) ဖြင့် အများဆုံးဖြစ်ပြီး ရမည်းသင်းခရိုင်တွင် အိမ်ထောင်စု (၆၁၇၄၇) ဖြင့် အနည်းဆုံး ဖြစ်သည်။

ပြီးခဲ့သည့် ဧပြီလက ကိုဗစ်ကာလအတွင်း ပုံမှန်ဝင်ငွေမရှိသည့် မန္တလေးတိုင်းအတွင်းမှ အခြေခံလူတန်းစား အိမ်ထောင်စု ခြောက်သိန်းခွဲကျော်ကို ပထမအကြိမ်အဖြစ် ဆန်၊ဆီ၊ဆား အပါအဝင် အခြေခံစားသောက်ကုန် ငါးမျိုးထောက်ပံ့ပေးခဲ့သည်။ ၂၀၁၄ သန်းခေါင်စာရင်းအရ မန္တလေးတိုင်းအတွင်း အိမ်ထောင်စု (၁၃၂၃၁၀၀)ကျော် ရှိပြီး ခရိုင်အလိုက် အိမ်ထောင်စုစာရင်း အရေအတွက်မှာ မန္တလေးခရိုင်တွင် အိမ်ထောင်စု (၃၂၄၄၇၇)စု၊ ပြင်ဦးလွင်ခရိုင်တွင် (၂၀၄၉၄၈)စု၊ ကျောက်ဆည်ခရိုင်တွင် (၁၆၉၉၈၈)စု၊ မိတ္ထီလာခရိုင်တွင် (၂၀၀၂၂၇)စု၊ မြင်းခြံခရိုင်တွင် (၂၄၂၉၅၆)စု၊ ရမည်းသင်းခရိုင်တွင် (၁၁၆၁၂၂)စု၊ ညောင်ဦးခရိုင်တွင် (၅၄၄၇၃)စု ရှိပြီး စုစုပေါင်း အိမ်ထောင်စု တစ်သိန်းသုံးသောင်းကျော် ရှိသည်။

မန္တလေးတိုင်းအတွင်းရှိ အိမ်ထောင်စုများ၏ ပျှမ်းမျှအရွယ်အစားမှာ အိမ်ထောင်စုတစ်စုလျှင် လူဦးရေ (၄ဒဿမ၄)ဦး ဖြစ်ပြီး လက်ရှိတွင် မန္တလေးတိုင်းအတွင်း လူဦးရေ (၆၄)သိန်းကျော် ရှိသည်။ မန္တလေးတိုင်းအတွင်းရှိ ပုံမှန်ဝင်ငွေမရှိသော အိမ်ထောင်စုများအား ငွေကျပ်နှစ်သောင်းစီ ထောက်ပံ့ပေးစဉ်/ Photo – မန္တလေးတိုင်းအစိုးရ

#Mandalay_Indepth_News #MandalayInDepthNews

Facebook Comments

Burmese Online News