အသက်ငယ်ငယ်ရွယ်ရွယ်နဲ့ အနုပညာလောကထဲကို ဝင်ရောက်လာခဲ့တဲ့ ထိပ်ထားသခင် ဟာဆိုရင် ချစ်စရာကောင်းတဲ့ အမူအရာလေးတွေနဲ့ အများရယ်မောပျော်ရွှင်ပြီး သဘောကျနှစ်သက်အောင် တီတီတာတာ ပြောဆိုတတ်ခဲ့တာကြောင့် ပရိသတ်အများရဲ့ ချစ်ခင်မှုများစွာကို ရရှိလာခဲတာ ဖြစ်ပါတယ်။ ချစ်စရာကောင်းပြီး စကားတတ်လွန်းတဲ့ သမီးလေး ထိပ်ထားသခင်က အခုဆိုရင် ကြော်ငြာတွေနဲ့ ရုပ်ရှင်ဇာတ်ကားကြီးတွေမှာ ပါဝင်သရုပ်ဆောင်နေရပြီး အသက်အငယ်ဆုံး ကလေးသရုပ်ဆောင် ဖြစ်လို့လာတာပဲ ဖြစ်ပါတယ်။

အရွယ်နဲ့မလိုက်အောင်ကို စိတ်နှလုံးသားလေး နူးညံ့လွန်းတဲ့ သမီးလေး ထိပ်ထားသခင်က ဒီနေ့မှာတော့ သူမရဲ့ ပရိသတ်တွေအတွက် ဂုဏ်ယူစရာကိစ္စလေးကို လုပ်ခဲ့တာ တွေ့ရပါတယ်။ ထိပ်ထားသခင်က သူမရဲ့ (၅) နှစ်ပြည့်မွေးနေ့လေးအတွက် ကျော်သူရဲ့ နာရေးကူညီမှုအသင်းမှာ အလှူလေး တစ်ခု ပြုလုပ်ခဲ့တာပဲ ဖြစ်ပါတယ်။

ထိပ်ထားသခင်က နာရေးကူညီမှုအသင်း(ရန်ကုန်)တွင် ရေဘေးသင့်ပြည်သူများအတွက် ရည်ရွယ်ကာ အလှူငွေ – ၅၀၀,၀၀၀ိ/ – (ငါးသိန်းကျပ်တိတိ) နှင့် တိဗက်ဆေးတိုက်မှ ကျပ် (၈၁၆,၀၀၀) တန်ဖိုးရှိ တိုင်းရင်းဆေးဝါးများကို လှူဒါန်းခဲ့တာပဲ ဖြစ်ပါတယ်။

ဥက္ကဌ ဦးကျော်သူမှလည်း သမီးလေး ထိပ်ထားသခင်အား ပရဟိတကို ငယ်စဉ်ကပင် စိတ်ပါဝင်စားပြီး သနားကြင်နာတတ်တဲ့ ကလေးဖြစ်တာကြောင့် အောင်မြင်ကျော်ကြားတဲ့ အနုပညာရှင်ကြီးဖြစ်ပါစေလို့လဲ မွေးနေ့ဆုတောင်းစကားပြောခဲ့ပါတယ်လို့ သိရပါတယ်။

ဒါ့အပြင် သမီးလေး ထိပ်ထားသခင်က နာရေးကူညီမှုအသင်း(ရန်ကုန်)ရှိ ပရဟိတလုပ်ဆောင်မှုများကို စိတ်ပါဝင်စားစွာ လေ့လာခဲ့တယ်လို့ သိရပါတယ်။

သမီးလေး ထိပ်ထားသခင်ကတော့ မိဘ၊ ဆရာသမားတွေရဲ့ သွန်သင်ဆုံးမမှုကောင်းကြောင့် အခုလို လိမ္မာရေးခြားရှိနေတာ ဖြစ်မယ်နော်။ ထိပ်ထားသခင် မွေးနေ့မှသည် နောင်နှစ်ပေါင်းများစွာတိုင် အောင်မြင်ကျော်ကြားသော အနုပညာရှင်ဖြစ်ပါစေ၊ ဥာဏ်ပညာကြီးမားပါစေလို့ ဆုတောင်းပေးလိုက်ပါတယ်။

Credit-Momolay

Facebook Comments