ဒီနေ့ စက်တင်ဘာ ၁၁ ရက်နေ့ဟာဆိုရင် ဗစ်တိုးရီးယား အမှုအတွက် အဖြေထွက်တဲ့နေ့လို့ပဲ ဆိုရတော့မယ်ထင်ပါတယ်..။ယနေ့မှာ ၆ ကြိမ်မြောက် ရုံးချိန်းကို ကြားနာခဲ့ပြီး တရားခွင်မှာ ဗစ်တိုးရီးယားလေးကို မေးမြန်ရတဲ့ နေ့ဖြစ်ပါတယ်။ ဒီလို မေးမြန်တဲ့အခါမှာ ဗွီဒီယိုကွန်ဖရင့်စင်း နည်းပညာကို အသုံးပြုထားပြီး စစ်ဆေးမေးမြန်းမှုတွေ လုပ်ခဲ့တယ်လို့သိရပါတယ်။

ဒီလို စစ်ဆေးမေးမြန်းမှုတွေ လုပ်တဲ့အခါမှာတော့ ဗစ်တိုးရီးယားလေးဟာ သူမကို ကိုကိုအငယ်နဲ့ ကိုကိုအကြီး လုပ်တယ်လို့ပဲ တသမတ်တည်း ထွက်ဆိုနေပါတယ်။ ဒီထွက်ဆိုမှုဟာ အခုမှ မဟုတ်ပဲ အမှုစတင်ဖြစ်ပွားကတည်းက
ဗစ်တိုးရီးယားလေးက ထွက်ဆိုနေခဲ့ပေမယ့် ဒီအပေါ်မှာတော့ တာဝန်ရှိသူတွေ အဆင့်ဆင့်ဟာ တိတိပပ အရေးယူမှု စစ်ဆေးမှုတွေ မပြုလုပ်ခဲ့ဘူးလို့ သိရပါတယ်။

အဲ့ဒီအစား ယာဉ်မောင်းအောင်ကြီးကိုပဲ တရားခံဖြစ်တယ်လို့ စီအိုင်ဒီက ရဲချုပ်ကိုယ်တိုင် သတင်းစာရှင်းလင်းပွဲလုပ်ပြီး ကြေငြာခဲ့ပါသေးတယ်။
အခုတော့ ဗစ်တိုးရီးယားလေးကိုယ်တိုင် တရားရုံးမှာ ကိုကိုအငယ်နဲ့ ကိုကိုအကြီး လုပ်တာပါလို့ ထွက်ဆိုနေပါပြီ။ ဒီအမှုကို ဘယ်လိုများ ဆက်ဖြစ်လာမလဲ ၊ သို့မဟုတ် ဘယ်လိုများ ရှောင်လွှဲကြဦးမလဲဆိုတာတော့မြန်မာနိုင်ငံရဲ့ တရားစီရင်ရေးကို စောင့်ကြည့်ကြရဦးမယ့် အနေအထား တစ်ခုပဲ ဖြစ်ပါတယ်..

source- 7 Days

 

Facebook Comments