အသည်းကွဲသီချင်းလေးတွေကို ပရိသတ်ရင်ထဲအရောက်ပို့နိုင်သူတစ်ယောက်ဖြစ်တဲ့ ဝိုင်းစုခိုင်သိန်းကတော့ ပရိသတ်အားပေးမှုကို အခိုင်အမာရရှိထားတဲ့ အဆိုတော်တစ်ယောက်ပါ။ “မက်လာက်စရာ”၊”အာဘွား”၊ “ခါချနေရတယ်”၊”ဂါ”၊” မယ်သီတာ” ဆိုတဲ့ တေးစီးရီးအယ်ဘမ်တွေကို ထွက်ရှိအောင်မြင်ထားတာဖြစ်ပါတယ်။ ဝိုင်းစုခိုင်သိန်းရဲ့ ထွက်သမျှသီချင်းတိုင်းကလည်း ပရိသတ်တွေအတွက် ခံစားချက်အပြည့်အဝကို ပေးနိုင်တာကြောင့် မိန်းကလေးပရိသတ်တော်တော်များများရဲ့ ဝန်းရံမှုကို အခိုင်အမာရရှိထားသူတစ်ယောက်ပါ။

အလွမ်းအဆွေးသီချင်းလေးတွေနဲ့ ပရိသတ်ရင်ကို တိုးဝင်လာသူတစ်ယောက်ဖြစ်တဲ့ ဝိုင်းစုခိုင်သိန်းကတော့ အဆိုပိုင်းမှာသာမက သရုပ်ဆောင်ပိုင်းမှာလည်း ပီပြင်ပြီး အောင်မြင်နေတဲ့ အနုပညာရှင်တစ်ယောက်ပါ။ လတ်တလောမှာလည်း ဝိုင်းစုခိုင်သိန်းဟာ ချစ်သူအောင်လရဲ့ သီချင်းတွေမှာလည်း အဓိသရုပ်ဆောင်တစ်ယောက်အနေနဲ့ ပါဝင်သရုပ်ဆောင်နေရုံသာမက သူမရဲ့ သီချင်းခွေအသစ်လေးထွက်ရှိဖို့လည်း ပြင်ဆင်မှုတွေပြုလုပ်နေတာဖြစ်ပါတယ်။ အဆိုပါသီချင်းအခွေလေးကတော့ “နွားကျောင်းသူ”ဆိုတဲ့ အခွေလေးပဲဖြစ်ပါတယ်။“နွားကျောင်းသူ”ဆိုတဲ့သီချင်းလေးကိုတော့ အဆန်းဖြစ်သွားစေမယ့် စာသားလေးတွေနဲ့အတူ ချစ်သူအောင်လကိုယ်တိုင်က ရေးသားပေးထားတာဖြစ်ပြီး ဒီသီချင်းခွေနဲ့ ပတ်သက်ပြီး လှုပ်ရှားမှုတွေကို ပြုလုပ်နေပြီလို့ ပြောပြခဲ့ပါတယ်။ဒါပေမယ့် ဘာတွေကြိုတင်ပြင်ဆင်မှုတွေ လုပ်နေလည်းဆိုတာကိုတော့ “လျို့ဝှက်ထားအုံးမယ်နော်” လို့ ဝိုင်းစုခိုင်သိန်းက သူမရဲ့ လူမှုကွန်ရက်စာမျက်နှာကနေ ရေးသားဖော်ပြထားတာဖြစ်ပါတယ်။ ပရိသတ်ကြီးရေ မကြာခင်မှာတော့ ဝိုင်းစုခိုင်သိန်းက “နွားကျောင်းသူ”ဆိုတဲ့ သီချင်းအခွေလေးကို ပရိသတ်တွေလက်ထဲထည့်ပေးတော့ မယ်နော်…..။

Facebook Comments