ဗစ်တိုးရီးယားအမှုမှာ သံသယ တရားခံအဖြစ် ရုံးတင်စစ်ဆေးခံနေရတဲ့ ကိုအောင်ကြီး ရှေ့နေ ဒေါ်စုဒါလီအောင် ကို နေပြည်တော် Wisdom Hill မူကြိုကျောင်း ကြီးကြပ်ရေးမှူး ဒေါ်ဥမ္မာလှိုင်က တရားစွဲဆို ထားပြီး အမှုအတွက် ဒီနေ့ စက်တင်ဘာလ ၂၅ ရက်နေ့ မှာ ပုဗ္ဗသီရိမြို့နယ် တရားရုံးက လက်ခံစစ်ဆေးခဲ့ပါတယ်။

ဗစ်တိုးရီးယားအမှု ရုံးချိန်း တစ်ခု မှာ ဒေါ်စုဒါလီအောင်ရဲ့ မီဒီယာကို ပြောဆိုချက် တချို့က မိသားစုဂုဏ်သိက္ခာ ညှိုးနွမ်းစေပြီး ကလေးသူငယ် အပေါ် ထိခိုက် နစ်နာစေတဲ့ အတွက် သြဂုတ်လ ၃၁ ရက်နေ့ကတည်းက ဒေါ်ဥမ္မာလှိုင်ဘက်က အမှုဖွင့်ထားတာ ဖြစ်ပါတယ်။

နေပြည်တော် Wisdom Hill ပုဂ္ဂလိက ကျောင်းက အသက် ၃ နှစ် အရွယ် မူကြိုကျောင်းသူ လိင် အဓမ္မပြုကျင့်ခံရတဲ့ ဗစ်တိုးရီးယားအမှုမှာ သံသယ တရားခံ အဖြစ် ရုံးတင် စစ်ဆေးခံနေရသူ ကိုအောင်ကြီး ဘက်ကနေ လိုက်ပါကူညီ ဆောင်ရွက် ပေးနေတဲ့ တရားလွှတ်တော်ရှေ့နေ ဒေါ်စုဒါလီအောင်ဟာ ဖိအားတွေ ရင်ဆိုင်ခဲ့ရပြီး ခြိမ်းခြောက်မှု၊ နောက်ယောင်ခံ လိုက်ခံရမှုတွေ ရှိနေတယ်လို့ ဘီဘီစီကို ထုတ်ဖော် ပြောဆိုလိုက်ပါတယ်။

Credit-စွယ်စုံ

Facebook Comments