ဗစ်တိုရီးယားရဲ့ဖခင်အပါအဝင်ခြောက်ဦးကို အမှုဖွင့်လိုက်ပြန်တဲ့ Wisdom Hill မူကြိုကျောင်း ကြီးကြပ်ရေးမှူး ဒေါ်ဥမ္မာလှိုင်

Last modified date

ဗစ်တိုရီးယားရဲ့ ဖခင်အပါအဝင် ခြောက်ဦး ကို Wisdom Hill မူကြိုကျောင်း ကြီးကြပ်ရေးမှူး ဒေါ်ဥမ္မာလှိုင်က ကလေးသူငယ်များဆိုင်ရာဥပဒေနဲ့အမှုဖွင့် လိုက်တယ်လို့ စုံစမ်းသိရှိရပါတယ်။

အမှုဖွင့်ခံရတဲ့ ခြောက်ဦးကတော့ ဗစ်တိုရီးယားရဲ့ဖခင် ၊ ဗစ်တိုးရီးယား ဖခင်ရဲ့ အကိုနဲ့အမ ၊ တရားလိုရှေ့နေ ဒေါ်ရွက်နုအောင် ၊ အောင်ကြီးရဲ့ရှေ့နေ ဦးခင်မောင်ဇော် ၊ ဗစ်တိုရီးယားအမှုမှာ လိုက်ပါဆောင်ရွက်ပေးသူ သက္ကမိုးညို(ခ) ဒေါက်တာ ဝင်းကိုကိုသိန်း တို့ဖြစ်ပါတယ်။

လူမှုကွန်ရက်မှာ ပျံနှံနေတဲ့ ကိုကိုညီညီ ဆိုတဲ့ ဓာတ်ပုံနဲ့ စွပ်စွဲပြောဆိုချက် တွေကို အခြေခံပြီး သက်သေတင်သွင်းမှုတွေ ၊ ဖြေကြားမှုတွေ ၊ ရေးသားမှုတွေဟာ အသက် ( ၁၈ )နှစ်မပြည့်သေးတဲ့ သားနှစ်ဦးရဲ့ ဂုဏ်သိက္ခာကို ကျဆင်းစေတဲ့အပြင် ကလေးနှစ်ဦးဟာ စိတ်ပိုင်းဆိုင်ရာထိခိုက်ခံစားစေရပြီးလူ့ပတ်ဝန်းကျင်မှာလည်းအရှက်ရစေလို့ အဲဒီခြောက်ဦးကို အရေးယူပေးဖို့ ကလေးသူငယ် အခွင့်အရေးများဆိုင်ရာ ဥပဒေပုဒ်မ ၁၀၁(က)(၂) နဲ့ မနေ့က စက်တင်ဘာလ ၂၆ ရက် ညနေပိုင်းက ပုဗ္ဗသီရိမြို့နယ်၊ ပတ္တာနယ်မြေရဲစခန်း မှာ ဒေါ်ဥမ္မာလှိုင်က အမှုဖွင့်ခဲ့တာလို့သိရပါတယ်။

ပြီးခဲ့တဲ့ရက်ပိုင်းကလည်း အောင်ကြီးရဲ့ ရှေ့နေတစ်ဦးဖြစ်တဲ့ ဒေါ်စုဒါလီအောင်ကိုလည်း ကလေးသူငယ်ဆိုင်ရာ ဥပဒေနဲ့ ဒေါ်ဥမ္မာလှိုင်က အမှုဖွင့်ထားပါသေးတယ်။

Credit-စွယ်စုံ

Facebook Comments

Admin