စစ်မှုထမ်းများနှင့်မှီခိုများမှာ တပ်အပြင်ဘက်လာရောက်ပြီး မဲပေးရန်အခက်အခဲများစွာရှိဟု ဆို

Last modified date

တပ်အတွင်းတာဝန်ထမ်းဆောင်မှုမှာ ၂၄ နာရီရှိသည့်အတွက် စစ်မှုထမ်းများနှင့်မှီခိုများမှာ တပ်အပြင်ဘက်လာရောက်ပြီးမဲပေးရန်အခက်အခဲများစွာရှိကြောင်း တပ်မတော်သတင်းမှန် ပြန်ကြားရေးအဖွဲ့မှဒုတိယဥက္ကဋ္ဌ ဗိုလ်ချုပ်ထွန်းထွန်းညီကပြောသည်။

နေပြည်တော်ရှိ တပ်မတော်စစ်သမိုင်းပြတိုက်တွင် စက်တင်ဘာလ ၂၈ ရက်ကကျင်းပသည့် သတင်းစာရှင်းလင်းပွဲ၌ ပြောကြားခဲ့ခြင်းဖြစ်သည်။“တပ်အတွင်းမှာတာဝန်ထမ်းဆောင်မှုတွေက ၂၄ နာရီရှိတယ်။ အပြင်ကိုလာပြီးမဲပေးဖို့ဆိုတာ အခက်အခဲအကြောင်းအရာတွေအများကြီးရှိတယ်။ တပ်စစ်မှုထမ်းတွေအနေနဲ့ရော၊ မှီခိုတွေအနေနဲ့ရောပေါ့။ တပ်အတွင်းမဲရုံမှာလည်းမဲရုံမှူးတွေဆိုတာက တပ်မတော်သားတွေ မဟုတ်ပါဘူး။ ရွေးကောက်ပွဲကော်မရှင်ကနေခန့်အပ်ပေးတဲ့ မဲရုံမှူးတို့၊ ဘာတို့နဲ့လုပ်ကြတာပါ။ ဒီအပေါ်မှာဆန္ဒမဲပေးတာကလည်း တစ်ဦးချင်းစီရဲ့သူတို့ဆန္ဒအတိုင်း လွတ်လွတ်လပ်လပ် မဲဆန္ဒပေးတာပါ”ဟု တပ်မတော်သတင်းမှန် ပြန်ကြားရေးအဖွဲ့မှဒုတိယဥက္ကဋ္ဌ ဗိုလ်ချုပ်ထွန်းထွန်းညီက ပြောသည်။

လက်ရှိတွင် တပ်အတွင်းမဲရုံထားရှိမှုများအား ကန့်ကွက်မှုများရှိနေကြောင်း သိရသည်။၂၀၁၀ ခုနှစ် ရွေးကောက်ပွဲတွင် ပြည်ခိုင်ဖြိုးပါတီမှ ထောက်ခံမဲထက်ဝက်ကျော်ဖြင့်အနိုင်ရရှိခဲ့ပြီး အစိုးရဖွဲ့နိုင်ခဲ့ကာ ၂၀၁၅ ခုနှစ်ရွေးကောက်ပွဲတွင် NLD ပါတီမှအနိုင်ရရှိခဲ့ကာ အစိုးရတစ်ရပ် ဖွဲ့စည်းနိုင်ခဲ့သည်။

Credit-အကုန်သိ

Facebook Comments

Admin