ဆောက်လုပ်ရေးလုပ်ငန်းများနှင့်ပတ်သက်၍ ပုဂ္ဂလိကလုပ်ငန်းရှင်များကိုသာ လုပ်ကိုင်ခွင့်ပေးရန် မြန်မာနိုင်ငံ စီးပွားရေးလုပ်ငန်းရှင်များအသင်း နာယက ဦးခင်ရွှေက ပြောသည်။ရန်ကုန်မြို့ ကမ္ဘာအေးစေတီတော်ဝန်းအတွင်းရှိ ဝိဇယမင်္ဂလာဓမ္မသဘင်ခန်းမ၌ ကျင်းပပြုလုပ်သည့် ဒုတိယအကြိမ် ဝါဆိုသင်္ကန်းကပ်လှူပွဲတွင် ၄င်းက အထက်ပါအတိုင်း ပြောကြားခဲ့ခြင်းဖြစ်သည်။

“ထိုင်းမှာဆိုရင် အစိုးရက သူရောင်းစရာရှိတဲ့ တိုက်ခန်းတွေကို ပြန်သိမ်းလိုက်တယ်။ မရောင်းတော့ဘူး။ ပုဂ္ဂလိကရောင်းလို့ရရင် ရောင်းတယ်။ မကုန်ရင် အစိုးရက ဝယ်ပစ်လိုက်တယ်။ ပုဂ္ဂလိကလုပ်ငန်းရှင်တွေလက်ထဲမှာ ပိုက်ဆံရှိမှ အလုပ်သမားတွေ အလုပ်လုပ်လို့ရမယ်။ အတိုးနှုန်းတွေ လျှော့တယ်။ အစိုးရကိုယ်တိုင် ပြည်ပထွက်ပြီးရောင်းတယ်။ ဒါပေမဲ့ ခြောက်လအတွင်း ထိုင်းက ပြေလည်သွားတယ်။ ဒါကို အတုယူသင့်တယ်။ ဒီမှာလည်း အစိုးရယူမရောင်းပါနဲ့။ အစိုးရယူရောင်းရင် ပုဂ္ဂလိကလုပ်ငန်းရှင်တွေထဲမှာ အလုပ်သမားတွေကို ထိန်းထားတာအများကြီးရှိတယ်။ ထိန်းထားတာတွေအပျက်မခံနဲ့။ မဟုတ်ရင် အလုပ်သမားတွေ အလုပ်လက်မဲ့ဖြစ်သွားမယ်။ နိုင်ငံခြားကို နေ့တိုင်းထွက်နေကြတယ်။ အလုပ်သမားတွေ အလုပ်လက်မဲ့ဖြစ်ကုန်လို့ နိုင်ငံခြားကို ထွက်ကုန်တာ”ဟု မြန်မာနိုင်ငံစီးပွားရေးလုပ်ငန်းရှင်များအသင်း နာယက ဦးခင်ရွှေက ပြောသည်။

အခြေခံပြည်သူအများစုသည် အိမ်ရာဝယ်ယူနိုင်စွမ်းအား အင်မတန်အားနည်းနေသည့်အတွက် အဆိုပါ ဝယ်ယူနိုင်စွမ်းအားကို ပြည့်မီနိုင်ရန်အတွက် နိုင်ငံတော်အစိုးရ၏ လမ်းညွှန်မှုအရ ဂျပန်နိုင်ငံမှ အကူအညီဖြင့် Housing ODA Loan ကို ဆောင်ရွက်ပေးသွားရန် စနစ်သစ်ကို ဖော်ဆောင်နေပြီဖြစ်ကြောင်း သိရသည်။ ဒဂုံဆိပ်ကမ်းမြို့နယ်၊ လှိုင်သာယာမြို့နယ်နှင့် ရွှေပြည်သာမြို့နယ်တို့တွင် တန်ဖိုးနည်းအိမ်ရာများ တည်ဆောက် ပေးလျက်ရှိပြီး ကျပ်သိန်း(၁၀၀)မှ (၁၃၅)သိန်းအထိ ၁၀ နှစ်အရစ်ကျစနစ်ဖြင့် ရောင်းချပေးလျက်ရှိကြောင်း သိရသည်။

“ယခင်ယခင်တုန်းကတော့ နှစ်ရှည်အရစ်ကျ ငွေပေးချေတဲ့ စနစ်ကို ၈ နှစ်မှသည် ၁၅ နှစ်အထိ ပေးဆောင်နေရတဲ့ အခြေအနေကနေ အခြေခံပြည်သူတွေရဲ့ မိသားစုဝင်ငွေဟာ အင်မတန်မှ နိမ့်ပါးနေတဲ့အတွက်ကြောင့်မို့လို့ ဝင်ငွေတွေကို လိုက်မီနိုင်ဖို့ အတိုးနှုန်းကိုလည်း ဂျပန်နိုင်ငံ ODA Loan ချေးငွေနဲ့အတူ ၈ဒသမ၅ နဲ့ ဆောင်ရွက်ပေးပြီးတော့မှ ချေးငွေကာလကိုလည်း ၁၅ နှစ်ကာလကနေ သူတို့ရဲ့ အသက်အပိုင်းအခြားအရ ပြည့်မီနိုင်တဲ့ နှစ် ၃၀ အထိ ပေးဖို့စနစ်ကို စီစဉ်နေပါတယ်။ ဒီစနစ်ကို ဆောက်လုပ်ရေးဝန်ကြီးဌာန ၊ မြန်မာနိုင်ငံတော်ဗဟိုဘဏ်၊ ဘဏ္ဍာရေးဝန်ကြီးဌာနတို့နဲ့ CHID ဘဏ်၊ JICA အဖွဲ့တို့နဲ့ ပူးပေါင်းပြီး ဆောင်ရွက်နေပါတယ်”ဟု မြို့ပြနှင့် အိမ်ရာဖွံ့ဖြိုးရေးဦးစီးဌာနမှ ညွှန်ကြားရေးမှူးချုပ် ဦးမင်းထိန်က ပြောသည်။

Credit-အကုန်သိ

Facebook Comments