YPS ကတ်စနစ်တွင် ယာဉ်စီးခအားလုံး တန်းတူသတ်မှတ်ပေးသွားမည်

Last modified date

YPS ကတ်စနစ်တွင် ယာဉ်စီးခအားလုံးကိုတန်းတူသတ်မှတ်ပေးသွားမည်ဖြစ်ကြောင်း ရန်ကုန်တိုင်းဒေသကြီးသယ်ယူပို့ဆောင်ရေးကြီးကြပ်ကွပ်ကဲမှုအာဏာပိုင်အဖွဲ့မှ တွဲဖက်အတွင်းရေးမှူး ဦးလှအောင်က ပြောသည်။

ရန်ကုန်မြို့၊ ကျိုက္ကဆံလမ်းပေါ်ရှိ YRTA ရုံးချုပ်တွင် အောက်တိုဘာလ ၂ ရက်က ကျင်းပသည့် အပတ်စဉ်သတင်းစာရှင်းလင်းပွဲတွင် အထက်ပါအတိုင်း ပြောကြားခဲ့ခြင်းဖြစ်သည်။“ယာဉ်စီးခပိုထည့်ရတဲ့ယာဉ်လိုင်းတွေရှိတယ်ဆိုပြီး တိုင်ကြားလာတာတွေရှိတယ်။ အထူးသဖြင့် ၃၇ ယာဉ်လိုင်းက ၁၀၀၀ အထိပေးရတယ်ဆိုပြီး တိုင်ကြားတာတွေရှိတယ်။ ဒါပေမဲ့ ၃၇ ယာဉ်လိုင်းသည် ထောက်ကြန့်ကနေထွက်တဲ့ကားရှိသလို ဥက္ကံကနေထွက်တဲ့ကားတွေရှိပါတယ်။ ဒါကြောင့်အစ/အဆုံးကို ၃၀၀ ထည့်ရတယ်။ တချို့ခရီးသည်တွေက ပတ်စီးကြတယ်။ ပတ်စီးကြတော့ ဟိုကဂိတ်စကနေထွက်တဲ့ ယာဉ်စီးခကို ထည့်ခိုင်းတယ်။ မပေးချင်ရင်မြို့တွင်းပတ်တဲ့ကားတွေရှိတယ်။ အဲဒီကားတွေစီးလို့ရပါတယ်။ အဲဒါမှမဟုတ်ဘဲ ပိုတောင်းရင်တော့ နံပါတ်နဲ့တကွ တိုင်ကြားလို့ရပါတယ်။ ဒီလိုကိစ္စတွေမဖြစ်အောင် YPS ကတ်စနစ်မှာ ယာဉ်စီးခ အားလုံးတန်းတူသတ်မှတ်ပေးသွားမှာဖြစ်ပါတယ်”ဟု ရန်ကုန်တိုင်းဒေသကြီး သယ်ယူပို့ဆောင်ရေးကြီးကြပ်ကွပ်ကဲမှုအာဏာပိုင်အဖွဲ့မှ တွဲဖက်အတွင်းရေးမှူး ဦးလှအောင်က ပြောသည်။

အဆိုပါ YPS ကတ်စနစ်ကို ပထမအဆင့်အနေဖြင့် မြို့တွင်းယာဉ်လိုင်းများဖြစ်သည့် YBS 56 ၊ YBS 57၊ YBS 58 ယာဉ်လိုင်းတို့တွင် တပ်ဆင်အသုံးပြုသွားမည်ဖြစ်ပြီး လာမည့် ၂၀၂၀ ခုနှစ်မှသာ လူတိုင်းသုံးနိုင်မည့် ကတ်စနစ်ဖြစ်လာမည်ဖြစ်ကြောင်း သိရသည်။YPS ကတ်စနစ်သည် ယာဉ်စီးခပေးချေရာတွင်သာမက စားသောက်ဆိုင်များ၊ ဈေးဝယ်စင်တာများ၊ Water Bus ၊ ရထား အစရှိသည့် နေရာများတွင် အသုံးပြုနိုင်မည်ဖြစ်ကြောင်း သိရသည်။ယင်းအပြင် ယာဉ်စီးခကို မိုင်နှုန်းအလိုက်ကောက်ခံသွားမည်ဖြစ်ကာ ငွေပေးချေကတ်စနစ်၏ နည်းပညာပိုင်းကို ၆ လတစ်ကြိမ်အဆင့်မြင့်တင်သွားမည်ဖြစ်ကြောင်း သိရသည်။

Credit-အကုန်သိ

Facebook Comments

Admin