ရန်ကုန်မြို့အတွင်း စည်းကမ်းမဲ့ကြော်ငြာများလျော့နည်းသွားဟု မြို့တော်ဝန်ဆို

Last modified date

ရန်ကုန်မြို့အတွင်းရှိ စည်းကမ်းမဲ့ကြော်ငြာများ လျော့နည်းသွားကြောင်း ရန်ကုန်မြို့တော်ဝန် ဦးမောင်မောင်စိုးကပြောသည်။အောက်တိုဘာလ ၃ ရက်က ကျင်းပသည့် ရန်ကုန်တိုင်းဒေသကြီးလွှတ်တော် ဒသမပုံမှန်အစည်းအဝေး ၁၁ ရက်မြောက်နေ့တွင် ပြောကြားလိုက်ခြင်းဖြစ်သည်။

Related image

“ YCDCအနေနဲ့ စည်းကမ်းမဲ့ ကြော်ငြာတွေကိုမရှင်းလင်းခင်မှာမှတ်တမ်းမှတ်ရာရယူပါတယ်။ မှတ်တမ်းမှတ်ရာ မှတ်ပြီးတော့ အဲဒီလိပ်စာနဲ့ တယ်လီဖုန်းနံပါတ်တွေ ဆက်သွယ်ခေါ်ယူပြီးတော့ တည်ဆဲဥပဒေနဲ့အညီ လုပ်ငန်းလိုင်စင်မဆောင်လို့ရှိရင်လည်းဆောင်ခိုင်းပါတယ်။ အခွန်တွေဆောင်ခိုင်းတယ်။ အဲဒါကျတော့ အတော်ကိုနည်းသွားပါတယ်” ဟု ရန်ကုန်မြို့တော်ဝန် ဦးမောင်မောင်စိုးကပြောသည်။

ရန်ကုန်မြို့အတွင်း၌ လက်ကမ်းကြော်ငြာများဝေငှခြင်း၊ ဓာတ်တိုင်များတွင် ကြော်ငြာစာရွက်များကပ်ခြင်းများနှင့် ပတ်သက်ပြီး ယခုကဲ့သို့ပြောခြင်းဖြစ်သည်။“ ရန်ကုန်တိုင်းဒေသကြီးရဲ့ အချက်အခြာကျသောနေရာများ၊ မြို့နယ်များရဲ့ လူစည်ကားရာနေရာများမှာ မိမိတို့ရဲ့ကိုယ်ကျိုးစီးပွားအတွက် အများပြည်သူပိုင်ဘတ်စ်ကားဂိတ်၊ ဂုံးကျော်တံတားအောက်ခြေများ၊ ဓာတ်တိုင်များနဲ့ဆက်သွယ်ရေးတိုင်များမှာစည်းကမ်းမဲ့စွာကြော်ငြာစတေကာများကပ်ထားခြင်းများကို တွေ့ရှိနေပြီး အများစုမှာလမ်းမများပေါ်တွင် ပြန်လည်ပစ်ချနေကြတယ်” ဟု လွှတ်တော်ကိုယ်စားလှယ် ဒေါ်နွယ်နွယ်ဝင်းက ပြောသည်။

၂၀၁၈ ခုနှစ်၊ ဇွန်လ ၂၈ ရက်တွင် အတည်ပြုပြဋ္ဌာန်းထားသည့် ရန်ကုန်မြို့တော်စည်ပင်သာယာရေးဥပဒေပုဒ်မ ၃၂၃ ပုဒ်မခွဲ(ည)တွင် မည်သူမှကော်မတီ၏ ခွင့်ပြုချက်မရဘဲ အများပြည်သူသိရှိစေရန် အမှတ်အသား တပ်ဆင်ခြင်း၊ ရေးဆွဲခြင်းကြော်ငြာခြင်းမပြုရဟုပါရှိသည်။

Credit-အကုန်သိ

Facebook Comments

Admin