မြို့နယ်စည်ပင်ဥက္ကဋ္ဌများနှင့် ကော်မတီဝင်များအတွက်ကားဝယ်ယူရခြင်းမှာ မဖြစ်မနေလိုအပ်သဖြင့်ဟု ရန်ကုန်မြို့တော်ဝန် ပြော

Last modified date

မြို့နယ်စည်ပင်သာယာရေးကော်မတီဥက္ကဋ္ဌများနှင့် ကော်မတီဝင်များ စီးရန်ကားဝယ်ယူရေး တောင်းဆိုခဲ့ရခြင်းမှာ အဆောင်အယောင်ပေးချင်၍မဟုတ်ဘဲ မဖြစ်မနေလိုအပ်သောကြောင့်ဖြစ်ကြောင်း ရန်ကုန်မြို့တော်ဝန် ဦးမောင်မောင်စိုးကပြောသည်။

Image result for ရန်ကုန်မြို့တော်ဝန် ဦးမောင်မောင်စိုး

ရန်ကုန်မြို့တော်ခန်းမတွင် အောက်တိုဘာလ (၇)ရက်ကကျင်းပသည့် ရန်ကုန်မြို့တော်စည်ပင်သာယာရေး ကော်မတီ၏ သတင်းစာရှင်းလင်းပွဲအမှာစကားပြောကြားရာတွင် ပြောကြားခြင်းဖြစ်သည်။

“ကျွန်တော်တို့စည်ပင်သာယာအလုပ်က အရေကြီးရင်ကြီးသလိုထသွားရတဲ့အနေအထား။ ဘယ်နေရာမှာ မီးလောင်တာဖြစ်ဖြစ်၊ ဘယ်ကဏ္ဍမှာတစ်ခုခုဖြစ်ရင် ချက်ချင်းသွားရတာပါ။ ဖြစ်တာနဲ့ အချိန်အခါမကြည့်နဲ့ လာချက်ချင်းဆိုပြီးသွားလာရတာပါ။ အရင်တုန်းကရန်ကုန်စည်ပင်က တစ်သီးတခြားဘတ်ဂျက်ရရှိခဲ့တာပါ။ အဲဒီတုန်းကအသုံးစရိတ်တွေကတော့ဘယ်လိုရှိသလဲမသိဘူးပေါ့နော်။ ၂၀၁၁ ခုနှစ်နောက်ပိုင်းမှာ နိုင်ငံတော်ရဲ့ ဘဏ္ဍာငွေအောက်ကနေပဲ ဘယ်လောက်ချပေးတယ်ဆိုတာကဖြစ်သွားတာပါ။ နောက်ပြီးတော့ တခြားဌာနဆိုင်ရာတွေက အကြီးအကဲအပိုင်းတွေလည်းလိုအပ်တဲ့အပိုင်းတွေဖြည့်နေသလို ကျွန်တော်တိ်ု့ YCDC မှာလည်း အရေးအကြောင်းပေါ်လာရင် ချက်ချင်းသွားလာလို့ရအောင် ကော်မတီဝင်တွေနဲ့ မြို့နယ်စည်ပင်ဥက္ကဋ္ဌတွေစီးဖို့ကားဝယ်ယူရေးက်ိုတောင်းဆိုခဲ့ရတာပါ။ အဆောင်အယောင်ပေးချင်လို့ လုပ်ခဲ့တာမဟုတ်ပါဘူး။ တကယ်ကိုလိုအပ်ချက်အရတောင်းဆိုခဲ့ရတာပါ။”ဟု ရန်ကုန်မြို့တော်ဝန် ဦးမောင်မောင်စိုးက ပြောသည်။

ရန်ကုန်မြို့တော်စည်ပင်သာယာရေးကော်မတီမှ ရွေးချယ်ခံစည်ပင်ရွေးကောက်ပွဲကော်မတီဝင် ၆ ဦးနှင့် မြို့နယ် စည်ပင် ဥက္ကဋ္ဌ ၃၃ ဦး တစ်ဦးလျှင် ကားတစ်စီးနှုန်းအသုံးပြုနိုင်အပါအဝင် ကားအစီးရေ ၈၀ စီး ဝယ်ယူရန် ရန်ကုန်တိုင်းဒေသကြီးလွှတ်တော်ကခွင့်ပြုခဲ့ကြောင်းသိရသည်။အဆိုပါကားများဝယ်ယူရေးကို ရန်ကုန်တိုင်းဒေသကြီးလွှတ်တော်တွင် အောက်တိုဘာလ ၄ရက်က ရန်ကုန်တိုင်းဒေသကြီးအစိုးရအဖွဲ့ကတင်သွင်းသည့် ၂၀၁၉-၂၀ ဘဏ္ဍာရေးနှစ် အရသုံးမှန်းခြေငွေစာရင်း ဥပဒေကြမ်းနှင့် ပတ်သက်ပြီးသက်ဆိုင်ရာအဖွဲ့အစည်းဝင်ကရှင်းလင်းဆွေးနွေးပြီး လွှတ်တော်က ဥပဒေကြမ်းအပိုဒ်တစ်ခုချင်းအလိုက် အတည်ပြုခြင်းဖြစ်သည်။

ထို့ကြောင့် ရန်ကုန်မြို့တော်စည်ပင်သာယာရေးကော်မတီဥပဒေအရရွေးချယ်ခန့်ထားသည့် မြို့နယ် ၃၃ မြို့နယ်ရှိ စည်ပင်ဥက္ကဋ္ဌ ၃၃ ဦးအတွက် တစ်ဦးလျှင်တစ်စီးနှုန်းဖြင့် ၃၃ စီး၊ အဖွဲ့ဝင်နှစ်ဦးအသုံးပြုရန် ၂ စီး၊ ရွေးချယ်ခံကော်မတီဝင် ၆ ဦး၊ လုပ်ငန်းတာဝန်ခံအဖွဲ့ ၇ ဖွဲ့၏ အတွင်းရေးမှူးများအသုံးပြုရန် ၁၃ စီး၊ အုပ်ချုပ်မှုလုပ်ငန်းစဉ်တွင် ညွှန်ကြားရေးမှူးနှင့်အထက် အသုံးပြုရန် ၁၅ စီး၊ လုပ်ငန်းစစ်လမ်းကြောင်းနှင့် ဧည့်ကြိုရာတွင် အသုံးပြုရန် ၁ စီး၊ ဝန်ထမ်းများများအားအခမ်းအနားကြိုပို့ရာတွင် အသုံးပြုရန် ၃ စီးနှင့် လုပ်ငန်းသုံးအသုံးပြုရန် ၁၃ စီးဝယ်ယူမည်ဖြစ်ကြောင်း သိရသည်။

Credit-အကုန်သိ

Facebook Comments

Admin