အလုံမြို့နယ်ရှိ ဆင်မင်းဈေးသစ်၏ တစ်လဝင်ငွေမှာ ကျပ် ၁၉ သိန်းသာရရှိကြောင်း ရန်ကုန်မြို့တော်ဝန် ဦးမောင်မောင်စိုးက ပြောသည်။

အောက်တိုဘာလ ၉ ရက်က ကျင်းပခဲ့သည့် ဒုတိယအကြိမ် ရန်ကုန်တိုင်းဒေသကြီးလွှတ်တော် ဒသမပုံမှန်အစည်းအဝေးတွင် အလုံမြို့နယ် အမှတ်(၂) လွှတ်တော်ကိုယ်စားလှယ် ဒေါ်နွယ်နွယ်ဝင်း၏ အလုံမြို့နယ် ဆင်မင်းရပ်ကွက်ရှိ သိပ္ပံဈေး(သို့) ဆင်မင်းဈေးကိစ္စ ရန်ကုန်မြို့တော်စည်ပင်သာယာရေးကော်မတီဈေးများဌာနထံ မေးမြန်းချက်တွင် မြို့တော်ဝန်က ထည့်သွင်းပြောကြားခဲ့ခြင်းဖြစ်သည်။ “ အဲဒီဈေးက ဈေးကြီးဖြစ်ပါတယ်။ တကယ့်ကို စည်ကားတဲ့ဈေးကြီးဖြစ်ပါတယ်။ သို့သော်လည်း အစိုးရရဲ့ဝင်ငွေ ပြန်ကြည့်ရင် ဒီဈေးကြီးက တစ်လကို ၁၉ သိန်းပဲ ရတဲ့ဈေးဖြစ်ပါတယ်။ တော်တော်ကို နည်းပါတယ်။ မြေပိုင်ဆိုင်မှုနဲ့ တွက်ရင်ပေါ့။

တစ်နှစ်ကို ဈေးရဲ့ဝင်ငွေက ၂၂၈ သိန်းဖြစ်တဲ့အတွက်ကြောင့် တကယ်တမ်းကျတော့ နေကမ္ဘာမြန်မာနဲ့ PPP အကျိုးတူပူးပေါင်းဆောင်ရွက်ထားတဲ့ဈေးဖြစ်တဲ့အတွက်ကြောင့် အဲဒီဈေးကို ပြန်ပြီးတော့ ရှင်သန်အောင် ရသင့်ရထိုက်တဲ့ ဝင်ငွေရဖို့အတွက်လည်း Market Operation လုပ်ဖို့ အစီအစဉ်ရှိပါတယ် ” ဟု မြို့တော်ဝန် ဦးမောင်မောင်စိုးက ပြောသည်။ ဆင်မင်းဈေး အဆင့်မြင့်ပြန်လည်တည်ဆောက်ရေးလုပ်ငန်းကို နေကမ္ဘာမြန်မာဆောက်လုပ်ရေးကုမ္ပဏီနှင့် အကျိုးတူပူးပေါင်း၍ (၈)ထပ်အဆောက်အဦးကို၂၀၁၂ ခုနှစ် သြဂုတ်လ ၅ ရက်တွင် စတင်တည်ဆောက်ခဲ့သည်။ ထို့နောက် ၂၀၀၁၅ ခုနှစ် ဖေဖော်ဝါရီလ ၄ ရက်တွင် ပြီးစီးခဲ့ပြီး မူလဈေးဟောင်းမှ ဈေးသည်များကို ဇူလိုင်လအတွင်းတွင် ပြန်လည်နေရာချထားပေးခဲ့ကြောင်း သိရသည်။အဆိုပါဈေးတွင် မူလဈေးဆိုင်ခန်း ၇၂၂ ခန်းခန့် ရှိပြီး အဆင့်မြှင့်တင်ပြီးနောက် မြေညီထပ်တွင် မူလအကျယ်အဝန်းအတိုင်း ပြန်လည်နေရာချထားပေးခဲ့ခြင်းဖြစ်ကြောင်း သိရသည်။

Credit-အကုန်သိ

Facebook Comments