ကျေးဇူးရှင်မိဘတွေအတွက် မွန်မြတ်တဲ့ သစ္စာပြုလှူဒါန်းမှုပြုလုပ်ခဲ့တဲ့ ဇင်ဇင်ဇော်မြင့်

ရိုးရိုးယဉ်ယဉ်လေးနဲ့ သဘာဝကျတဲ့သရုပ်ဆောင်မှုတွေကို ပုံဖော်နိုင်သူ မြန်မာပြည်က အမျိုးသမီးရုပ်ရှင်သရုပ်ဆောင်ကို ညွှန်းပါဆိုရင် မင်းသမီး ဇင်ဇင်ဇော်မြင့် ကို ချန်ထားခဲ့လို့မရပါဘူး။ရုပ်ရှင်ပရိသတ်တွေကြားမှာ အစွဲလန်းကြီးစွဲလန်းခဲ့ရတဲ့ အနုပညာရှင်တဦးလို့ ထူးပြီးပြောစရာမလိုအောင်ကို ညှို့အားပြင်းခြင်း၊ ချစ်စရာကောင်းခြင်းတွေနဲ့အတူ လူအများ အပေါ်မှာ ဆွဲငင်ထားနိုင်ခဲ့သူ ဖြစ်ပါတယ်။

 

 

 

 

 

 

 

 

 

 

 

 

 

 

 

 

 

 

 

 

 

သရုပ်ဆောင်ဘဝနောက်ပိုင်းမှာတော့ အိမ်ထောင်မှု၊ ကလေးကိစ္စတွေနဲ့အတူ ဘဝရပ်တည်မှုတွေကြောင့် အနုပညာလှုပ်ရှားမှုတွေ နည်းပါးသွားခဲ့သလို ပရိသတ်မြင်ကွင်းကနေလည်း ခဏတာ ပျောက်ကွယ်သွားခဲ့တဲ့ ဇင်ဇင်ဇော်မြင့်ဟာ လက်ရှိအချိန်မှာ Zz Jems and Jewellery လက်ဝတ်ရတနာလုပ်ငန်းကို လုပ်ကိုင်နေတာဖြစ်သလို ခင်ပွန်းသည် ကိုချမ်းကျော်ကျော်ပိုင် နဲ့အတူ သာယာတဲ့မိသားစုဘဝကို တည်ဆောက်ထားနိုင်သူဖြစ်ပြီး သူတို့ရဲ့မိသားစုဘဝလေးမှာ ချစ်ရတဲ့ သားကြီး၊ သားငယ် သားရင်သွေးလေးနှစ်ဦးကိုပါ ရရှိပိုင်ဆိုင်ထားပြီး အိမ်ထောင်ရေးဆည်းလည်းသံလေးနဲ့ ပြည့်စုံလို့နေပါတယ်။

 

 

 

 

 

 

 

 

 

 

 

 

 

အခုအခါမှာတော့ ဇင်ဇင်ဇော်မြင့် ရဲ့ သာဓုခေါ်ဖွယ်ရာ သစ္စာပြုလှူဒါန်းမှုကို ဖော်ပြပေးချင်တာဖြစ်ပြီး မင်းသမီးဟာ ကွယ်လွန်သွားတဲ့ ကျေးဇူးရှင်မိဘတွေအတွက် သစ္စာပြုလှူဒါန်းမှုပြုလုပ်ခဲ့တာကို တွေ့ခဲ့ရတာမို့ အားလုံးကို မျှဝေပေးလိုက်ပါရစေ။

၂၀၁၄ ခုနှစ်ကကွယ်လွန်သွားခဲ့တဲ့ အနှိုင်းမဲ့ ကျေးဇူးရှင်တွေဖြစ်သူ ဖခင် ဦးဇော်မြင့်နဲ့ မိခင် ဒေါ်ညွန့်ညွန့်သန်းတို့အတွက် ရည်စူးပြီး ကျေးဇူးတော်ရှင် သစ်တံခါး ဆရာတော်ဘုရားကြီးရဲ့ အဓိဌာန် အောင်ပွဲထွက်ပွဲမတိုင်မီမှာ တန်ဖိုးကြီး ရတနာလက်စွပ်တွေကို သွားရောက် သစ္စာပြုလှုဒါန်းခဲ့ပြီး ပူဇော်ဆုတောင်း ကုသိုလ်ပြုခဲ့တာဖြစ်ပါတယ်။

အခုနှစ်အတွင်းမှာပဲ ကွယ်လွန်သွားတဲ့ခင်ပွန်းသည်ရဲ့ မိခင်ဖြစ်သူအတွက်လည်း ရောက်ရာဘုံဘဝကနေ သာဓု ခေါ်ဆိုနိုင်အောင် ရည်စူးလှူဒါန်းခဲ့ခြင်းဖြစ်ပြီး စစ်မှန် တဲ့သစ္စာတရားကုသိုလ်ကြောင့်ထပ်တူရကြပါစေသားလို့ ဆုတောင်း အမျှပေးဝေသွားခဲ့တာပါ။ မြင်ရကြားရသူတိုင်းအတွက် ကြည်နူးစရာမိသားစုလေးရဲ့ ကြည်နူးစရာ အလှူအတန်း မြင်ကွင်းလေးတွေကိုလည်း တင်ဆက်ပေးလိုက်ရပါတယ်…ချစ်ပရိသတ်ကြီးရေ။ မွန်မြတ်တဲ့လုပ်ရပ်အဖြစ် သာဓုခေါ်ဖွယ်ရာဖြစ်ပါတယ်။

Facebook Comments

Burmese Online News