တဖက်သတ်ချစ်မိပြီဆိုရင် ဘာတွေ ပြင်ဆင်ထားဖို့လိုလဲ………

Last modified date

လူတစ်ယောက်ဟာ တစ်ချိန်မဟုတ် တစ်ချိန်မှာတော့ ကံဆိုးမိုးမှောင်ကျပြီး၊ ကိုယ့်ကို ဘယ်လိုနည်းနဲ့မှ ပြန်မချစ်နိုင်မယ့်သူတစ်ယောက်ကို ရူးရူးမူးမူး၊ စွဲစွဲလမ်းလမ်း ချစ်မိသွားနိုင်တာပဲမဟုတ်လား။ အဲ့လိုအခြေအနေတွေနဲ့ကြုံဆုံလာရပြီဆိုရင်၊ ဘာတွေပြင်ဆင်ထားသင့်လဲဆိုတာတွေကို ဆွေးနွေးကြည့်ကြရအောင်လေ။ ပြီးမှ အတူဖက်ငိုကြတာပေါ့။

(၁)။ ဘာမျှော်လင့်ချက်မှ မထားပါနဲ့

သူ့စိတ်က တစ်နေ့နေ့တော့ပြောင်းလာမှာဆိုတဲ့မျှော်လင့်ချက်မျိုး၊ ကိုယ့်အချစ်ကို တစ်ချိန်ကျရင် အသိအမှတ်ပြုလာမှာဆိုတဲ့မျှော်လင့်ချက်မျိုးတွေက အန္တရာယ်သိပ်များပါတယ်။ ကိုယ့်စိတ်ကိုကိုယ်ပြန်သတ်နေမယ့် အတွေးတွေမို့၊ လုံးဝမထားပါနဲ့။

(၂)။ ငေးကြည့်နေရရုံနဲ့ ကျေနပ်ပါ

သူဆိုတဲ့ဖြစ်တည်ချက်လေးကို ချစ်တာမဟုတ်လား။ အဲ့ဒီ့တော့ သူဘာလုပ်လုပ် ဝေးဝေးကပဲငေးကြည့်နေပါ။ မြင်နေသိနေရရုံနဲ့ပဲ ကျေနပ်ပါ။ အဲဒီထက်ကျော်ချင်လာရင် စပြီးပူလောင်လာမှာမို့ပါ။

(၃)။ သူ့ကို ပေးမသိပါနဲ့

အစထဲက မဖြစ်နိုင်မှန်း သိနေပေမယ့်၊ မနေနိုင်ပဲ ချစ်ခဲ့တာမဟုတ်လား။ ရှေ့တိုးလို့ ဘယ်လိုမှမရတဲ့အခြေအနေမှာ သူ့ကိုပေးမသိတာအကောင်းဆုံးပဲလေ။ သူလည်း အနေရမခက်တော့ဘူး။ ကိုယ်လည်း အနေရမခက်တော့ဘူး။

(၄)။ ရင်းနှီးအောင်နေပါ၊ မပိုပါစေနဲ့

သူ့နားမှာ သူငယ်ချင်းလိုနေနိုင်ရင် ပိုကောင်းပါတယ်။ ဒါမှ သူအကူအညီလိုတာမျိုးဆို ကိုယ်ဖြည့်ဆည်းပေးနိုင်မယ် မဟုတ်လား။ သူလိုခဲ့ရင်မီဖို့ ပုခုံးတစ်ဖက်၊ သူလိုခဲ့ရင်ဆွဲဖို့ လက်တစ်ဖက် မဖြစ်ချင်ကြဘူးလား။ ကိုယ်ကတော့ ဖြစ်ချင်တယ်။ ဒါပေမယ့် လုံးဝစည်းမကျော်ပါနဲ့။

(၅)။ အဆိုးဆုံးအတွက်ပြင်ဆင်ထားပါ

တစ်နေ့ကျရင် သူက ရည်းစားရသွားပြီး၊ ကိုယ့်ရှေ့မှာ လာရိုပြချင်ပြနေမယ်။ သူအသည်းကွဲနေတာကို ရင်လာဖွင့်ရင်ဖွင့်မယ်။ သူသဘောကျနေတဲ့သူကိုပြပြီး ဝေဖန်ခိုင်းတာလည်း ရှိနိုင်တယ်။ သူ့မင်္ဂလာဆောင်ကိုလည်း တက်ရနိုင်တယ်။ ဒါတွေအတွက်ရော မျက်နှာတစ်ချက်မပျက်ပဲ၊ ပြုံးပြုံးလေးနေနိုင်ပြီလားလို့။

(၆)။ အဝေးကြီးမှာ ရှင်သန်ပါ

သူဆိုတာက ပိုင်လည်းမပိုင်၊ ဆိုင်လည်း မဆိုင်ဘူးလေ။ နီးအောင်လည်း ကြိုးစားလို့မရနိုင်ဘူး။ ခုနေချိန်မှာ နည်းနည်းလောက်နီးနေနိုင်ပေမယ့်။ အချိန်တစ်ခုအကြာမှာတော့ ဝေးသွားကြရမှာပဲလေ။ အဲ့ဒီ့အတွက်။ အခုကထဲကနေပြီး သူနဲ့အဝေးကြီးမှာ ပျော်ရွှင်စွာနဲ့ရှင်သန်နိုင်အောင် လုပ်ထားပါ။

(၇)။ ခေါင်းထဲက ထုတ်ထားပါ

သူ့အကြောင်းတွေက အတွေးထဲ အမြဲဝင်နေရင် အဆင်မပြေပါဘူး။ ဘဝအတွက်ကြိုးစားနေရဦးမှာလေ။ အသည်းချည်း ထိုင်ကွဲနေလို့မှ မရတာ။ သူ့ကို ရင်ထဲမှာပဲ ထားပါ။ စိတ်အေးလက်အေးအချိန်ဆို သူ့ကို လွမ်းပါ။ ကျန်တဲ့အချိန်မှာ အလုပ်ဆက်လုပ်ပါ။

(၈)။ အစားထိုးဖို့ မကြိုးစားပါနဲ့

သူ့နေရာမှာ တစ်ခြားတစ်ယောက် အစားထိုးဖို့ မကြိုးစားပါနဲ့။ ဘယ်တော့မှ မအောင်မြင်ပါဘူး။ တကယ်ချစ်တာဆိုရင် ဘယ်လိုမှ၊ ဘယ်တော့မှ မအောင်မြင်ပါဘူး။ ပြီးတော့။ ကိုယ့်ကိုယ်ကိုရော၊ နောက်လူကိုပါ နှိပ်စက်ရာကျတယ်။

စိတ်ရောလူပါ အတတ်နိုင်ဆုံးတော့ပြင်ဆင်ထားတာပဲ။ မတတ်နိုင်ဘူးလေ။ နော်။ လူတစ်ယောက်ကို ပိုင်ဆိုင်ခွင့်မရှိပဲ၊ ဝဠ်ကြွေးဆပ်ဖို့သက်သက် ချစ်ခဲ့ရတာဆိုတော့။ တကယ်ကို အဆင်မပြေဘူး။ အနည်းဆုံးတော့ ကိုယ်သူ့ကို အဖြူထည်လေးချစ်ခဲ့တယ်၊ အတတ်နိုင်ဆုံး အကောင်းဆုံးချစ်ပေးနိုင်ခဲ့တယ်ဆိုပြီးတော့၊ လိပ်ပြာသန့်သန့်နဲ့နေနိုင်သွားတာပေါ့။

Credit -> Aunty May

Facebook Comments

Burmese News