ကလေးတွေရဲ့ အနာဂတ်ကို မျှော်မှန်းပြီး တွေးတက်အောင် သင်ပေးပါ

ကလေးများကို တွေးတတ်အောင် သင်ခြင်းဟာ ဘဝနေနည်းကို သင်ခြင်းဖြစ်ပါတယ်။ ကျွန်မတို့ ဘဝ တစ်လျှောက်လုံးမှာ ဆုံးဖြတ်ချက်ပေါင်း များစွာ ချကြရပါတယ်။ ကျန်းမာရေးနဲ့ ညီညွှတ်သော ထမင်းဟင်း ဘယ်လို စီမံ စားသောက်မလဲ ဆိုတာက အစ လုပ်ငန်းဆောင်တာတွေအတွက် ဆုံးဖြတ်ရတာ အဆုံး လုပ်ဆောင်မှုတိုင်းမှာ တွေးရတယ်၊ ဆုံးဖြတ်ရပါတယ်။ အတွေးမှားရင် ဆုံးဖြတ်ချက်တွေ မှားတယ်။ ဆုံးဖြတ်ချက်တွေ မှားရင် ဘဝလမ်းကြောင်းမှားကြတယ်။ ဒါကြောင့် ကလေးဘဝ က စလို့ တွေးတတ်အောင် သင်ပေးပါ။ဒီတစ်ပတ်မှာတော့ ကလေးတွေ တွေးတတ်အောင် သင်ပေးနိုင်မယ့် နည်းလမ်း (၅)ခုကို မျှဝေပေးချင်ပါတယ်။

၁) မေးခွန်း မေးခြင်းဖြင့် တွေးစေပါ။
ကလေးတွေကို တွေးတတ်အောင်၊ အမြင်တွေ ဖေါ်ထုတ်တတ်အောင် မေးခွန်းတွေ မေးပေးပါ။ ဟုတ်တယ်၊ မဟုတ်ဘူး ဆိုတဲ့ အဖြေကိုပဲ ပေးမယ့် မေးခွန်းတွေထက် သူတို့ရဲ့ ထင်မြင်ယူဆချက်တွေ၊ အတွေ့အကြုံနဲ့ ဗဟုသုတကို ချိန်ထိုးဖြေဆိုရမယ့် မေးခွန်းမျိုးတွေကို မေးပါ။ မေးခွန်းမေးခြင်းဟာ ကလေးတွေကို စဉ်းစားဖို့၊ တွေးခေါ်ဖို့၊ ကိုယ့်အမြင်အပေါ် သုံးသပ်နိုင်ဖို့ အခွင့်အလမ်းတွေ ပေးပါတယ်။

questions-to-ask-kids.jpg (702×336)

၂) အခြေခံ အတွေး အုတ်မြစ် တည်ဆောက်ပေးပါ။
တွေးနိုင်ဖို့ ချိတ်ဆက်စဉ်းစားရမယ့် ဗဟုသုတတွေ၊ အတွေ့အကြုံတွေ လိုအပ်ပါတယ်။ လေ့လာမှု၊ အတွေ့အကြုံတွေ မရှိရင် တွေးတတ်အောင် သင်လို့ ခက်ခဲပါတယ်။ ဒါကြောင့် တွေးတတ်အောင် သင်ချင်တဲ့အခါ ကလေးတွေကို စာတွေဖတ်ဖို့၊ လေ့လာရေးခရီးတွေ ထွက်ဖို့၊ ပညာရစေမယ့် ဖျော်ဖြေရေးအစီအစဉ်တွေလုပ်ကြဖို့၊ စတဲ့ အတွေ့အကြုံနဲ့ ပညာ ဗဟုသုတပေးမယ့် အစီအစဉ်တွေ လုပ်ပေးခြင်းဖြင့် အခြေခံ အတွေး အုတ်မြစ်ကို တည်ဆောက်ပေးပါ။

attachment (760×428)

၃) ဖန်တီးရင်း၊ အလုပ်လုပ်ရင်း တွေးစေပါ။
အခြေခံ ဗဟုသုတနဲ့ အတွေ့အကြုံတွေ မရှိရင် အစာအိမ်ကို အစာမရှိဘဲ အစာချက်ခိုင်းသလိုပါပဲ။ ဒါကြောင့် ကလေးတွေတွေးဖို့ အထောက်အကူပြုဖို့ လုပ်ငန်းတွေပေးပါ။ ပတ်ဝန်းကျင်က လူမှုရေး၊ စီးပွါးရေး၊ ပညာရေး စတဲ့အကြောင်းအရာတွေ ဖတ်ခိုင်းပါ။ ပြီးရင်း စာအသစ်ဖြစ်စေ ပစ္စည်းတွေဖြစ်စေ ဖန်တီးခိုင်းပါ။ မေးခွန်းမေးခြင်းကို အကျင့်မရှိသေးလို့ ကြောက်တဲ့ ကလေးတွေအတွက် လေ့လာရေး၊ ဖန်တီးရေးလုပ်ငန်းတွေကနေတစ်ဆင့်  တွေးတတ်အောင် သင်ပေးပါ။

87989330-christmas-cards-creation-artistic-child-colorful-childhood-creative-baby-girl-early-children-educati.jpg (1300×866)

၎) အဖွဲ့လိုက်အလုပ်လုပ်ခိုင်းပါ။
တစ်ဦးတည်းတွေးစေခြင်းဟာ အစပိုင်းမှာ ခက်ခဲနိုင်ပါတယ်။ ဒါကြောင့် မေးခွန်းတစ်ခုကို အဖွဲ့လိုက် စဉ်းစားပြီး ဖြေစေခြင်းဟာ ကလေးတွေအတွက် စိတ်သက်သက်သာသာနဲ့ တွေးတောခြင်းလုပ်ငန်းကို လုပ်စေပါတယ်။ သူငယ်ချင်းတွေနဲ့ စကားပြောရ၊ ငြင်းရ၊ ခုံရဆိုတော့ ကြောက်စိတ်တို့ ပျင်းတာတို့ လျော့နည်းပြီး တွေးကျင့်ကို မြန်မြန် လေ့ကျင့်ပေးနိုင်ပါတယ်။

kids-group-learning.jpg (900×579)

၅) ပြဿနာတွေ ဖြေရှင်းခိုင်းပါ။
ကလေးတွေကို ရှိတဲ့ ပြဿနာတွေ ပြောပြပြီး ဖြေရှင်းနည်းတွေ ရှာခိုင်းပါ။ ကျောင်းမှာ၊ စာသင်ခန်းထဲမှာ၊ သူတို့ အချင်းချင်းကြားမှာ ရှိတဲ့ ပြဿနာတွေ၊ အခက်အခဲတွေကို အတူတူ ဖေါ်ထုတ်ပြီး ဖြေရှင်းနိုင်ဖို့ နည်းလမ်းတွေ ရှာခိုင်းပြီး လက်တွေ့အကောင်အထည်ဖေါ်ခိုင်းခြင်းဟာ တွေးတောဖို့ကို တိုက်တွန်းအားပေးရာရောက်ပါတယ်။

Mompreneur.buzz_on_the_Hunt-e1536813526916.jpg (1200×720)

အချုပ်မှာကျွန်မမျှဝေချင်တာကတော့ ကလေးတွေကို တွေးစေပါ။ တွေးဖို့ သင်ပေးပါ။ တွေးဖို့သင်ပေးရာမှာ သုံးတဲ့နည်းတွေကနေတစ်ဆင့် ကလေးတွေဟာ လက်တွေ့ဘဝမှာ ကြုံတွေ့လာမယ့် ပြဿနာတွေ အခက်အခဲတွေကို သေချာ စဉ်းစားပြီး ဖြေရှင်းလာနိုင်မယ်၊ အသစ်အသစ်တွေ ဖန်တီး တီထွင်ဖို့ စဉ်းစားတွေးခေါ်နိုင်လာမယ်၊ ပညာဗဟုသုတအသစ်တွေကို အမြဲ ရှာဖွေပြီး သုံးသပ် မျှဝေတတ်လာမယ်၊ ပြီးရင် ပတ်ဝန်းကျင်မှာ ရှိတဲ့သူတွေနဲ့လည်း မျှဝေဖလှယ်ရင်း ပူးပေါင်း လုပ်ဆောင်နိုင်လာမယ်။

ဒါကြောင့် ကျွန်မက တွေးတတ်အောင် သင်ကြားပေးခြင်းဟာ ဘတွက်တာကျွမ်းကျင်စရာတွေထဲက တစ်ခုဖြစ်တယ်လို့ ပြောခြင်းဖြစ်ပါတယ်။ ကလေးတွေကို တွေးဖို့ သင်တဲ့အခါ လူကြီးတွေက ဝေဖန်ပိုင်းခြား စဉ်းစားပြီး ပမာပြဖို့လည်းလိုပါတယ်။ ကလေးတွေ တွေးနိုင်မှ သူတို့ အနာဂါတ်လှနိုင်မယ်။ သူတို့ဘဝလှမှ ကျွန်မတို့နိုင်ငံ တိုးတက်မယ်။ ဒါကြောင့် နိုင်ငံတိုးတက်ချင်ရင် ကလေးတွေကို တွေးတတ်အောင် သင်ပေးပါ။ ကလေးတွေကို တွေးနိုင်အောင် သင်ပေးရင်း ကျွန်မတို့ အားလုံးရဲ့ အနာဂါတ်တွေကို အကောင်းဆုံး ပုံဖေါ်နိုင်ကြရပါစေ။

helping-young-children-learn-to-make-friends-hero.jpg (830×493)

Credit -> Fooly Baggy အရူးလွယ်အိတ်

Facebook Comments

Burmese News