ချောက်မြို့ မဟာအေးစေတီ ဘုရားပွဲတော်ကြီးတွင် ပွဲကရန် ပျက်ကွက်ခဲ့လို့ ပြသနာတက်နေပြန်တဲ့ စွမ်းသဘင်

နှစ်စဉ်ကျင်းပမြဲဖြစ်သော မကွေးတိုင်းဒေသကြီး ချောက်မြို့မဟာအေးစေတီ ဘုရားပွဲတော်ကြီးတွင် ၁၃၈၁ ခုနှစ် တန်ဆောင်မုန်းလပြည့်ကျော်(၆/၇/၈)အထိ(၃)ညတိုင်တိုင် စွမ်းဇာနည်ဇာတ်ပွဲကပြရန်အတွက် 28/8/2019 နေ့ တွင် ဇာတ်ပွဲမန်နေဂျာဦးလှိုင်ဝင်း နှင့်ဇာတ်ပွဲဌားရမ်ခြင်း စရံပေး ကတိစာချုပ် ချုပ်ဆို၍ ပထမအကြိမ်စရံငွေ (သိန်း ၃၀)ကျပ် အားလည်းကောင်း 10/9/2019 နေ့တွင်မင်းသားဦးလေးတော်စပ်သူဇာတ်ပွဲမန်နေဂျာဦးအောင်မျိုးဦး ထံသို့ ချောက်မြို့ ကမ္ဘောဇဘဏ်မှ ရွှေဘိုမြို့ ကမ္ဘောဇဘဏ်သို့ ဒုတိယ အကြိမ်စရံငွေ (သိန်း၂၀) ကျပ်အား ငွေလွှဲဖြင့်လည်းကောင်း စုစုပေါင်း စရံငွေ(၅၀သိန်း)ကျပ် တိတိကို စွမ်းဇာနည်ဇာတ်ပွဲ ကပြရန်ပေးချေခဲ့ရာ မန်နေဂျာကိုယ်တိုင် လက်ခံစစ်ဆေးရေတွက် ရယူခဲ့ပြီးဖြစ်ပါသည်။

Image may contain: 3 people, people smiling, people standing and text

စွမ်းဇာနည်ဇာတ်ပွဲသည် စရံငွေအား လက်ခံရယူခဲ့သော်လည်း ဘုရားပွဲတော်ကြီး စာချုပ်ရက်တွင် လာရောက်ကပြခဲ့ခြင်းမရှိသဖြင့် အခြားဇာတ်ပွဲအား အဆိုတော်များ သရုပ်ဆောင်များ ဌားရမ်းအစားထိုးထည့်သွင်း ကပြခဲ့ရသည့်အပြင် စွမ်းဇာနည် ကြိုတင်ဖျာရောင်းချထားမှုအား အများကြေနပ်မှုရှိစေရန်ပြန်လှယ်ဖြေရှင်းခဲ့ရမှုအားသင်တို့ ကြားသိပြီးဖြစ်မည်ဖြစ်ပါသည်။

Image may contain: 2 people, people smiling

သို့အတွက် ကျွန်ှပ်တို့တွင် ဇာတ်ရုံ ကြော်ငြာ ဗွီနှိုင်း နှင့် နစ်နာမှုများစွာအတွက် မန္တလေးမြို့နေဇာတ်ပွဲမန်နေဂျာ ဦးလှိုင်ဝင်းနေအိမ်တွင် ညှိုနှိုင်းမှုအရ သင်တို့ကိုယ်တိုင် နစ်နာကြေး(သိန်း၁၂၀)ကျပ် ပေးလျှော်မည်ဖြစ်ကြောင်း စိတ်ကြေနပ်ကြည်ဖြူ လွတ်လပ်စွာကတိပြုခဲ့ပြီးဖြစ်ပါသည်။ ကတိပြုပြီးဖြစ်သော်လည်း သင်တို့အနေဖြင့် ပေးလျှော်မည့်နေ့ရက်အား အကြောင်းအမျိုးမျိုးပြ လှီးလွှဲပြောဆိုရှောင်တိမ်းနေသဖြင့် သင်တို့ကိုယ်တိုင် ကျွန်ှပ်ထံသို့ (5/12/2019) နေ့ နောက်ဆုံးထား၍ သဘောတူကြေနပ်ထားသည့် နစ်နာကြေးငွေ(သိန်း ၁၂၀)ကျပ် တိတိအား တစ်လုံးတစ်ခဲတည်း မပျက်မကွက် လာရောက်ပေးလျှော်ရန်အသိပေးကြေညာ တောင်းဆိုလိုက်ပါသည်။

No photo description available.

ထပ်ဆင့်သိရှိစေလိုသည်မှာ (5/12/2019) သတ်မှတ်ရက်ကျော်လွန်ပါက တရားဥပဒေနည်းလမ်းရှိသည့် အတိုင်း အမှုဖွင့်လှစ် အရေးယူဆောင်ရွက်သွားမည်ဖြစ်ကြောင်း ဆန်းသစ်တည်ထွင် စွမ်းသဘင် စွမ်းဇာနည်ဇာတ်ပွဲ မန်နေဂျာများဖြစ်ကြသည့် ဦးလှိုင်ဝင်း နှင့်ဦးအောင်မျိုးဦး တို့သိရှိစေရန် အသိပေးကြေညာ အပ်ပါသည် ။(1) ဦးလှိုင်ဝင်း (ဇာတ်ပွဲမန်နေဂျာ)၊ (2) ဦးအောင်မျိုးဦး(မင်းသား ဦးလေးတော်စပ်သူ) (ဇာတ်ပွဲမန်နေဂျာ)၊ ဦးရာပိုက် ရဲမာန် အိမ်အမှတ် ၂၅၁ /နယ်မြေ ၆ အပိုင်း ၃ /အမှတ် ၁၈ ရပ်ကွက် မြင်းခြံမြို့ Ph 09 : 5073 196

No photo description available.

Source-MON

Facebook Comments

Burmese News