ဒဏ်ရာကုပေးဖို့ ဆေးဆိုင်တံခါးဝထိသွားပြီး အကူအညီတောင်းခဲ့တဲ့ ခွေးလေး

ဘာနူးဂျန်ဂစ်ဇ်ဟာ ကြင်နာသနားတတ်တဲ့ အမျိုးသမီးတစ်ဦး ဖြစ်ပါတယ်။ သူမဟာ တူရကီနိုင်ငံက ဆေးရောင်းသူတစ်ဦးလည်း ဖြစ်ပါတယ်။ ဘာနူးဟာ တိရစ္ဆာန်လေးတွေကို ချစ်တတ်ပါတယ်။ ညဘက် သူမရဲ့ဆေးအရောင်းဆိုင် ပိတ်လို့ အိမ်ပြန်ခါနီး အချိန်တိုင်းမှာ ဘာနူးဟာ လမ်းဘေးခွေးလေးတွေအတွက် အစားအစာ၊ ရေနဲ့ ခြုံထည်စောင်တွေကို ထားပေးလေ့ရှိပါတယ်။

ဒီအတွက် ခွေးတွေကလည်း ဘာနူးကို ချစ်ပါတယ်။ ဆေးဆိုင်ဖွင့်ဖို့ ဘာနူးလာပြီဆိုတာနဲ့ ခွေးတွေက သူမနားမှာ ဝိုင်းပြီး ကြိုဆိုတတ်ကြပါတယ်။ တစ်နေ့တော့ ထုံးစံအတိုင်း ဆေးဆိုင်ဖွင့်ဖို့လာရင်း ဘာနူးက ခွေးတစ်ကောင်ကို သတိထားမိလိုက်ပါတယ်။ အဲ့ဒီခွေးလေးဟာ သူမကို အကူအညီလိုနေတယ်လို့ ဖော်ပြနေတဲ့ သနားစရာ မျက်လုံးတွေနဲ့ ကြည့်နေခဲ့တာပါ။ ခွေးလေးဟာ စိတ်လှုပ်ရှားနေပုံရတဲ့အပြင် ခွေးရဲ့ လှုပ်ရှားပုံကလည်း နည်းနည်းတော့ ထူးဆန်းနေတာကြောင့် ဘာနူးဟာ ခွေးကို သူမရဲ့ ဆေးဆိုင်ခန်းထဲ ခေါ်သွင်းခဲ့ပါတယ်။

တကယ်တော့ ခွေးလေးရဲ့ ဖဝါးတစ်ဖက်ဟာ ဒဏ်ရာရပြီး သွေးတွေ ယိုထွက်နေခဲ့တာပါ။ ဒါကြောင့် ဘာနူးဟာ ချက်ခြင်းပဲ အနာကို သန့်ရှင်းရေးလုပ်၊ ပိုးသတ်ဆေးထည့်ကာ ဒဏ်ရာကို ပတ်တီးနဲ့ စည်းပေးထားလိုက်ပါတယ်။ ဒါနဲ့ ခွေးလေးကို ကြည့်လိုက်တော့ သူဟာ ထွက်သွားချင်ပုံမရပါဘူး။ နေရာမှာပဲ ရပ်မြဲတိုင်း ရပ်နေတာကြောင့် ဘာနူးဟာ အဲ့ဒီတစ်နေ့တော့ ခွေးလေးကို သူမဆေးဆိုင်ခန်းထဲက နေရာလွတ်လေးတစ်ခုမှာပဲ ထားပြီး အစာကျွေး၊ ရေတိုက်ကာ သက်တောင့်သက်သာ နေခိုင်းခဲ့ပါတယ်။

တစ်နေကုန်လို့ အိမ်ပြန်တော့မယ့် အချိန်ရောက်မှ ဘာနူးဟာ ဒဏ်ရာရနေတဲ့ ခွေးမလေးကို အပြင်ထုတ်ကာ သူ့အပေါင်းအသင်းတွေဆီ ပြန်လွှတ်ပေးလိုက်ပါတယ်။ အစပိုင်းတော့ ဘာနူးက ခွေးမလေးကို အိမ်ခေါ်သွားမယ်လို့ စိတ်ကူးခဲ့ပါသေးတယ်။ ဒါပေမယ့် သူမအိမ်မှာလည်း ခွေးတစ်ကောင်မွေးထားတဲ့အတွက် အချင်းချင်းကိုက်မှာစိုးလို့ဆိုကာ လမ်းပေါ်ကိုပဲ ပြန်လွှတ်ပေးခဲ့တာ ဖြစ်ပါတယ်။

“…လမ်းဘေးတိရစ္ဆာန်လေးတွေနဲ့ ရင်းနှီးလာခဲ့တာ ကျွန်မက နှစ်ပေါင်းများစွာ ကြာနေပါပြီ။ ကျွန်မ သူတို့ကို အစာကျွေးတယ်။ ဆေးကုပေးတယ်။ တတ်နိုင်သလောက် အိမ်ရှာပေးတယ်။ သူတို့ကို ကျွန်မနားလည်ပေးတယ်။ ဒီတော့ ခွေးလေးတွေက သူတို့တစ်ခုခုဖြစ်တော့ ကျွန်မကို အကူအညီလာတောင်းတာပေါ့။ ကျွန်မတို့ လူသားတွေအနေနဲ့ အကူအညီလိုနေတဲ့ သတ္တဝါလေးတွေကို အတတ်နိုင်ဆုံး ကူညီပေးသင့်ပါတယ်..” လို့ ဘာနူးက တိုက်တွန်းခဲ့တာကိုလည်း heartwarmingthings အရ သိရပါတယ်။

#Credit

Facebook Comments

Burmese News