ပြည်သူ့လစာစားပါက ပြည်သူကို မျက်နှာမူရမည်ဟု မင်းကင်းအမတ် ဦးမောင်မြင့် စာရင်းစစ်ချုပ်ရုံးကို သတိပေးပြောကြား

ပြည်သူ့လစာစားပါက ပြည်သူကို မျက်နှာမူရမည်ဟု ပြည်ခိုင်ဖြိုးပါတီမှ မင်းကင်းမြို့နယ် ပြည်သူ့လွှတ်တော် ကိုယ်စားလှယ် ဦး မောင်မြင့်က ပြည်ထောင်စုလွှတ်တော်တွင် ပြောသည်။ ဒုတိယအကြိမ် ပြည်ထောင်စုလွှတ်တော် (၁၅)ကြိမ်မြောက် ပုံမှန်အစည်းအဝေး ဖေဖေါ်ဝါရီ ၁၃ ရက်တွင် စာရင်းစစ်ချုပ် အစီရင် ခံစာ၏ စစ်ဆေးတွေ့ရှိချက်အပေါ် ပြည်သူ့ငွေစာရင်း ကော်မတီ လေ့လာတွေ့ရှိချက်နှင့် သဘောထားမှတ်ချက် အစီရင်ခံစာအား ဆွေးနွေးရာတွင် မင်းကင်းမြို့နယ် ပြည်သူ့လွှတ်တော်ကိုယ်စားလှယ် ဦးမောင်မြင့်က တင်ပြဆွေးနွေးခဲ့ခြင်းဖြစ်သည်။

“ စာရင်းစစ်ချုပ်ရုံးအနေနဲ့ ၀န်ကြီးဌာနတွေရဲ့တစ်နေ့တာ လုပ်ဆောင်ရတာတွေကို စစ်ဆေးရတာဖြစ်လို့ ခက်ခဲပင်ပန်းမယ်ဆို တာ ကိုယ်ချင်းစာသလို နားလည်းလည်ပါတယ်။ ဒါပေမဲ့ ဒီကိစ္စမှာ ၀န်ကြီးဌာနအနေနဲ့ လုပ်ထုံးတွေအပေါ် ကျော်လွန်ပြီး GGS ကုမ္ပဏီအပေါ် ဒေါ်လာ ၄ ဒသမ ၅ သန်းကျော် စိုက်ထုတ်ကျခံပေးခဲ့တာကိုလည်းကောင်း၊ ထိုင်းငွေကြေးတန်ဖိုးအရ ဒေါ်လာ ၅ သိန်းကျော် ဆုံးရှုံးခဲ့တာကိုလည်းကောင်း ဘယ်လို အရေးယူဆောင်ရွက်မယ်ဆိုတာကို ရှင်းလင်းစွာ မှတ်ချက်မပြုလို့ စိတ်ပျက် မိပါတယ်။ ပြည်သူ့ရဲ့လစာကို စားရင် ပြည်သူ့မျက်နှာကို ကြည့်ရမယ်ဆိုတာ ကျွန်တော်သတိ ပြုစေလိုပါတယ်” ဟု ၄င်းက ပြောသည်။

Image result for ပြည်ထောင်စုလွှတ်တော် (၁၅)ကြိမ်မြောက် ပုံမှန်အစည်းအဝေး

တနင်္သာရီတိုင်းဒေသကြီး ထားဝယ်ခရိုင်အတွင်း ဂလိုဘယ်ဂရန်းကုမ္ပဏီနှင့် လျှပ်စစ်နှင့် စွမ်းအင်ဝန်ကြီးဌာနတို့အကြား ငွေကြေး အရှုပ်အရှင်းကိစ္စအပေါ် မင်းကင်းမြို့နယ် ပြည်သူ့လွှတ်တော်ကိုယ်စားလှယ် ဦးမောင်မြင့်က ပြည်ထောင်စု လွှတ်တော်တွင် ဆွေး နွေးတင်ပြခဲ့ခြင်း ဖြစ်သည်။ “ဒေသခံတို့ရဲ့ လျှပ်စစ်လိုအပ်ချက် အဆက်မပြတ်အောင် ၀န်ကြီးဌာနက စေတနာလွန်ကဲပြီးတော့ ဒေါ်လာစိုက်ထုတ်ပေးတာကို ထားလိုက်ပါ။ ဒေါ်လာနဲ့ စိုက်ပေးရင်ဒေါ်လာနဲ့ ပြန်ပေါင်းရမယ်ဆိုတာ မသိဘူးဆိုလို့ ရှိရင်ဝန်ကြီးလုပ်ဖို့ မကောင်းတော့ပါဘူး”ဟု ဦးမောင်မြင့်က ထပ်မံပြောသည်။

Image result for ပြည်ထောင်စုလွှတ်တော် (၁၅)ကြိမ်မြောက် ပုံမှန်အစည်းအဝေး

#AKonThi

Facebook Comments

Burmese Online News